لمسة اذا كان يتكلم عن ام عياله كذا
و ما احترم العشرة
و ليه اخفى السفرة عنها ؟؟ هذا يعني انه ما عدل بينكم سفرك انتي بس
اش تتوقعين منه !!! بعد هذا كله

لا حبيبتي همه حتى هي سفرها ابها هي وعيالها قبل مني

انا الاخيره بكل شي واخفى عنها اني معه كانه مازوجني خفيه الاشياء هذه مره تستفزني فيه
اذا يحسب لها حساب ليه تروج من الاساس؟؟
سؤال جدا محيرني

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

انا أﻻحظ من كلماتك الغيره فقط
حبيبتي إنتي تزوجتيه وعارفه وضعه
متزوج وبعياااال
وابدآ ﻻتفكرين لما تزوج عليها يعني مايحبها
ﻻطبعآ،، لو مايحبها ماكان تزوج عليها كان طلقها ياأختي
خليك ذكيه وسيبي اﻻندفاااع إللي إنتي معيشه نفسك فيه
فكري بهدووء وتعاملي ببروووود
وتعلمي كيف تهتمين بمظهرك وجذبه لك
والله الكلمه الطيبه والتعامل العاطفي العشقي المتساااامح
راح تشوفين نتيجته خﻻل فتره يمكن سنه ويمكن أقل ماتدرين
أهم شي يكون عندك صبررررر وطووولة باااال
وﻻ تقولين جربت وجربت ومانفع
الله اعلم كيف كانت طريقتك. .يمكن غلط أو تنتظرين النتيجة بشهر وتملين
حاليآ ﻻتفكرين بالعدل الله بيحاااسبه
مو إنتي
ركزي على اللي قلتلك


وسؤال. .كم عمرك
وكم عمر زوجته اﻻولى؟؟

شفتي حتى سؤالك فيه غيره شديييده
كيف يعني يحسب لها حساب
ترى اللي مافيه خير باﻻولى مافيه خير بالثانيه
وليش فسرتيها يعمل لها حساب! !!
انتي للأسف تفكيرك سلبي وتشكين بقدراااتك
صدقيني ماتزوج أﻻ ومحتاج شي انتي ماقدرتي تعرفينه بأسلوووبك
وعشان كذا ماوفرتيه
انا حاسه كذا الله اعلم
انتي عايشه دور الضحية والمظلومه وووو
معيشه نفسك في دوامة حزن وهالشعور يوووصله من نظرة عيونك
وبدون ﻻتنطقين؟،، ويمكن يأثر على نفسيته ويعاملك هالتعامل
طيب انتي تقولين ينام بالصاله
اوك..روحي له توددي له
حسسيه انه كل حياتك حسسيه إنه يهمك
يااابنت ماسوا هالحركه أﻻ وينتظر ردة فعل منك
كل تصرف منه يقهرك انتي اقلبيه لصالحك بطريقة محبه
وان شاء الله يارب أمورك تزززين
حاولي ﻻتملييين

لمسة حبيبتي ،، والله طنشي وخلاص هوو ربه حسيبه ! انتي اهم شي الكتاكيت عندك واحسن شي انهم مو مخلين لك مجال للتفكير ابدا والله الغني !! ... موضوع سفره وعدم ذكره انك معاه ممكن تجنبا لنقاش حاد مع زوجته الاولى وكثرة الاسئلة اللي بتجيه بعدها بالتالي يختصرها ويقول لاااء ..

وبالنسبة للكرش ،، لاتنسي كنتي حامل بطفلين فشي متوقع تماما ... مع الايام راح يخف واهم شي تمارين صبخية بسيطة حتىى وانتي بالسرير تسوينه ترفعين نفسك وتشدين المعده يوميا وبس بتشوفين مع الوقت تخف كثيير اما يصير مثل السحر مستحيييل كلشي ياخذ وقته ... ههههههه انا بوحده وشوفي شنو صارت حالتي ولا صارلي اكتئاب من اللي شفته بعدها قلت شهالحالة انا متعبة نفسي ومكتئبة على شنو نهايته ببتعدل مع الرضاع وفعلا .. فطنشي ،، لاتدققين وتتعبين نفسك ،، عيشي حياتك لاطفالك واستمتعي،، زوجك بالنهاية بيحتاجك وبيرجع ،، زوجته ان كانت قاصده الاذية فادعي الله يبعد شرها عنك وان كانت هاذي طبيعتها فادعي لها بالهداية ..

سوي تمارين البطن
عضلا البطن السفليه اهم شي هي اللي ترتخي مع الحمل
وسوي العلويه والجانبيه وبتشوفين كيف بطنك بترجع زي قبل مشدودة
وحتى ألم اسفل الظهر يخف لان عضلات البطن شدت

كيفكم حبايبي
مشكورين ع الردود الله يسعدكم
نمت امس بعد العصر وحلمت حلم ضيق صدري يتعلق ببناتي
هذه ثالث مره احلم بناتي ينتحرون من طاقه اسم الله عليهم والله يحفظهم
تكدر خاطري ضايعه طول النهار
انا ادور عن تفسير الحلم وضرتي دخلت علي واتتس
تقول ياربي استودعتك هيفا وجوري احبهم موت

قلت اشلون تحبينهم؟؟
استفزتني
قلت تحبينهم وتحرضي ابوهم عليهم وتعطينه ع راسه عشان فرح ببناته الجدد
انصدمت
قالت انا ماقالي انك حامل ولا ادري عن الخبر
قلت طيب واذا ماقالك ايش مشكلتك؟؟
انا اشياء عنك مايقولها لي عادي
تقول كانت طفشانه وقالت له هالكلام
المهم قلت ترا راح يجي يوم واتركه لك وهذه امنيتك
وعلمتها اني كنت رايحه معه المحكمه عشان اطلق
عشان بالنسبه للاخت لي تقول اغار منها والله لو اغار ما خليته لها وسافر لاهلي شهور
المهم زبده الكلام قلت اتقي الله ترا عندك بناتك وانا عندي بناتي وسالتها بالله تخلي الخوات يتواصلون لان احنا مب دايمين لهم ولا لهم ذنب في خرابيطنا
وانا علمتها ان علاقتي معه مو طبيه وابيها تكسبه اكثر وتاخذه ع طول لانه ماصبح يهمني هو كشخص
كدر علي الحلم الله يحفظ لي بناتي من كل مكروه
ربي استودعتك قرات عيني فاحفظهم لي يالله
بلا زوج بلا هم

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

اتمنى تمسحين الحلم ولاتذكرينه لأحد

روحي صلي ركعتين وبعدها انفثي عن يسارك وتعوذي من الشيطان الرجيم

واستودعيهم الله كل صباح ومساء

الله يحفظهم لك ويقر عيونك فيهم

بالنسبة للطلاق استخيري والله يكتب لك اللي فيه الخير.

انا جايه أنصحك
وودي تكونين ايجابيه
ردودك وتصرفاتك كلها سلبيه
استغرب منك والله

وعن الاحﻻم المزعجه في السنه تنفثين ثﻻث عن يسارك
وتتعوذين من شرها وﻻتذكرينها ﻵحد
وغير كذا هي من الشيطاااان علشان ينكد عليك
اقري معوذات وأذكار النوم قبل ﻻتنامين