بشرى وسر الحياه خواتيه مانسيتها والله الاذكار والصلاه الله يثبتني على طاعته وكلامكن دعم لي على الاستمرار بامر يرضي ربي قبل لايرضيني ...جعل السعاده ماتفارقن

بكر الشايب
بوح سماوي
السنا
سكر
امجاد الامه
اتمنى ان اكون


يزاكن الله الف خير واشكركن وايد وايد على تهنئتك لي ماقصرتن خواتيه عساني افرح من فرحكن ان شالله

اخويه الكريم

تهنئتك لي تاج على راسي .. واسعدني بصمتك لي في ظل هالفرحه اللي شايلتني .. ربي يحفظك

يااارب يسعدك ياروضه

ها متى بتنورينا في جده أم الرخاء والشدة

__________________

ملجت يامهره وكنت حاسه بموافقه ابويا وتطمنت من اللحظه اللي قال قوم بنسوي التحاليل .. لانه الملجه مابتم من غير فحوصات طبيه ..


والشر ماييج عزيزتي والملجه محد وايد يانا اللهم ريم ماقصرت لزمت على ربيعاتها ايوون وصار خليط اجانب واسيوين علينا بس والله شالن المكان من الفرحه واليباب واللي يببت جاره اختي الكبيره ..بعد ماقصرت جاراتها يوونا وغير شوي من جيرانا الاولين في الفريج الجديم واصلن ملجنا في البيت لانه البيت عوود ماشالله وسدهم وزود المكان .

بس اخخخ اختي ماخلتني اقعد مع سالم رواحنا يلست بناتها الصغار ... ومن طلعن دش خليفه علينا اونه يدور شي وشوي يسوي رةحه لاهي بالفون ماشي تموا جي وسالم مستحي ويضحك واخرتها دشوا ريم واليازي وطاحن سوالف مع سالم وانا من داخلي على اعصابي ..

وكملتها ام حمدان زقرت سالم تعال بخبرك الا الريال مسكين حس انه بيحققون معاه شوي وتقوله اقعد تعشى مجهزة عشى في الصاله الصغيره وسالم ماقدر يقول لا .. وشوي كل عيال اختي واختي ريم وخليفه واليازي والبنات الصغار قعدوا معانل يتعشون كل واحد يقول انا كنت اقهوي والثانيه تقول كنت اقرب وارحب ومني مناك .. وعقب بيني بينه بالفون سالم قالي والله تفجات روضه اهلك ناس اجتماعيه وموب رسميين ..مثل ماكنت متخيل انا الحين ارتحت وايد الاول حاط في بالي ابو روضه الوحيد حنون الباقي شايف نفسه قلتله ظلمتهم بس طبيعه اهلي اللي مايعرفونه مايطيحون الميانه بس انت صرت منا وفينا عادي

الشي اللي ضحك سالم بنا اختي اصغر وحده عمرها 7 سنين لازقه في سالم ومافارجت ... وسالم مستحي يضحك .. اختي تهد عليها وتقولها ايمانوا بتنضربين تعالي .. اوف يالسان عليها الصغيره سالم عاد قال سيبيها مرتاح والله موب مضيجه .. وحمدان ومنصور وخليفع اندمجوا في فيلم ويتعشون.. صارت لمه عائليه ناقصه وايد لكن ماانكر اني استانست

مع انه اختيه الريم قالت ظلمج بالشبكه وساعه شي خفيف وايد وجي قلتلها الشبكه قدرها موب بسعرها وتراه ريالل بيمد ريله على قد لحافه .. قالتلي بكيفح بس تراني قلتلج .. والله يوفقج

ماافكر ابصراحه ههههه مع انها حبيبتي والله .. لكن كل شي بوقته حلو

ماشاء الله تبارك الله ربي يبارك لك
مبروووك ي غلاهم كلهم
ربي يتمم لك على خير

ربي يحفظك بحفظه
لا تنسي الاذكار
اللهم اجعلها في حفظك وحصنك وارعاها بعينك التي لاتنام

مبروك من قلبك يتمنى لك السعادة دوم وما تفارقك السعادة يارب

طولت

فديتج ياقلبي عساني افرح فيج ان شالله

الف مبروك روضه افرحي واستانسي

ذكرتيني باخت ريلي يوم ملجت .. عقب ما خلصت الحفلة استأذنت من امها انها تيلس مع ريلها في الميلس رواحهم .. وامها وافقت .. شوي وطلعت ما ادري شو تبا من الصالة .. وعقب يوم بغت ترد اختها الكبيرة تنغز فيها تقول لها: ليش رادة ؟ بسج! اثقلي اثقلي ..... المسكينة طالعتني تستنجد فيني وتقول: ام سلطان انا قلت لامي! .. قلت لها: ما عليج من اختج .. ردي حق ريلج


يعني لازم شوية حركات مني مناك .. احس بعض الناس تحبب تخسس في المعاريس .. يدرون خاطرهم ينفردون شوي فتشتغل حركات العواذل .. وبيني وبينج حلو نلعب على اعصابهم

بس تظل ذكريات حلوة.



حددتو موعد العرس والا بعدكم؟

__________________


اللهم طِيبَ الأثر .. وحُسْنَ الرحيل.