الله يكون بعونك ويلهمك الصواب

وكلي امرك للرحمن و تصدقي وادعي وربك كريم
لا تفكري بطلاق
اكيد اهله ماراح يرضون واكيد هي بيجيها نصيبها وتروح بحال سبيلها
الله يعينك

ان شاء الله
يزاكم الله خير

الله يعينك حبيبتي ،،الغرض من الزواج الموده والأمان والاشباع العاطفي والجنسي ،،انا موشايفه من كلامك ولا غرض من زواجك متحقق لك ..الحين حبيبتي بتتحملين بس بعد سنه وسنتين ما اعتقد!!!

لذلك من الحين قرري ،،هل انتي على استعداد لخوض حرب بارده؟؟؟؟ بينك وبينها ،،وتتوقعين لو يتزوجها ماتشترط عليه يتركك؟؟حطي كل الاحتمالات براسك..واستخيري وتوكلي على الله باللي تشوفينه انسب لك

الله يعينك اختي

أي مره متزوجه تقدر تحتوي زوجها لو كان في راسه 20 وحده

بالصبر والدعاء

لاتحطي الغلط عليه ولاتندبين حضك الحب مصيبه ووالله اللي يسير له غصب عنه مو بيده حتى هو يحاول معك لكن مو بيده

انا ما اقولك هالكلام من واقع تخمين الا من واقع تجربه
كان لي حب استمر 13 سنه والاهل عارضوااااااااااااااا وبشده وتزوجت وكنت اكره زوجتي كره العمى واحس انها مسأله وقت واتخلص من زوجتي وبتجي حبيبتي وخصوصاً اول سنتين من زواجي حتى كنت اغلط بأسمها قدام زوجتي وكانت متحمله وسكنت بنفس الحي اللي فيه حبيبة القلب وبرضه زوجتي متحمله
لكن بعد مالله رزقني بعيال عرفت اني اضيع وقتي وتفكيري ع الفاضي والدنيا قسمه ونصيب مع اني كنت اعاملها بجفاء شديد عسى ربي يسامحني لانه مالها ذنب فعلا وللحين احاول اعوضها واشوف نفسي ماسويت شيء
واعتقد ان زوجك صغير في السن لاشفتيه متضايق لاتناقشيه لانه يتنرفز عليك وبيحطك سبب في بعده عن حبيبته
لكن خلك طبيعية أدري انه صعب لكن مع الوقت رايح ينسى طوايفها لاجو له عيال لازم قلبه يتقسم حتى يضعف بينك وبين حب الاولاد الجو العائلي بينسيه كل شيء
الرجل لاصار له بيت وأبناء بيتغير تفكيره وينسى الخرابيط وبيفكر في مستقبل ابناءه

أسئل الله ان يهدي زوجك ولا تتضايقي كل الشغله مسألة وقت

زهرة الجاردينيا
لا مب لهذه الدرجه
زوجي يحبني ومتعلق فيني ويعاملني بشكل طيب ومايقصر معاي من ناحية المصرف ويطلعني يعني في وايد نواحي زينه وطيبه
بس للاسف بعد مقصر وياي واكيد هي السبب حسبي الله ونعم الوكيل ، يعني من ناحية الاشباع العاطفي احيانا يشبعني ونص واحيانا العكس تماما حسب المزاج .. والاشباع الجنسي لا ، حارمني وهاجرني وما اصدق انه حرقة
قلبه هي السبب
لانه اكثر اللي ردو علي قالو ماله علاقه ان يحب وحده ومايقدر يجيني
اتوقع اما انه فيه ربط ( مثل ماقال لي وحاليا بيتعالج بماي مقري عليه وبنشوف ) او بيكون ضعف او ربما فعلا نفسي
بس المشكله انا مب ضامنه اذا خذها شو بيصير
لكن الحمدلله اهله واقفين معاي ضده ورافضين قطعياً زواجه من هذيج البنت
وهو مايقدر يغضب امه وابوه ويسعى بالدعاء انهم يوافقون وعسى الله مايجيب له هذه الدعوه
انا قررت اخوض هذه المعركه ولا استسلم واخليها تتهنى لحظه بريلي حسبي الله عليها

ليتك معي
بس اخوي انا بحط الغلط عليه
اوكي هو حب لكن اهله عارضو و وعدهم يتركها وتزوجني واختارني بإرادته
المفروض يقطع التواصل وياها ويدعي ربه انه ينساها ويحبب قلبه فيني
انا ماراح اعذره لانه هذه خيانه وهو عارف اهله ضده ليش يغضب امه وابوه ويهدم حياته الزوجيه عشان انسانه ماتخاف الله وتكلمه وهو متزوج
صح القلوب بايد الله لكن الانسان اللي فعلا ناوي عالتوبه الله بيكون في عونه ويقلب القلوب كيف ما يشاء

والحمدلله انك رجعت لزوجتك ام عيالك يكفي صبرها عليك وتضحيتها هذه نعم الزوجه
صحيح زوجي في منتصف العشرينات
وعسى الله يرزقنا بالذريه ويصلح حالنا

جزاك الله خير

[QUOTE=Username111;3070683]ليتك معي
بس اخوي انا بحط الغلط عليه
اوكي هو حب لكن اهله عارضو و وعدهم يتركها وتزوجني واختارني بإرادته
المفروض يقطع التواصل وياها ويدعي ربه انه ينساها ويحبب قلبه فيني
انا ماراح اعذره لانه هذه خيانه وهو عارف اهله ضده ليش يغضب امه وابوه ويهدم حياته الزوجيه عشان انسانه ماتخاف الله وتكلمه وهو متزوج
صح القلوب بايد الله لكن الانسان اللي فعلا ناوي عالتوبه الله بيكون في عونه ويقلب القلوب كيف ما يشاء

والحمدلله انك رجعت لزوجتك ام عيالك يكفي صبرها عليك وتضحيتها هذه نعم الزوجه
صحيح زوجي في منتصف العشرينات
وعسى الله يرزقنا بالذريه ويصلح حالنا




جزاك الله خير[/




طيب والحين هو وش قاعد يسوي.

وكيف تجيب عيال هو مايقربها أبد


انا جالسه أتسأل يبيك ولا يقرب منك ويبي يرجع لحبيبته يعني انتي احتياط اذا تزوجها منتي جالسه عنده حارمك من العلاقة لازم يااختي تصلين الاستخارة

ادعي ربك (((. اللهم ياولي نعمتي ويأملاذي عند كربتي اجعل نقمه (( فلان ))). علي بردا وسلاما كما جعلت النار بردا وسلاما على ابراهيم ))


(( اللهم احفظ زوجي من الفتن ما ظهر منها وما بطن واحفظه من النساء وكيد النساء ))




QUOTE

توق
هو شاك انه مسوين له ربط عشان جي مو قادر يجيني
وانا بكل حال عطيته مهله
قلت له عندك شهر بس تعدل اوضاعك وياي
وانا بكلمه في الموضوع مره ثانيه

مستحيل ارضى على نفسي انه مخليني سبير
بس حاليا بصبر عليه بشكل مؤقت لانه اذا ماطلع ربط
بخليه لازم يروح يفحص عند الطبيب

وانا صليت استخاره
وجزاك الله خير عالادعيه مالي غير الدعاء

بعد عمري الله يصبر قلبك و يقويك و يسخر زوجك لك يارب

__________________

اللهم أكفني ما أهمني بما شئت و كيفما شئت إنك على كل شيء قدير