هذا اللي احتاجه دعواتكم ...
احس نفسي مرهقة
كأني بدوامة
ودي اصارخ بصوت عالي واطلع اللي بقلبي...

يا إلهي وسيدي و ربي من لي غيرك اسأله كشف ضري

يا رب

يقول ان عنده خيارين
يا ان يطلقني
او يحجز له سرير بمستشفى الامراض العقلية ...

كيف يشقى المرء بالنعم!
زين
الواقع لايمكن تغييره لكنيمكن تغيير نفسك
يؤسف الرجل ان لايبحث عن زوجته ويجدها ملتصقه به حد خنقه
يحبط الرجل ان تكون عروسه لاهثة ورائه بدل تختبئ ولاينفك يبحث عنها
يميت تطلعات الرجل ضرب المراه لنفسها امامه في وقت يفتقد فيها هذا الزوج المراه ذات الطراز الفاخر المنشغله باولوياتها
ليس لان الرجل محور الحياة
بل لان هذه المراه تعيش بافكار غير صحيه
فهي مستعده لتقديم صحتها ونفسها وعلاقتها اللطيفة مع السماء غرابين لهذا الرجل المسكين
لانه يشعر بانه كثير عليه
احدكم لقمه اكبر من فم الاخر

__________________
الحمد لله..اللهم صل على محمد و ال محمد

التفريغ المنهجي

ودي اتكلم وافضفض
بس الحروف تضيع مني..
الألم اللي احس به اكبر من ان اختصره بالكلام...

شوي اقرأ قرآن وادعي واستغفر
وشوي احط على راسي المخدة عشان اكتم صراخي
ما اتمنى اللي احس به حق عدوي

ودي انام واقعد اشوف نفسي بمكان ثاني
ودي انام بفضاء ما فيه غير ربي معاي
الدنيا وايد قاسية

كل شيء كنت اسويه له اقول قربة لله
عشان ربي يبارك لي وله
سويت اشياء وايد عشانه
ما بينت بعينه

زين

ليش يقول مستشفى المجانين !؟
هذه تاني مرة يلمح بالانفصال .. أفتكر قبل شهرين نفس الشي قلتي !

حصل شي خلال الشهرين هذه !

لازم تقرروا يا تكملوا مع بعض .. او لا ..
ما يصير زي كذا كل مرة ..

استخيري و لا تترجي كثير ..

في آخر فترة ربطت علاقتي به مع علاقتي بالسماء
قربة لله وشكراً على نعمه

جزاتي سويت كل شيء عشانه ؟
ليش ما يشوفها من ناحية ايجابية ان انه ضحيت بأمور وايد عشانه
ليش قبل لا نتزوج يقولون لنا هالمشاعر احتفظوا فيها حق ازواجكم
ولما نتزوج ازواجنا يرفضونها!
اصلاً كرهت نفسي على اللي سويته له .. و ذليت روحي عشانه بس ما يستاهل
انسان اناني يدور راحته بغض النظر عن راحتي...
اهم شيءهو يكون مرتاح ويحصلني وقت اللي هو يبي بس
هو يحتاج جارية ما يحتاج زوجة

وألحين شنو لازم اسوي معاه ؟
لو انتظر حكم الجلاد ...

قبل كان يملح..
بعدها تكلمنا مع بعض وتوقف عن سيرة الطلاق وما يلمح ولا يصرح
هالمرة قرر.. يقول مستشفى المجانين على اساس انه ذابحته وجننته

انه ابيه
هو لا

مع ان يقول يبيني ويعز عليه الطلاق
اسمع كلامك اصدقك اشوف افعالك اتعجب

اختي زين

انتي مستمرة على ماانتي عليه منذ اول استشارة هنا

فلماذا مستغربة من النتيجة؟!؟!؟!؟!؟

لاتقولي اتغيرت

انتي غيرتي فقط من المظهر او القشور

ولكن الاساس الداخلي لديكي ظل على ماهو عليه

كل مرة تأتي وننصحك نفس النصيحة

ولكنك لم تكوني تصدقينا وكنتي تصدقي الاحاسيس اللي بداخلك

شلون ما تغيرت ياخوي ؟!
وشلون ما كنت اصدقكم ؟!

احسنت
تمام عليك👍👍👍