30-12-2011, 03:54 PM
|
المشاركة الأصلية كتبت بواسطة آفاق المجد
من رأيي لا تخبرها دام احتمالية معرفتها قليلة
وش لك بالمشاكل و عوار الراس إنت ما سويت غلط و لا حرام عفيت مسلمة و كفلت أيتام ابشر بالخير مقياس الأمور الحلال و الحرام وش مخدوعة و ما مخدوعة مهيب ولية أمرك هي حقها دامها تاخذه خلاص الله يوفقك |
30-12-2011, 03:57 PM
|
المشاركة الأصلية كتبت بواسطة فاقده شيء
عندي حل واظنه الأسلم كون إنك تقول انا متزوج ومن سنتين حتى لو انك ان شاء الله تقول لها الشهر اللي راح هنا المصيبه والكارثه عليها تعرف ايش راح تقول تقول خنت حبي امانتي كيف قدرت تخبي عليه كيف هونت عليك كيف وكيف وكيف ؟وقتها راح تعيش زوجتك ضيم والله لو قد عمرها تعيشه ماراح يخلص ومعها حق وراح تكره طيبها الي خلاها ماتدقق معاك وين رايح وين جاي وتحس ان الي قدمته لك من طيب هو سبب استغفالك لمشاعرها وراح تحقد على اطباعها أولآ وهذي ردت فعل كثير يعيشها المصدومين
الحل قول لها راح اتزوج وعاد المبرر انت ادرى وهذا الشور بعد استخاره لإني والله مادري ايش الافضل انك تصارحها او لاء الله يكون بعونك اخوي وعون زوجتك بس صدقني مصيبه وكارثــــــــــــــــــــــــــــــــــه لو قلت انا تزوجت ومن فتره حتى اهلها راح ينصدمون فيك وراح تخسر دايم طبع البشر مايحب احد يغلط فحقه ويتمادى وبالنسبه لها سنتين قمه التمادي الله يفرجها عليك وواضح انك رجل ماشاء الله عاقل لان حتى زوجتك ال2 خليتها تعينك عالنوايا الطيبه مو العكس وطيبتك مع اطفالها الله يصلح الامور |
30-12-2011, 04:01 PM
|
المشاركة الأصلية كتبت بواسطة بنت الحكمي
يا أخي أنت تزوجت على سنة الله ورسوله وهاذا من حقك إنك تتزو ج وتعدد وزواجك الثاني كنت تبي تعف نفسك فيه وربنا وفقك ويسرها لك وتزوجت وكسبت أجر المرأة الأرملة وعيالها الأيتام وهاذا نصيبك وقدرك إللي ربنا كاتبه لك ومافيه عندك حل إلا إنك تصارح زوجتك الأولى بالحقيقة أول شئ هيئ لها الجو وأجلس معاها جلسة هادئة
وأفتح معاها الموضوع على أساس إنه يخص واحد من أصحابك قول لها لي صديق واقع في مشكلة وأخذ رأيي فيها وعلمها بالسالفة وقول لها صاحبي تزو ج على زوجته من سنتين حرمة أرملة وعندها أيتام وزوجته الأولى للحين ماتدري بزواجه الثاني وبزواجه من الأرملة يبغى يكسب الأجر فيها وفي عيالها الأيتام وبشاهدته هو إن زوجته الأولى ماينقصها شئ طبعا أنت أمتدح زوجته الأولى بحسن صنيعها معاه وبوفائها وتضحياتها له طبعا تكلم انت على لسان زوجها قول لها والحين يبغى يصارح زوجته ومو عارف كيف يصارحها بالموضوع ويقول لها خصوصا إنه يحبها ومايبغى يجرحها ولا يضايقها وكمان أشرح لها عن ظروف زوجته الأرملة وعيالها الأيتام وكم هم بحاجة لرعاية زوج أمهم لهم خصوصا بعد تعلقهم فيه ومحبتهم له طبعا أنت قول لها صاحبي يقول يا اخي أنا ابغى أكسب الحرمة الضعيفة وعيالها الأيتام ولا أنا ماناقصني شئ من زوجتي الأولى ولو كنت أحس بنقص او قصور من أم عيالي كان توجهت للزواج من البنت الصغيرة بالسن والبكر وتركت الأرملة راعية العيال لاكن أم عيالي الله يجزاها خير مافيها قصور والحين صاحبي متوهق وحالته النفسية صعبة ومايدري إيش يسوي وكيف يناقش زوجته ويفتح معاها هاذا الموضوع وتشاورني وأنا عاجز عن إعطائه حل وقلت أقول لك ياأم فلان إذا كان لك وجهة نظر بالموضوع وعندك حل سليم لصاحبي لعلى وعسى أمورة تنصلح وتزين طبعا هاذا جس نبض لها إن شفتها أبتدت تعطيك حلول ووجهة نظر سليمة فتوكل على الله وقول لها بالسالفة وإن شفت الحرمة إنفجرت وشبت وقامت قيامتها و تتكلم عن صديقك بشئ غير طيب فأحسن شئ إنك تسكت حتى تهدأ العاصفة وفكر لها بحل ثاني طبعا إنتبه إسم صديقك لازم يكون مجهول ماتعطيها إسم صديق هيه تعرف زوجته او أقاربه حتى ماتجيب لك العيد عندهم وربنا يعينك وييسر لك ما أستصعب من أمرك . |
30-12-2011, 04:02 PM
|
المشاركة الأصلية كتبت بواسطة l7aaaly
تقول يثيرك منظر المتبرجات بالاسواق والمستشفيات .... وتروح تتزوج ارمله عندها عيال !!!!!
|
30-12-2011, 04:03 PM
|
المشاركة الأصلية كتبت بواسطة بنت طيبة الطيبه
لاتخبرها خير لك ولها ودع مركبك يمضي بسلام ولكن كمية تأنيب الضمير لديك كبيرة على الرغم من أنك لم ترتكب محرم فلماذا أم أن هناك حلقة مفقودة في موضوعك?
|
30-12-2011, 04:05 PM
|
المشاركة الأصلية كتبت بواسطة لعيون نوف
انت مكبر السالفة واااااااااااايد انت لم تخون زوجتك بل تزوجت بالحلال عفيت ارمله مسلمه وكفلة أيتام وما قصرت بحقوق زوجتك الأولى ولا أولادها ليه الخوف نصيحه لا تخبر زوجتك ابعد عن المشاكل موفق ان شاء الله |
30-12-2011, 04:07 PM
|
المشاركة الأصلية كتبت بواسطة مشكلتي زوجتي
زوجتك قايمة فيك وتحبك ومهنيتك تروح تتزوج عليها..!! ليش بس..؟؟
يعني الحين عفت نفسك ةصرت ما تطالع البنات بالاسواق والمستشفيات؟؟ ماعلينا والف مبروك ..!! واضح انك انسان عاطفي وتحب ان يعاملوك الناس بمثل ما تعاملهم وتأنيب ضميرك جاي من طيب زوجتك الاولى..!! انت سويت شي من حقك ولكن بعض الحقوق التمسك فيها او ممارستها تؤدي لعدم الاستقرار انا من رأيي انك تكلم زوجتك الاولى انك بتروح تتزوج والسبب ليس نقصاً فيها بل لابتغاء الاجر في الثانية وان زوجتك الاولى هي البكر وهي الحب الاول وافض عليها من هذا الكلام المعسول الين ترضى..!! ولو كان لك ان تهديها هدية جزلة فلا تتردد..!! وبين لها ان يهمك رضاها عن الموضوع قبل ما يصير ومارح يكون هناك زواج وطقطقة وفرح ..!! اكيد رح تكون هناك صدمة ورفض ولكن لو اصريت بان هدفك اخذ اجر الارملة وايتامها رح وكان بزوجتك خير فسترضى مرغمه..!! مع اني ماضنيت ابد..!! ولكن حاول |
30-12-2011, 04:08 PM
|
المشاركة الأصلية كتبت بواسطة den od
لاحول ولاقوة الا بالله الحين انت ندمان والا مبسوط مع الثانيه وماتبي الاولى
لفت نظري الاخو اللي كاتب شرع الله والله محلل طيب شرع الله ما اختلفنا لكن من شروط صحة الزواج الاشهار صح |
30-12-2011, 04:09 PM
|
المشاركة الأصلية كتبت بواسطة أصيله 3
آآآآآآآه بس لو دارية ان مضمون الموضوع كذا , مادخلته ..
قسم عورن قلبي وانا مالي دخل ,, فما بالك بزوجتك .. والله العظيم انه جرح جرح كبير , خصوصا اذا كانت المحبه لك بقلبها كبيره .. فبقدر الحب يكون الالم يكون الجرح ... تقول يلفت نظري النساء في الاسواق و و و يعني اللحين تزوجت الثانيه خلاص ماراح يلفت نظرك النساء الاخريات (ماتركت فتنه بعدي اضر على الرجال من النساء) لو بتزوج كل نساء الارض ولم يبقى الا واحده لاشتهت نفسك تلك الواحده .. على العموم الزواج من ثانيه حقك وشريعة الله .. لكنه يبى من ضمن الامور التي لا نرغبها نحن النساء مثله مثل الابتلاء من مرض او فقر او نحوه هي من اقدارالله التي لا تهواها النفس ,لكن مع ذلك لابد للنفس من التسليم لقضاء الله وقدره ... برايي لا تخبر زوجتك , لاتخبرهاااا اذا تحبها ومعزتها بقلبك كبيره لا تخبرها ,, لا تهديها الهم وهي مو ملزومه فيه , لا تقتل الحب بقلبها لك << وهذا رايي لو ادري ان زوجي بيتزوج علي الحب بقلبي بينزل مع الاسهم الحمرا فقط اصبر على البلا , بكون معه جسد بلا قلب وطالما زوجتك الثانيه على علم ولم تتزوجك الا وهي راضيه عن الوضع ..بمعنى متنازله عن المبيت من الاساس فليش تخرب بيدك ... بتكون مشاكل ليس لها اول ولا اخر ... لا ياشيخه لا تشاور النساء فهن ناقصات عقل ودين ...ولا عندهن فقه ولا داريه !!!!! وين عايشه على هالمقوله ؟؟؟ اساسا هو ماطلب علم ولا فقه ولا داريه ... كاتب موضوعه وخصصه للمتزوجات وبالاصح الزوجات الاولات لانهن اعرف وادرى بشعور الزوجه .. لان سؤاله بالمختصر المفيد ايهم اهون على قلب زوجتي المصارحه ام التكتم ؟؟؟ هو همه شعور زوجته الاولى قبل كل شئ ... سؤاله مش فقهي ولا ديني , سؤاله استفسار عن التصرف الصحيح من مبدأ العاطفه .. |
30-12-2011, 04:10 PM
|
المشاركة الأصلية كتبت بواسطة سيدة الموقف
:* |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
