ابد صادقه وانا اختك ..

الله يرحمه ويسكنه فسيح جناته بعد ..؟؟

انتي لاغلطتي ولا جت منك العيبه ..

هو كذب الكذبه وصدقها ..

حبيبتي ..والله العظيم ..الي عندها ابو زي ابوك ..يحق لها تمشي ورااااااااااسها فوووووووق فوووووق ..

يعجبني ثباتك قدام جدتك ..

وابد وانا اختك ..لا تتابعين تويتر ولا شي ..

تعالي سولفي معنا هنا ..

__________________

و الله زوجك ما يسوى ( ظفر أبوك و لا شعرة من شعراته ) ..

ياختي إنت ماشاء الله تبارك الرحمن عند أهل شايلينك و شايلين أولادك ..
لا تفكري بواحد ( باعك ) ..

عجبني موقفك وثباتك
وابوك ماشاء الله حكييييم ربي يحفظه لك
ويرزقك بزوج بصفات ابوك يارب
دعواتي لك يالغاليه

__________________

فايض حبيبتي عندك قناعات كثيرة غلط

أول شي السبب باللي صار مو عماتك ولسانهم السبب زوجك نفسه لأنه مو رجل ... الرجل عن حق ما يسمح لأحد أن يمس زوجته بكلمة حتى لو هو عارف انه العيبة فيها لكن ما يسمح لأحد يقولها عنها ...الرجل عن حق يحمي زوجته مثل ما تصرف والدك بالضبط ويقطع لسان أي واحد يقول فيها كلمة ويسكتهم بأشياء أبسط بكثير من الشرف فما بالك بالشرف .

ثاني شي أنتِ قاعدة تحاتي وقت يتزوج وكيف بتغاري عليه ...تراه يا أمي تزوج وخلص من زماااااااااان ..

تزوج لما كلمها ودلعها وعاملها مثل ما الزوج يعامل زوجته .. وش يهمك بجسمه ما دام قلبه تزوج وخلص .. تزوج كل اللي قاعد يكلمهم .
تظني أنه أنتِ بس اللي قال لها "انا ما اتخلى عنك انتي دنيتي وإنتي اجمل مره وش له ابي غيرك وانتي تكفيني "" ؟؟؟؟ لا يا عمري .. هذا كلام حفظه من كثر ما قاله ... قاله لهم قبل ما يقوله لك

حبيبتي زوجك مراهق مو رجل ولا عليه حسوفه ويوم تنفكين منه سوي حفلة واعزميني عليها

ثالث شي أبغاك تشغلي نفسك بشي أكبر من حلا وطبخة . لازم تشتغلي أو تدرسي ... لازم تطوري نفسك وتكبري قدرك أكثر وأكثر .. واذا رجع يحاول يكلمك تقولي له روح يا شاطر العب بعيد ولا تضيع لي وقتي أنت مو من مواخيذي وما تشرفني ..


أدري بالبداية الفراق صعب وبتظلي تقاومي وتتذكري لكن باللي قلته لك بتهون شوي شوي وتنسيه . أنا ما جربت بس أقرأ بقسم المطلقات .. كلهم يتعبوا بالبداية .. أكيد مو سهلة ... لكن لما نكون عارفين اللي جاي ونحضر أنفسنا له يهون ويصير سهل ..

رابع شي ... من قال انه كل الرجال يخونون الا من رحم ربي ؟؟؟؟ بالعكس يا امي كل الرجال مااااا يخونون الا من أغضب ربي ... الأصل بديننا الرجل يحفظ نفسه عن زنا العين والللسان .. والرجل اللي ضعيف لدرجة ما يقدر يحفظ نفسه ما يقدر يحفظ غيره

وانتي قوية ووالدك معاك وتوكلي على الله قبل الكل

__________________

مبارك لك الخلاص من هذا الذكر ... ولن أقول الرجل، لأنه لم يتصرف تصرف واحد يثبت رجولته


أبوك يستحق إنكِ تنسين هذا الشخص اللئيم، وكلامه لك جميل جميل ما شاء الله تبارك الرحمن، الله يحفظه لك ويجعله ذخر لك ولعيالك..... أسألك بالله لا تخيّبين ظنه فيك

__________________
إن كان في العمر بقية مما مضى * * فالعيش في صدق هو أول الآمال.

ابششششركم ،، واخييرا ابوي كلم ابو زوجي وقاله يا ابو ،،، مثل مادخلنا بالمعروف نبي نطلع بالمعروف هاتو ورقة البنت والوجه من الوجه ابيض،، رد ابو زوجي وقال سم بالله يا ابو ،،،، واذكر الله ويعين من الله خيير ،، قال ابوي حنا معينين من الله خير كانكم تبون الخيير وان ماجبتو الورقه بنعين الشر وبينا المحاكم لكني صابر عليكم مو لشي لانكم عيال عم وساكت لكم لو انكم منتو من لحمنا كان عرفنا شغلنا معكم ،، لكن انتم اللي عينو من الله خير واتقو شرنا وهاتو الورقه قال ابو زوجي ابشر بكلم ولدي ويصير خير ،، وسكره ابوي بوجهه ابو زوجي للمره الثانيه >> هههههههه ابوي مرتفع ضغطه منهم ويكلمهم بنفسييه ينافخ عليهم يستاهلون اللي سووه مو شويه،، وبس زوجي اكيد بينصدم اني انا ما ابيه وهو لاهي بخرابيطه وان شاء الله حجزت سته رمضان بروح عمره وبدعي ع اللي ظلموني وبدعي ع اللي اسم زوج وهو عدو،، وان شاء الله ربي ييسسر اموري ويعض اصابع الندم بعدين علي ويعرف قيمتي ويظهر الله الحق،،

اللي مثل زوجك ما عليه حسافة
الله يعوضك بسيد سيده
والله اخبار مفرحة
الله يبشرك بالجنة قولي امين
طلبتك تدعيلي بمكة الله يفرج عنا اجمعين امين
ياليت ابوكي ابوي ما شاء الله عليه والله انه عملة نادرة حافظي على رضاه واسمعي كلام ابوكي

__________________
انا لله وانا اليه راجعون

ماشَاء الله .. أثقْ ي فايضْ ستزول هذه الغمة مع بعدكِ عنه
و سترينَ السعادة مشرقة في حياتكِ
و لن تندمين والله على شيء أبداً
سيفتح الله لك أبواب الخير جزاء صبرك ..
الله يوفقك و يكتب لك حياة هنيّة فوق ما تتوقعين
و يحفظك و يتقبل منكِ عمرتكِ ي حي ي قيوم

وربي يحفظ لك وآلدكِ و لا يريكِ فيه بأساً ؛ رجل بمعنى الكلمة ذا عقل و رأي سديد
و يحفظ لك أولادك و بكبرهم ع الطاعة يَ كريم

دعائنَا لك ي عزيزتي

__________________

-
يَاربِ تمّم بالفَلاحِ مَسيرتي ..

ما شاء الله ... تبارك الرحمن.. وين فايض قبل... و وين فايض الحين... سبحان مقلب الأحوال...

الله يرزقج الثبات... و يعوضج خير... ادعي في الحرم.. ادعي بكل شي في خاطرج... ادعي الله ياخذ حقج منهم...

و أبوج كلامه درر ما شاء الله عليه... و حبيت اتصاله لأبو زوجج اليوم.. خليهم يضربون أخماس في اسداس الحين... و يحسبون حساب لكل شي سووه فيج...

الحمد لله ... الله يعوضك خير ويريح بالك ...فرحتلك يا فايض

__________________