زوجي هذا طبعه من تزوجته وتعبت وانا احاول أغير طريقته معي
عجزت أقنعه انه يعاملني كا أنثى مافيه فايده يعاملني كاني واحد من اخوانه الأولاد
انسان بليد مستهتر هدفه بالحياه استفزازي
انسان همه بالحياه أكل ونوم وزياده وزن الى طلع وزنه حوالي 200 كيلو
انسان طول وقته نوم نوم نوم نوم نوم
ما عمره قال كلمه حلوة فيني
واذا رحت لبيت اهلي أمنيته اني أنام عندهم لمده شهر او شهرين بس عشان ياخذ راحته بالنوم في البيت لحاله
والمشكله اذا جلست عند اهلي كم يوم على حسب رغبته
ما يكون نومه فظيع مثل النوم اللي ينومه وانا موجوده عنده بالبيت
يصير طول وقته على النت مادري وش يسوي
ويوم عرفت بخبر حملي
جاه حاله غثيان كأنه هو اللي يتوحم مو انا صكه راسه
قال بس انا كنت متوقع انك ماتجيبين عيال عشان كذا كنت ذيك الفتره مرتاح ومتطمن انك عقيم !!!
يا ناس افهموني انا كفخت منه طفشت منه اذا قررت اني خلاص بدفن عمري واعيش معه مو عشانه
عشان هالطفل اللي جاي بالطريق والا هو شخص بدون فايده
أحسن فايده سواها بحياته لي من تزوجنا انه بعد الله سبحانه وتعالى خلاني أصير أم بس هذي أحسن ميزة أخذتها منه
انا صبرت سنه و6 شهور على هالحاله التافهه السخيفه وحياتي المقرفه
مو عشانه عشان أهله الناس الطيبين اللي ياريته طلع لو نصف طيبتهم
والان عشان اهله بتحمله وعشان البيبي اللي جاي بالطريق
ياارب أحسن خلقه وعوضني فيه عن هالتعب والقرف والحرقران والوحده والطفش اللي انا عايشه فيه
متى تجي بالسلامه يا بعد قلب ماما وتشيل همومي بنظرة من عيونك الحلوة
متى تجي ياا بعد عمر ماما وتسلي وحدتي وتفرح قلبي وتغسله من عذاب أبوك اللي من تزوجته وهو قارفني بعيشتي
يااا رب ما لي غيرك بالدنيا انت أدرى بحالي يااا رب عوضني بهالطفل ياا رب احسن خلقه
ياارب اجعله من عبادك الصالحين ياا رب تمم لي حملي على خير
يا رب طلع بنتي او ولدي بالسلامه والعافيه ويا رب اجعلهم سبب سعادتي ياا رب عوضني فيهم خير
ولاتحرمني منهم يا رب العالمين
__________________
يارب سهل حملي ويسر ولادتي وقومني بالسلامه وفرحني برؤية جنيني في حضني وانا وهو بأتم الصحه والعافيه ..