واضح انه بيتزوج و بعدين بيرجع يندم و يعرف قيمة بيته و زوجته

عشان كذا ام دان
انت ما غلطتي لما ضربتي ولدك .. هذا ابنك و حتى لو يصير عمره 60 سنة

هو المفترض يعتذر منك و من ابوه

ابني عمره ثلاثين..

واللي يقولون اتركيه يتزوج.. بعد اللي صار مستحيل أوافق طالما زواجه متوقف على موافقتي..يبغى يتزوج من غير موافقتي يروح يواجه مصيره وحده ماني مشاركته في شي..

اطمئنوا الحمد والشكر لله محد شاف الفلم ومحد يدري عن اللي صار...إلا إن أحمد اضطر يقول لأخوانه أمي وأبوي متزاعلين..لكن محد عارف السبب..

أحمد مافارقني لحظة ودمعته مانشفت من عيونه اتسامح مني وراح البارح لأبوه واتسامح منه قال لقيت عمي عند أبوي واتكلمنا كثير ورجع عندي وأرسل أخوه يبات مع أبوه..وهذا عمهم رجل طيب وخير وعاقل..

طول عمري أحل أرقع وأداري أموري بنفسي لكن خلاص حاسة معي تشبع وتطفح من كثر المشاكل صرت غير موزونة..

أنا خرجت من البيت وأنا أبكي وأمشي 3 ساعات مدري بنفسي أنا فين ماشية واللي في البيت يحسبوني بدور الضيوف.. مادروا إني برة غير لما اتصلت.. حتى لما جاني ابني استغرب قال ايش جابك هنا يا أمي كيف مشيتي هذه المسافات..

الله يكون في عونك

ان شاء الله ان عندك من الرصيد عند زوجك اللي يخليه يتفهم ويسامح وإن أخذ بعض الوقت

شايل في خاطره

ليه مارجعتي بيتك يا ام احمد؟ مو ابو احمد قالك ارجعي البيت

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]

بِسْم الله الصلاة والسلام على رسول الله

أختنا الفاضلة أم الدان سأقول ما عندي أن وفقت فمن الله وإن أخطأت فمن نفسي والشيطان ولا حول ولا قوة إلا بالله

أولا الحمد لله على الصلح بينك وبين زوجك أبو عيالك الله يديم المحبه بينكم ولايفرق بينكم

ثانيا أخبرتك في موضوعك السابق أن المثاليه في التعامل مع الأبناء متعبه جداً

ثالثاً أوصلي له رساله بكل صراحه وحزم أن المشكلة التي مرتي بها أنت وزوجك هو كان سببها وأنك لست موافقه على فكرة زواجك وأن لا يفتح معك هذا الموضوع لأنه قد يسبب لك مشاكل مع نفسك ومع زوجك

وانسي الموضوع وعليك بالدعاء
وإسعاد نفسك وزوجك

اللهم فرج الهموم ويسر الأمور وأستر العيوب واشرح الصدور

حتى البنت رفضته قبل تعرف انه رافضها
وكل واحد منهم ما يدري ان الاخر رافضه سبحان الله لعلها خيره

وانتي اخطاتي فعلا بضرب زوجك حتى لو هو من بدا لانه كما قلتي عنده الضغط
فهو معذور وانتي غير معذورة

وما فيها شي بل واجب عليك ان لا تكتفي باعتذار الرسالة
لابد من اعتذار اخر اذا قابلتيه هذا زوجك وحقه عليك اكبر من حقك عليه
ومريض وضربتيه امام ولده كسره كبير بنفسه صراحه!

نصيحتي كرري اعتذارك له امام ولدك وحبي راسه
لو غيره طلقك او تزوج عليك

كلاكما على خطأ .. السبب تشبعكما من الضغط الناتج عن إصرار إبنك ومشاكله مع زوجته، التفكير بباقي الاولاد ، وامور حياتية اخرى ،،، الانسان مو معصوم عن الخطأ فمثل ما ننصح زوجة بتحمل زوجها دامه انسان على خلق كبير ومحب لزوجته واسرته ولكن بعض الضغوط تجب ه بعض الاحيان على الانفجار ايضا ننصح الرجل ! ..

زوجك عالم بالوضع اللي انحطيتي فيه لسنة كاملة غير باقي امور الحياة ،، وعليه فردة فعلك متوقعه بتكون كبيرة ..
نعم انتي اخطأتي لكن كان الاجدر لو انه ينهيك او يتحدث معاك على انفراد وبالنهاية يبقى ابنك لو تعطيه كفوف ! وبعدها انتي تبيني سبب ردة هالفعل اللي ماتوقعها ..

ابنك ،، من حقه يتزوج نعم ولكن اتركيه يتخذ أمره بنفسه ! اللي عليك سويتيه ، كلمتي زوجته واحرجتي نفسك وزوجك واضطريتوا لتحمل عبء تبعات قراره المتسرع والمؤقت فقط ( لتفيذ مراده بالتقدم للفتاة!) ، ساعدتوه وتحركتوا لاتمام امره ولكن بالنهاية اتضح له الشكل الحقيقي او المعدن الحقيقي للفتاة عكس ماكان راسمه لها في باله منذ تلك النظرة الخاطفة !

لا تجيبي سيرة رضاك من عدمه لان بالنهاية تبقي ام وراح تتنازلي لابنك ،.. فقط فهميه انه اذا يفكر بالزواج فهو حر وعليه يتدبر اموره بنفسه ويبحث ويحل الوضع بنفسه وانتي وضعك كالمراقب ...

الله يعينك ويصبرك ويسخر زوجك لك ويردك الرد الجميل له ويارب تكون القلوب متصافية دائما فيما بينكم

أختي سحابة مرني ولدي ورجعت بيتي من بعد رسالته

زوجي رجع الآن مادور علي ولا سأل عني استحم ونام ولا شفنا بعض..
نفسي عازة علي إني أتقرب منه.. أحس قلبي ينزف من الألم..
ربنا لا تحملنا مالاطاقة لنا به..

الحين أنا مالي حق أزعل؟ مو هو الي بدأ بالضرب
ولا أنا جماد ما أحس وهو بشر يحس 😕😢

آخر مشاركة و عذراً إن سببت لك إزعاجاً

إبنك قال سابقاً أنه لا يريد الزواج إلا من تلك الفتاة وإن لم يتزوجها فإنه لن يعدد

كيف يعود ويقول لك بعد أن تراجع هو ولكن قدر الله للفتاة أن تخرج مرفوعة الرأس برفضها له و هو الذي ضغط عليك وعلى أباه وزوجته ثم قال لم أرتح لها

والآن يأتي ويقول لك بكل برود شوفي لي عروس !!!

إبنك وجد سالفة وهو مستمتع بها

واجهيه بشدة لا يسبب لنفسه ولزوجته و لكما أنتم الأبوان مشاكل بقراراته الغير واعيه