صدقيني اسلوبك هذا يضرك ماينفعك..

أفهمي .. وطبقي.. هذي استراتيجيات..

الهجوم خير وسيله للدفاع.. لا تكونين سلبيه ..

والله إلي يسمعك يقول أنك مرتكبه جريمه .. أنت غلطانه في شيء واحد بس.. ليش تخبين عنه .. هذا زوجك ..

أقرب الناس لك ..

بعدين آخر شيء تعتذرين بعد ماتدافعين عن حقك .. في البحث عن حل للمشكلة مع زوجك للدفاع عن حياتك ..

قولي .. أيوه كتبت عشان أعرف كيف أتصرف.. تبغاني أكون سلبيه .. هذا منتدى فيه استشارييين مو ناس عاديين ..

والله وعن نفسي عمري ما كتبت في منتدى أو سجلت في غير هذا المنتدى .. والله أنه أول منتدى أشارك فيه ..

ليش لأنه منتدى محافظ .. يحفظني من مخاطبة الرجال أو حتى النساء مباشرة.. وكله على عينك ياتاجر..

الله يهديك عشان كذا مهبل فيك .. هذا الأسلوب الأنهزاميه .. مو حلو

أنت عايشه في زمن إن لم تكن ذئبا أكلتك الذئاب..

__________________

اللهم إني استودعك المسلمين في كل مكان.. فإن ودائعك لا تضيع..
اللهم ارزقني سعادةً تجعلني أسجد لك باكية.. وارزقني بعدها سعادة لا تنضب أبدا .. اللهم آمين برحمتك يا ارحم الرحمين ..

اختي خليك قويه وواجهيه انتِ مو مسويه شي غلط ..مشاركه بمنتدا محافظ واذا مو مصدق يجي ويتصفح ويمكن هو يسجل بعد ههههه..وإذا يقولك اتكلمتي عن مشاكلنا قوليله كنت ادور حل وماحبيت افضفض لناس قريبه مني يمكن يطلعون الكلام وتزيد المشكله حاولي تدافعي عن نفسك ولما يهدا قوليله غلطتي اني ماقلتلك بالرغم اني ما اشوف انه غلط بس يمكن من وجهة نظره غلط وانتِ ادرى بزوجك
الله يسخركم لبعض يارب

اقسم بالله اني ماغلطت عليه هو اللي اتصل علي وشرشحني

انا تكلمت عن قصة حياته المشرفه وتقصيره معي من الناحيه الماديه والعاطفيه

وهذا اللي مخوفني ان شاء الله فهمت علي وش الحل جزاك الله خير

الله يفرج همي يارب ماادري احس الموضوع ماراح

__________________

مشكورهاختي على النصيحه ربي يوفقك والله اني تكلمت معه بس هو يسكر الخط مايخليني اكمل كلامي واتصل عليه ويقفل في وجهي واذا ماتصلت يتصل كل شوي ويجرحني بكلامه الحمدلله اني عند امي الله يخليها لي

__________________

حبيبتي .. ليش أصلا تكلمينه.. سكري موبايلك وقومي نامي..

والله مايحصل شيء .. في الأرض والسماء .. إلا وهو مكتوب في اللوح .. قبل خلق السموات والأرض..

خلي قلبك على كراسيه .. وقولي يارب .. استودعتك نفسي .. وأمري مع زوجي .. اللهم دبرني فأني لا أحسن التدبير..

كرري حسبي الله لا إله إلا هو عليه توكلت وهو رب العرش العظيم.. سبع مرات بنية فرج ..

وإذا جاء .. خليك ساكته .. وواثقه من نفسك .. ومن حقك في الدفاع عن حياتك.. لو اتكلم لو علا صوته.. استغفري في نفسك..

من غير صوت.. قولي أنا ما كتبت إلا لأني أبغى حل.. أبغى أعرف كيف ممكن أحافظ عليك..

عبرت عن نفسي فضفضت أحسن مما أكتم وترجع عليك .. أو أفضفض عند الناس الي يعرفوني ويعرفوك ..

قولي بيتي واسراره خط أحمر.. على النت لا أعرف أحد ولا أحد يعرفني.. بعدين وين الثقه .. وأنت تقولين هالكلام خليك

هاديه وحزينه.. والله يسخره لك .. بس .. تعبت هههههههه

__________________

اللهم إني استودعك المسلمين في كل مكان.. فإن ودائعك لا تضيع..
اللهم ارزقني سعادةً تجعلني أسجد لك باكية.. وارزقني بعدها سعادة لا تنضب أبدا .. اللهم آمين برحمتك يا ارحم الرحمين ..

تسلمين الله يسعدك ماعاش اللي يتعبك

تخيلي ارسلي رساله يهددني انه بيتزوج قال والله لااخليك تعظين اصابعك من الندم
اخلي الكل يتشمت فيك يااختي انا خائفه انه قرا بعض الردود او القصه
انا اليوم عندنا زواج وانا اصلا لي 3ايام وانا عند اهلي هل تتوقعين انه ياخذني معه للبيت لان الزواج لقريبي وايضا من اقارب زوجي والله العظيم اني خايفه ينفذ تهديده

__________________

طيب يا أختي قولي له إنك تعرفي هاذا المنتدى وتتصفحينه من زمان قبل زواجك ولما حسيتي نفسك متضايقه ومظغوطه من المشاكل سجلتي في المنتدى علشان تدوري حلول لمشاكلكم بكل هدوء وبدون ما أحد يعرف عن حياتكم ومشاكلها من القرايب و فضلتي البحث عن الحلول من جهة محايدة وقولي له أدخل بنفسك واتصفح المنتدى وإذا شفت فيه أي شئ سيئ أنا مستعده أتركه وأنت لاتحكم عليه حتى تتصفحه وتشوف بنفسك قوانين وشروط وأهداف المنتدى وإذا ماناسبك خلاص أنا ماراح أدخله مرة ثانيه .
وبصراحة أنتي غلطتي بتسجيلك بالمنتدى بدون علمه كان قلتي له وشرحتي له عن أهداف المنتدى وعن الجوانب الإيجابيه إللي فيه وأستأذنته في التسجيل برضاه وموافقته .
وهو الحين زعلان على تسجيلك هنا وإلا على الكلام إللي قلتيه بحقه .
بعدين أنتي ليش خايفه كل هاذا الخوف ترى مايقطع الرقبه إلإ إللي ركبها إذا شفتيه زودها وطور الوضع ترى بالنهاية هو إللي بيفضح نفسه ومشاكله قدام أهلك وأهله إذا قال سجلت في منتدى وكشفت أسرارنا قولي له هاذي مو أسرار هاذي مشاكل وأنا سجلت
لأن عندنا مشاكل وكنت أبحث عن مستشارين أسريين علشان
ألاقي لها حل وأنا لو ما أحبك وما أبغاك كان ماكلفت نفسي
أدخل أي منتدى في سبيل البحث عن الحلول إللي تسعدك
وتريحك وتريحني وبعدين ترى منتدانا غالبيته نسائي والمشرفين والمراقبين كلهم كادر نسائي وأنا لو ما عندي ثقة ومعرفه أ كيده بهاذا المنتدى من البداية كان ماسجلت فيه لأني أخاف الله وأخشى على نفسي
وسمعتي أ كثر منك .
ولوشفتيه زودها وكبرها ووصلها لأهلك فيارو ح مابعدك روح قولي له خلاص أنا أبغى أهلي يطلعون على مشاركاتي ومواضيعي وإذا شافوا فيها أي تجاوزات أو قلة أدب وإحترام فأنا مستعده للي تطلبه وأنا أستاهل وهذا جزاتي لأني ما أبغى أرو ح لأهلي وأتشكى منك ومن تقصيرك معاي علشان إني أحبك وما أبغى أهلي ياخذوا عنك فكرة غلط وحبيت أبحث وراء حلول لمشاكلنا من بعيد وما أبغى أي أحد يتدخل بحياتنا.
أنت إستلطفيه بالكلمة الطيبه وبدون خوف من أسلوبه معاك
إذا قلتي له إنك تعرفي المنتدى قبل زواجك منه وإنك ماتوقعتي إن تسجيلك فيه يضايقه لأنه منتدى أسري يمكن نفسيته تهدأ
شويه وأنتبهي حسك عينك تروحي تاخذي الجهاز ترى بيشك فيك إنك مسوية غلط وأخذك للجهاز علشان تنظفينه ومايمسك عليك شئ أ نتبهي وخلي الجهاز عنده يتصفحه ويفتشه براحته حتى نفسيته تطيب ويرجع لعقله ويفكر زين
والله يعينك ويوفقك و يسهل أمورك مع زوجك على كل خير يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الله يخليك يابنت الحكمي ويسعدك انا ابي اخذ الجهاز علشان مايكسره اويبيعه
وهو عارفني وواثق مني بس ياختي انا كتبت ثلاث اواربع مرات قصصه معي ويقول تنصحين ها كانه يعايرني خاصه القصه الاولى كتبت عن............... والله ماادري وش اقول الله يفرج همي وانا ارسلت رساله اثناء المشكله واتوقع انه عارف ان المنتدى جيد بس انا كتبت اني افكر في الطلاق واني كرهته وماابين له

بعدين اختي مادخلت النت في بيتي الى من السنه الماضيه
وانا الحين مايهمني اهي خاربه خاربه الله لايحرمني من امي ويطول في عمرها

__________________

أختي الكريمة الجهاز لو باعه
أو كسره في ستين داهية غيره ألف جهاز أهم شئ حياتك ماتنخرب إسمعي أنت ماكتبتي إنك كرهتيه وتفكري بالطلاق إلا بسبب تعامله معاك وتصرفاته كرهك له وتفكريك بالطلاق منه بسببه هو يعني لو معاملته وتصرفاته معاك حلوه وطيبه كنتي بتقولي كذا وبعدين الواحد إذا عنده مشاكل وبالذات حنا يالحريم أغلبنا إذا عندها مشاكل مع زوجها ما عندها حل غير إنها تقول كرهتك طلقني أنا ما أبغاك وهاذا ديدن أغلب النساء إلا مارحم الله شئ طبيعي إن الواحد لما يكون متضايق وفي لحظة غضب يتفوه بكلام غصب عن إ رادته حتى ينفس عن غضبه كلامك كان تنفيس لما بداخلك من كبت نفسي ومن ماتعانينه من ضيق بسبب مشاكلكم أنتي وزوجك ومن زيادة الهم والقهر إللي في داخلك قلتي هالكلام وبوقت زعل وضيقه من ظروف حياتكم ومشاكلكم فلا تشغلين روحك وتجلسين مشغوله هدي نفسك وعليك بالإستغفار والدعاء وربنا يفر ج همك ويكشف غمك يارب و يصلح شأنك مع زوجك وترجعون تعيشون حياتكم مع بعض في سعادة دائمة وراحت بال وإستقرار اللهم آمين يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله