ليه؟

مع انه هو اللي جاب طاري هالموضوع (اللي هو أساس المشكلة الحالية بينهم)

حلو انه يتجاوزونه ويقلبونه مزح

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

خلاص أنا رجعت البيت .. سلمت وسألته عن اخباره ورد وخلاص .. قعدنا ساكتين الين قبل البيت طلبت اغراض .. جبت ايدام معي .. وحطيته وعطيته خبز عشان ياكل معي .. قرب ياكل سألني من سواه .. قلت أختي ...قال ماشاءالله طباخة .. طبعا دقه فيني .. قلت بس أنت ماتحب البهارات .. قال بس مااطعم بهارات في الاكل .. قلت الا حطت .. اكل شوي وقام .. قلت له اجلس كل .. قال خلاص الحمدلله ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ليه قلتي إنها دقه فيك بالعكس هو يبي يلطف الجو ويسولف كان إبتسمتي وقلتي فيه العافيه .
ماله داعي كل كلمه تحققين فيها وتستفسرين قصده من ورها بتطفشينه يابنت

__________________
الحمدلله حمدا جزيلا ...

لاني عارفته يالوفاء.. لانه ذاك اليوم يقول منتي راعية بيت .. قصده ماأطبخ له .. مع اني قاعدة قدر الامكان مايمر يومين الا وانا طبخت له .. واحيان يوميا..

عموما أنا طنشت .. وجلسنا .. وشوي الا يقول جيبي الكرسي عشان تحلقين لي شعر رأسي .. حلقت له .. وبعد ماخلصت حبيت على راسه .. ماأعرف كذا جات معي عفوية .. وطبعا هو ماعلق ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

حلوه العفويه خليك دايما كذا شطوره 👏👏
بدا يطلع الإبداع

__________________
الحمدلله حمدا جزيلا ...

يا اختي اعطي زوجك متنفس كذا تخنقيه و يطفش و يمل
خلك عادية معه و لا تدققي الكلام معه
الرجل عندما يكون متضايق من امر يحب ان يكون وحده ثم بعد مدة يعود لوضعه الطبيعي
الاستمرار بملاحقته يجعل تلك الفترة تطول
ابتعدي عن الملاحقة و ايضا التطنيش غلط خلك طبيعية فقط

كملتي ال 7 ايام بدون حل للمشكله فقط استشارات
ونفس الكلام يعاد لكي في كل مررره
وفيه كثير استفادوو منو بس انتي لا
افرشي سجادتك وناجي ربك واستغفري كثير
وسبحانه بيحل مشكلتك انه على كل شئ قدير
احنا بشر مجرد كلام وطبطبه ولانقدر نسوي لكي شي
وكل مررره نفس الكلام نعيده
ربي مجيب الدعاء ابتلاك لتتقربي له ويسمع صوتك
ناجيه وادعيه بيده قلب زوجك
احنا بشر مابنفيدك وللمره الالف كلامنا معااد
ونقول انتي متسرعه ‘انتي متهوره ماتعرفي لزوجك
طولي بالك
اتوقع طفشتي نفس الكلام
بس ربي قادر يغيير كل شي سبحانه
والله لو بتجلسي ع كلامنا رااح تتشتتي ويمكن يطول
الزعل الاكثر
اتقربي من ربي وافرشي سجادتك واستغفريه

__________________

كيف كان أسلوبك لما رديتي؟ أكيد كنتي زعلانه ومعصبه عشان كذا ما أخذ وأعطى معاكي

اذا كان أسلوبك عادي معاه وهذا رده فالله يعينك.. لازم يكون هو بعد متعاون معك عشان تغيرون من حياتكم.. يد وحده ما تصفق

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

والله بالعكس لاني معصبة ولا شيء .. بس هو الله يهديه مطنقر على الاخر وماأعرف وش هو السبب اللي يخليه يتعامل معي كذا .. والله لاخنته ولا جرحته ولا طلعت من البيت بدون أذنه ولا ولا ولا .. والله حتى طول الليل وانا اتألم من بطني وهو سامعني وحاس فيني بس أبدا ماتطمن علي لو بسؤال..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ي لست كغيري مااحسك غلطانه بشي
زوجك ممكن متضايق من نفسه ويحط الحرة فيك