ام رفا عزيزتي...
احزنني ما آل اليه حال زوجك...وانا متعاطفه معك مره... وبقول لك نصايحي واتمنى تفيدك..
قبل كل شي الجأي الى الله في الثلث الاخير من الليل فهو يسأل هل من داع فأجيب هل من مستغفر ....الجأي الى من يجيب الى دعوة المضطر اذا دعاه الجأي الى الله مقلب القلوب..
وادعي لزوجك بالهدايه...واشكي الى الله وتذلل واخضعي وابكي...من اعماقك ادعي الله ومن قلب صادق....
وبعدين انا مادري ماعجبتني حلول بعض الاعضاء بانك تنطشين زوجك بالعكس هالشي راح يخليه يتمسك بالبنات اللي عنده... بالعكس انت لازم تعرفين وش انتي مقصره معه فيه...تعرفين هو وش يحب ووش وده وتسوينه له انتي مو ناقصك شي وهالبنات اللي يكلمهم مو احسن منك...الرجال بشكل عام يحبون يطالعون وكذا بس على الاقل مو قدام زوجاتهم من وراهن..ذكريه بالله...ووش عقاب من يسوي كذا شغلي في بيتك قرآن وارفعي الصوت شوي لما يكون على النت يمكن يستحي على وجهه....قولي له هذي القصة مع اني مو حافظتها زين بس بقولها لك في ما معناها.. اللي عن الرجال اللي نصح ولده..يوم انه بيسافر علشان تجاره وقال له ياولدي احفظ نفسك المهم انا الولد سافر وكان كل يوم يجي الساقي لبيتهم ويعطيهم الما وكانت تفتح له البنت الصغيره اخت الولد اللي سافر...وفي يوم من الايام دق الباب وراحت البنت تفتح والاب يطالع من بعيد الا الساقي قبل البنت وراح...المهم يوم جاء الولد سأله ابوه وقال له ..وش سويت بسفرتك...قام الولد وتكلم عن اشغاله واسأله وش سويت ماقلت لك احفظ نفسك قام الولد قال لابوه انه قبل بنت..فقال له ابوه دقة بدقه ولو زدت لزاد السقا...... قولي له القصه ولا اكتبيها له في جهازه بطريقه انه يقراها..واتمنى تحسسه شوي.....
اجلسي انتي ويا زوجك جلسة مصارحه... قولي له وش انا مقصره معك يابو فلان.....ليش تسوي فيني كذا...وش انت تبي وانا ماسويته لك...ابيك تقرر وتختار انا بعطيك مهله تقرر
وقولي له يختار بينك وبين هالبنات اللي يكلمهن...لان الحياه صارت صعبه...
قولي له البنت هذيك اثرت فيك مررره وماراح تسامحني علشانها...وانا ما اثرت فيك ولا حسيت بمشاعري ولا قدرتني ولا احترمتني...تتوقع اني بسامحك على سواياك فيني اذا ماتحسنت حالتك..قولي له انا مستعده اسامحك وافتح معك صفحه جديده بس بشرط انك تحسن من حالتك وتترك هالخرابيط..وانا الاحظ واشوف بعيوني..قولي له يهتم بك وبعيالك..ووش نظرة عياله له لو دروا ان ابوهم يسوي كذا...
قولي له ان لك خوات وبنات وزوجه...اكيد ماترضى لوحده منهن تنضر من اي شاب..
قولي له حراااام اللي تسويه بنات خلق الله مو لعبه بين اياديه..
بيني له مشاعرك قولي له انك تحبينه وتخافين عليه.....ماودك انه يتعذب بالدنيا ولا بالاخره على اللي يسويه....
وطبعا اختي لاتنسين نفسك تكشخي له باحلى كشخه ورشي احلى العطور رتبي بيتك واهتمي بنظافته...سوي له اجواء رومانسيه حاولي تسترجعين زوجك ....اجذبيه
مثلا لو شفتيه جالس على النت انتي جهزي حركه رومنسيه برا لانه ماراح يدري عن حوسته وطفي الليت وشغلي الشموع وبخري البيت واكشخي والبسي وتزيني وادخلي عليه بالغرفه وامسكيه مع ايده بدون ماتطالعين بشاشة الكمبيوتر وقولي له ابيك شوي قلبي ماراح ءأخرك على شغلك ببراءه.....وبنظرات حب وحنان....وطلعي من غرفة الكمبيوتر واخذيه لعالمك وجننيه سوي له حركات اهوسيه وجننيه..نسيه كل شي ..لاتنصدمين من اول مره حاولي مره وثنتين وثلاث واربع ولا تيأسين عزيزتي...
ذكريه بايام الخطوبه الحلوه ذكريه باول ايام الزفاف الحلوه تذكري انتي وياه احلى المواقف...
ادخلي مره وانتي اخر شياكه وهو جالس على الجهاز وفاجئيه وتقدمي بخطوات مثيره واجلسي بحضنه وانتي معطيه ظهرك للشاشة وتجنبي انك تطالعينها علشان مايهبط من عزيمتك... وقبليه وداعبيه وتدللي عليه ودلعيه....لازم تكافحين ولا تتركين كمن بنت مايسوونك ياخذون زوجك منك ...وتسلحي بالايمان وثقي بالله وتوكلي عليه...
وخليك رقيقيه... واذا استحيتي تقولين له بعض الامور ماعندك جراءة اكتبيها بورقه وعلقيها على الشاشه بيقراها..اشتري له هديه اعزميه مثلا في فندق تبعدينه عن النت.....سوي كل اللي تقدرين عليه...اسحبي ناحيتك
اعرفي وش يحب وتعالي له من الابواب اللي يحبها اختاري الاوقات اللي تشوفينه فيها رايق ناظري مع الباب وشوفي كيف حالته اذا رايق ويضحك على طول طبقي هالحركات ..ولاتخافين من انه يفشلك... عادي حاولي اكثر من مره وخليه يحس على دمه ..
اسأل الله ان يوفقك لكل مايحب ويرضى ويهدي زوجك ويصلح شأنه ويسخر قلبه لك ويسخر قلبك له ويجمع بينكما بخير...
واتمنى انك تاخذين من كلامي مايناسب مصلحتك.....واسفه على الاطاله...
وقولي لي وش صار معك لو جربتي شي من اللي قلته...
واخيرا تقبلي تحياتي
اختك روعه...