تبي الصراحه من حقهم وإذا أنت تبي الأصلاح كان مو هذا موقفك
وبعدين أتوقع أنك متعلق فيها وماتبي تطلق عشان كذا رجعها لو تطلق بتتعب
يعني فيه رجال نفس موقفك وطلقو وتزوجو لكن مانسو زوجاتهم وهم نفس حالتك
غير كذا إذا البنت عند أهلها متعود علي وضع مادي عالي ورفاهيه من حقها تنفذ لها كل طلباتها
وعموما لو تعاملت معها بالعقل أكيد راح ينفع
أخوي أنت تزوجت البنت خلاص لازم تتحمل إلي يجيك الطلاق فيه ضرر كبير عليها ويمكن أهي لين ألحين صغيره وماعرفت لي الدنيا صح
ولو طلبت الطلاق لين بكره لا تلقي لها بال
وممكن أنت غلطتك من أول ماعرفت تتعامل معها صح وتخليها تحبك
أتوقع المشكله الأساسيه البنت قلت خبرتها في الحياه الزوجيه طلبات وسعه صدر ومدري إيش
ومستشفي عادي أخوي ممكن توديها أهلي ولاتعقدها عند هالنقطه تبي الصراحه الحكوميه جدا بهذله للوحده
لكن ممكن الوحده تتقبل لكن في نفسها غير
زوجتك بسبب قلت خبرتها في الحياه تتوقع الدنيا تجي علي كيفها والحياه سهله وبسيطه والواحده يدبر أموره سهله
أخوي تعامل مع زوجتك علي أنها طفله وخذها علي قد عقلها وأمسكها وأحسب معها كل شي مثلا هذا مصروفه كذا
ومستعد أوديك بالمقابل تنازلك عن شي معين أنت رب زوجتك علي ماتبي خلاص أهي تعيش معك العمر كله إن شاءالله
وممكن في ميزه عند بعض الرجال يعرف كيف يتعامل مع المرأة وياخذ قلبها بالعقل ولا فيه اسهل من كذا الحرمه عاطفيه جدا وكلها عاطفه
الدنيا تفاهم لو الكل علي طول طلق مامشت الدنيا
بعين وش ذنب ولدك تتوقع أهل زوجتك بيتقبلون ولدك بعد ماتطلق بنتهم لا
وكثير والله يتعذبون العيال بسبب كذا الجد مايبي عيال غيره وقصص ناس نعرفهم يطرد ولد بينته ويروح مع العمال يجلس وبنام
أخوي شكل أهل زوجتك من هالنوع يعني لاتتوقع أحد بيعز ولدك مثلك ولا في الاحلام
وحتي لو تزوجتك زوجتك بتتقبل ولدك لا مستحيل أصلا الوحده عساها عيال عشان تروح لعيال رجلها
الطلاق أكثر من يتعذب فيه الولد يتعقد كل حياته يعيش وحيد بين أخوانه من أبوه وأخوانه من أمه
زوجتك أكيد راح تتزوج بعدك خاصه ماعندها إلا طفل
وولدك مشرد ومحاكم وبهذله والله حرام أنت الرجال والذنب الأكبر عليك
ولا راح ينفعه لا أبوها ولا أخوها
هذا بيتك وهاذي زوجتك وتقدر تجيبها عندك وتعدلها لا تقول لا
وبعدين المشكله كلها صغيره ومو مستاهله الطلاق أصلا
نصيحه من أختك
حاول تمسك زوجتك وولدك محد متعذب وعايش العذاب غير أنتو الثلاثه
أنت بعد طلاقك تفكر في ولدك ويمكن طليقتك واسأل كل مطلق نادر إلا مايفكر فيها لو انها مطلعه عيونه
وطليقتك بتتعذب بين ولدها وبين تتزوج مره ثانيه يمكن ماتحصل رجل مناسب خاصه فرصه الزواج لها قلت بعد زواجك منها
ومو مثل قبل تتزوجها كانت بنت الكل يحلم يتزوج منها ألحين أصبحت مطلقه
ولدك وهو أمانه من رب العالمين راح تسال عنها يوم القيامه
أخوي حافظ علي بيتك المرأة خلقت من ضلع أعوج قوم هذا الأعوجاج بالعقل لا تتسرع في الطلاق
وفيه مشاكل أعظم وأكبر من مشكلتك لكن أصاحبها عندهم حكمه عرفو يصرفون أمورهم
إذا فيه شخص حكيم ومقنع أسلوبه يروح لي أبوها يتكلم معه
ولا تطلق بنت هالشايب وصل الثمانين وطلعت شيبته بتقهرهه علي بنته
وعلي عماتك وخالتك طلق واطلب بناتهم أقول أخوي الناس حدهم تطبيل
ولا تتوقع أهي الي عندها مايقولون لها تطلقي وهو مايستاهلك
أساس المشاكل تدخل أطراف غير الزوجين وأنت هاذي مشكلتك يعني الحين عماتك وخالتك بيصلحون لك بكذا
ولين كبرت أذنك لهم والله ماراح يفيدونك لا أنت ولا عائلتك إلي راح تتشرد لو كملت علي طريقك هذا
الله يصلح حالك وحال كل مسلم ومسلمه
__________________
قال تعالى ((وإن ربك لذو فضل على الناس ولكن أكثرهم لا يشكرون ))
ربى أوزعنى أن أشكر نعمتك التى أنعمت على وعلى والدى وأن أعمل صالحا ترضاه