ردة فعل الرجال في هالموضوع ..
لاحظت الي يقول : خلاص ماتبي تحط بالبيت شي اجل تجلس بالبيت وانا
اصرف عليها ..
والي يقول : اوكي لا تحط شي بس انا ماراح اوفر الا الاساسيات
واضح ان الرجال يعتبرون عدم مشاركة الزوجة بمصاريف البيت
او نفسها وعيالها جريمة .. ولازم تتعاقب عليها بانها تقعد بالبيت
وتحرم من هالفلوس الي ما عطتهم اياها .. او انها تحرم من الكماليات
الي هم يقدرون عليها (المعسرين خارج نطاق الموضوع )
طبعا الرجل الي ماديته ضعيفة رغم انه مكلف شرعا بسد حاجة زوجته
حسب قدرته .. بس من حقه ذوقيا وانسانيا يتوقع مشاركة زوجته له
ولكن الي ربي فاتح عليه ... ماله حق ابد ابد .. طيب اذا انت بتقعد زوجتك
بالبيت .. خلاص اجل عيشها بنفس المستوى الي راتبها معيشها عليه
واذا انت بتكتفي بالاساسيات فقط من ناحية النفقة .. فايضا زوجتك من حقها
تقول لك ماني طابخة ولا منطفة بيتك انا شرعا ماني ملزمة بهالشي !!!
يعني سبحان الله على اني عارفة عيوب بنات جنسي .. ولكن لاحظت كثير بنات
ازواجهم ما يمشونهم ولا يسفرونهم ولا يدلعونهم بالصرف ومع ذلك البنت قايمة
بالبيت والطبخ والتنظيف .. وما قالت ماني ملزمة شرعا دامه ما يمشيني ولا يسفرني
بالمقابل .. كثير رجال بمجرد ان حرمته ما تقوم بالبيت ولا الطبخ يانه يقطع عنها
المصروف او يتزوج عليها او يطلقها !!!!!!!
من الاصل ليش الرجال ما يرضون بحكم الشرع من هالناحية .. وينسون نهائيا
ان زوجاتهم موظفات .. ويتذكرون شغلة وحدة بس يحق لهم يحاسبون زوجاتهم عليها:
مستوى اهتمامها بنفسها ولبسها وبيتها ونظافتها .. هذا الشي الوحيد
الي من حق الرجل يحاسب زوجته عليه لانه هو الشي الي يخليه مرتاح معها
غيره لا .. ماله خص ..
كبير بعيني الرجل الي مايحتكر وقت زوجته وجهدها له لحاله ..
ويعتبرها حررة طالما هي قايمة فيه وببيته .. احترمه
لان كثير من الزوجات تكون موظفة ولكنها قدرت بتنظيمها لوقتها انها ما تخلي هالوظيفة
تاثر على واجباتها الزوجية .. ومع ذلك يطلع لنا رجال مايحمدون ربي ويشكرونه
ويطمعون بشي مالهم حق فيه لا شرعا ولا عرفا .. الله يصلح الجميع رجالا ونساءا
__________________
شتان .. بين من تسيره مبادئه ، ومن تسيره مصالحه
التعديل الأخير تم بواسطة روعة المعنى ; 03-11-2010 الساعة 01:00 PM