رد رائع الله يسعد صاحبته



الآن انت تقول ان العلاقه بينكم شبه مافيه او مره في الشهر ؟!
ومقصر معها في كل شي

هل فعلا انت الزوج اللي تعفها والكامل في عينها ؟

أكيد انها صابره على الف عيب فيك وأجزم ان ماعمرها حتى جرحتك أو لمحت لكن للأسف احنا مستعدين دايم نشوف قصور الناس مانشوف قصورنا احنا

اول السنوات كانت عاجبتك وبعدين انت اللي مليت وانت اللي قصرت وكردة فعل لتجاهلك اكيد هي بعد صارت ماتهتم ولا تبالي


عطها حب بتعطيك حب غير جو البيت وبتتغير عليك اشياء كثير
التعدد له ضريبة بدايته مغري بس بتغرق في بحره بعدين وتندم عالهدوء والاستقرار اللي كنت فيه وماعرفت قيمته

والحياه مو كلها عاطفه وحب ولازم انجذب ولازم اهيم
الحياه مسؤوليه وقرار واحترام واسره وتقدير وعشره وهدوء واستقرار

بِسْم الله والحمد لله و الصلاة والسلام على رسول الله

أخي سأقول ماعندي إن وفقت فمن الله و إن أخطأت فمن نفسي والشيطان ولا حول ولا قوة إلا بالله

أخي الفاضل موضوعك فيه الكثير من التردد و عدم الوضوح
وانبهك من الإنجراف خلف المغامرة في البحث عن الحب وهذا خطر كبير
فبعد الزواج لن تكون لك هذه المرأة كما كانت قبل

إن كنت تريد التعدد لتعف نفسك وأنت قادر على ذلك صحيا وماديا و ذهنياً وعدلاً فتوكل على الله

كان الله في عون زوجتك و أطفالك

اللهم فرج الهموم و استر العيوب واشرح الصدور و يسر الأمور

اتقي الله في زوجتك واطفالك وغض بصرك
لو كنت بتغض البصر كان ما شفت اجمل من زوجتك
وشو بتحب لخواتك حب لزوجتك بتحب اختك تعيش الحياة الي عايشتها زوجتك وزجها يتزوج عليها وتكون قدام عينك النار بتكويها

دام وعدت البنت
وملمت اخاها صعب تتركها
وهي راضيه تكون الثانيه
وش المشكله
اجبر نفسك على العدل

قاعدة اشوف في الواتس اب رجال تزوج الثانية ومرضي الاولى باشياء كثير ماشالله تبارك الله وانت تقول بطلقها الرجال معادن

عشان كذا نقول ان التعدد رحمة بالمرأه قبل الرجل

للأسف الرجل على قد ماهو قوي الا انه امام رغباته يصير اضعف مخلوق

الا من رحم الله

وبضعفه هذا لو مافي تعدد كان كثير من البيوت انهدمت وضاع الابناء

يعني التعدد في مثل حالتك كان ممكن يحل لك المشكله اللي تعاني منها

واللي بنظري انها من الشيطان ومن نفسك

الشيطان اللي جعلك تطلق نظرك في النساء

وهوى نفسك اللي تبعته فاوصلك لهذي المرأه اللي ماتصلح انها تكون زوجه

فكيف بك وانت تبدل زوجتك بها

يا أخي صدقني شعورك نحو زوجتك ماهو الا من الشيطان

اللي بسبب نظرك لغيرها صار يوسوس لك بعيوبها ويقنعك انك منت منجذب لها

والدليل بكلامك انه كنت منجذب لها السنين الأولى

ولو غضيت بصرك وسألت الله يقنعك بمارزقك لزال عنك اللي تشعر فيه

وان كان ولابد فلايكون على حساب زوجتك

انت تظن انك راح تظلمها

ماتدري يمكن تحلى بنظرك بعد الزواج وترجع نظرتك لها مثل ماكانت بالأول

بس ياليتك تحسن اختيار الزوجه

الله يهديك بس

اعتقد المشكلة انك فتحت لنفسك باب التطلع للاخرين
ومعارفه كيف ترده

هذي أمور تقدر تحددها قبل ارتباطك بالشخص
وكونك قبلت بها بهالشكل وايضاً عشت معها ومرتاح بادئ الامر
فالي خلاك تبحث أظن تطلعك

هذا حث على التعدد يا متفائلة
عادي يقولهم استخرت الله
وعسى الله يوفقها مع غيري

__________________
سبحان الله وبحمده سبحان الله العظيم

عجيييييب والله !!
الحين متعرف ع وحده الله اعلم كيف كان التعارف ومهما كااان يبقى خارج اطار الشرع والله اعلم كيف كان السوااالف معها ومهما بررت ان نهايته الزواج يبقى حرااام بدايتكم ومن اتبع الحرااااام فقد لذة الحلاال وتعتبر خياااااانه انت خنت ربك وتعديت على حرمات غيييرك وذنبك عظيييم وتثقف يالمتثقف بدينك ولا تتوقع ان زوجتك جاهله انت جهال في فقه دينك وتارك حلااالك اللي كنت محب لها لمدة ثلاث سنين
ابسالك بالله لو جاتك بنتك بكره وقالت لك بابا تعرفت ع فلان بمواقع التواصل الاجتماعي او اي كان تعارفهم وهو بيتزوجني بتوافق ؟!
عاد انت من مؤيدي التعارف قبل الزواج وقبل كل شي وضد التقليدي !!
ولا ابنك قالك بابا فلانه تعرفت عليها والله اعلم كيف تعارفهم وكلامهم وهي مو زوجته وبتزوجها عادي عندك؟!
انت اذا ملااان منها وحااارمها لاتجبر نفسك عليها صارحها ان في تغيير رغم انك الحين ماسك المجهر ع عيوبها كان بها والله لا مهما فعلت ماتملى عينك وعفتها صارحها لكن لاتقول كذا وكذا وانت تتبلى عليها لترضي ضميرك حقها تختار حياتها وتسعد ولاتحرمها عيالها اذا انت تحس وتشعر هي اكثر منك لانها انثى المشاعر والاحاسيس والحب من اولوياتها حقها تعيش بحب وتنحب وتحب ..

صحيح ما تفكر ان الثانية فبلت انها تكون الزوجة الثانية على انها متقبلة الوضع هي قبلتك مع الاحساس الي بتحسو للاولى من عدم انجذاب فان تصلحت علاقتك بزوجتك الاولى ما تتوقع تعيش مرتاح مع الثانية
على فكرة كان في موضوع شبية قبل فترة هنا بالمنتدى لمعدد قصة شبيه لسناريو الي راح يصير عندك بعد التعدد بس نسيت الاسم