سقيا ممكن سؤال خاص
المال الي عندك
هل هو ورث او من زوجك او من عملك

كله كوم والبعض يتشمت حسبي الله ونعم الوكيل

يوم الحادثة جلست على تويتر حتى أعصابي كادت تنفجر..

أرى تعليقات سيئة جدا.

والي واضع مقطع في جزء من الحرم السقف ينزل مويه وعاد يلا شوفي التعليقات.

حتى الحوادث شماته ماتوا في ساعة ويوم عظيم منهم مصلي منهم ملبي ومنهم ووو

الله يرحم كل أموات المسلمين في كل مكان.

اممممم .، سقيا لا تنزلين راسج الا ف صلاتج وحضرة والدينج انتي قوية نقية لا للخجل من اللي بالأساس ما يخجل...
سقيا في بعض الأحيان الانسان اللي قدامك ما يلتزم ب حدوده و يراجع نفسه و يصحح أغلاطه الا اذا أنصدم مثلا .. بردة فعل غير متوقعه ... اما ان كان الانسان لازال سيئ و مقصر و يحصل اللي يريده ف هدا بالاحلام يتعدل آلا ان يشاء الله .،


مهره وحشتيني شحالج ،، ما أسوق استويت ازيغ 😓💔

__________________

ما عندي مشكلة فعلية في الكبر أو التقدم في العمر .. هذه سنة الحياة ومرحلة طبيعية يوصلها كل إنسان .. إن أمد الله في عمره.

اللي يقلقني فعلاً هو إني أحتاج حد .. أو أصير عبء على حد.

أمي الله يرحمها تبهذلت في مرضها .. لأنها وصلت في نهايته لشلل نصفي وما كانت تقدر تعتمد على نفسها في شي! .. وهي طول عمرها كانت شخصية قوية وتعتمد على نفسها في كل الأمور .. وأبوي الله يرحمه رغم إنه شالها ووقف معاها في البداية لكنه تعب ومل في النهاية لما زاد عليها المرض .. وكان يأذيها أحياناً بالكلام وكأنها مريضة بكيفها .. الله يسامحه ويغفر له.

كنت أطالعها عقب كلمة أو تصرف جارح من أبوي .. وأشوف لمحة الانكسار على ويهها بدون ما تتكلم ولا تقول شي .. لأنها عمرها ما تعودت تشتكي.

ما أتمنى يصير لي نفس اللي صار لأمي!


جدتي أم أمي الله يرحمها لما مرضت مرض الموت .. واحدة من خالاتي قالت لي: كل اللي كانت تدعيه إن الله ما يحوجها لحد .... وسبحان الله ما طوّلت وتوفاها الله بعد مرضها بأيام قليلة.

الله يكتب لي ما كتب لجدتي.

__________________


اللهم طِيبَ الأثر .. وحُسْنَ الرحيل.

الله يكتب لج يا مهره افضل مما كتب لها ،،، الله كريم لا تقصرين ع نفسج ..

__________________

فعلا مهره
احيانا اتمنى يحطو دور للمسنين متقدمه
وموظفين يندفع لهم للوقوف ورعايه المسنين تحت رقابه
اهون من تحس انك عبء على اقرب الناس لك
ويجرحونك بنظره او كلمه او تافف

السلام عليكم ورحمة الله وبركاته.

مبتعثة لا ليس عمل حبيبتي ولا من زوجي..

من قسمة الإرث وكانت لي أراضي في الأردن بعتها عشان مااسافر كل اشوي..

والوالد من وأنا طفلة كلنا هكذا يضع لكل واحد فينا رصيد شهريا لمن يكبر يتصرف في ماله.

طبعي لا اصرف وليس مبذرة.

هلا بالسمية .. هلا فديتج.


قريت ردج اللي عقب هذا ويتني الصيحة .. فخلينا في السواقة أحسن.

منو شو تزيغين؟ .. السواقة ممتعة والله.

__________________


اللهم طِيبَ الأثر .. وحُسْنَ الرحيل.

سميتج ما تحاسب في الدوارات عشرين الف الف هرن 😭😭😭😭😭💔

__________________

ما أدري والله هي أحسن والا لا!

آخر سنة من حياة أمي دخلت في غيبوبة تامة .. وما كان ينفع نخليها في البيت .. والمستشفى ما طاع يستقبلها باعتبار إن حالتها وصلت لمرحلة ما لها علاج.

فكان البديل هو دار الرعاية .. بس ما أدري كيف كانوا يتصرفون معاها يوم إحنا محد!

__________________


اللهم طِيبَ الأثر .. وحُسْنَ الرحيل.