هل أنتِ مقتنعة بمعيشتنا كزوجين بالاسم وأخوين بالواقع؟
مقتنعه ومو مقتنعه

هل يوجد بداخلك نفور مني لكنك تكتمينه؟ وماهي أسبابه؟
لا مو نفور بس تدري وش يعني تخون اخوك؟؟؟؟؟؟

هل أنا قمتُ بعمل شكّل لديك هروباً مني؟
لا

هل أنا أخطأتُ عليك؟ هل أنا قصّرت في حقك؟ هل لديك ملاحظات قوية عليّ؟
لا
هل تعتقدين أن زواجك مني يعد خيانة لأختك رحمها الله؟
ايه وبتقول ليه وافقتي من الاساس لنفس السبب اللي خلاك تختارني انا بالذات ((تالا))



هل تعتقدين أن نايف ما زال هو زوج الأخت المتوفية وليس زوجك حتى الآن؟
زوجها وحبيبها واللي دايم تسولف عنه يا اخي افهمني انا موقعي غلط وعارفه هالشي وكان باختياري
اختي تحب بنتها زي اي ام وتتمنى لها حياه حلوه واذا مو بوجودها يكون فيه احد يهتم فيها ويحبها لكن انا ما منعتك قلت لك تبي تتزوج تزوج وقلت لك اذا تبي تطلق كمان طلق بس خل البنت عندي وبربيها واظن تذكر قبل لا تخطب وقبل كل شي انا طلبنا البنت عندنا وانت رفضت
طيب انا وش اسوي اتركها مع عمه ؟ تطين عيشتها

هل أنتِ ترين صورة أختك المتوفاة أمام ناظريك كلما اقتربنا عاطفياً من بعضنا البعض؟
اكيد وهي دايم في بالي مو بس لما اشوفك يكفي تالا


هل تعتقدين أن حياتنا بهذا الشكل صحيحة؟
والله ما ادري اوقات اقول صح واوقات اقول لا مو صح

إلى متى سوف يستمر هذا الوضع من وجهة نظرك؟
الله واعلم

هل لديك حلول تقترحينها لحل هذا الأمر العالق بيننا؟
لا ما عندي لان العقده في مخي مو راضيه تنفك مو بيدي


هاذي الاسئله اللي قال لي البليغ اكتبها بورقه واعطها كتبت الاسئله بورقه وحطيتها على المكتبه بالصاله وطلعت وارسلت لها رساله ورحت طلعت من بعد العصر لين قرب صلاة العشاء ورجعت
ولقيت الورقه بمحلها فتحتها لقيت فيها اجاباتها وقريتها ونسختها لكم هنا
بعد ما قريت الورقه رحت لها لقيتها بغرفة تالا ويلعبون ناديتها وناقشتها بالاجابات
سالتها كيف يعني مقتنعه ومو مقتنعه؟
قالت يعني مقتنعه اني ما خنت اختي وراضيه عن نفسي ومو مقتنعه انه حرام بس انت ليش تطلبني
قلت حقي كيف ليش اطلبك وانا ما همني هالموضوع بس انتي ما تبين تعيشين زيك زي غيرك قالت عادي مايهم
وقلت لها يافلانه الف مره قلت لك الموضوع تري مافيه خيانه انتي تزوجتي ونيتك تربين البنت وبس لكن انتي بتظلمين نفسك وبتظلمين تالا معك يعني لمتى بتقعد وحدها بدون اخوان
على بالك هي الحين مستانسه وحدها كل خلق الله عندهم اخوان وهي لا
وبعدين انا ما انكر بالبدايه اخذتك عشان تالا وبعدها لما عرفتك وعشت معك حبيتك ومن قلبي بعد
بس انتي الله يصلحك كل ما اقرب تبعدين
بسالك انتي خايفه من الموضوع ذاك وما تبين تقولين
قالت اكيد بخاف بس مو هو السبب الاساسي قلت لك اختي اختي
وانتي قلتيها انك مو مقتنعه وما تدرين هل هي صح او ماو صح يعني بداخلك عارفه انها ماهي صح بس تحطين فكره ثانيه براسك انها صح
عشان تتهربين
والى متى يعني مية سنه قدام تري كل الناس عندهم عيال والناس ما تجيب عيال بس عشان شوفوني عندي عيال لا اذا كبرت محد بيشيلك غير عيالك
وماتدرين وش يصير بالدنيا
وناقشتها على كل نقطه
وهي صمت تسمع بس وش الخطوه الجايه ؟

صراحة :
الله يعطيك الصبر !!

__________________
## مهم ##
هل تتعرضين للابتزاز في الانترنت؟


هنا من ينقذك

لازم ترووووح لإستشاري نفسي يساعدها من التخلص من الأفكار اللي براسها
زوجتك تحتاج من يدفعها دفعا..الله يكون معاك ويفرج عليكم

كان الله في عونك يا رب

__________________

تعيش بصراعات داخليه مترددهـ كثير
ربي يعينك ويسهل امورك يارب

الله يكون في عونك يا نايف

__________________
سبحانك اللهم وبحمدك, نشهد أن لا إله إلا أنت, نستغفرك ونتوب إليك.

الله يوفقكم وييسر لكم امركم ويسعدكم ,,

باعتقادي لازم تكلم امها او احد من اهلها يحاول يقنعها انها تجيب اخوان لتالا,, يمكن لاصار اكثر من شخص يقول لها تجيب عيال راح تتقبل الفكره وتفكر فيها ,, خصوصا لاجا الكلام من اهلها ,,

الله يفك عقدتها ياااااارب ,,

الله يعينها صراحه مالومها عايشه بصراع لانها ناسيه نفسها وتفكر باختها وتالا بعدين تفكر بنفسها

اتووقع يبي لك شي من الشده معها
ننتظر اخونا البليغ

__________________
وعند الله لاتموت الامنيات

اقتباس:

المشاركة الأصلية كتبت بواسطة sahoorah الله يوفقكم وييسر لكم امركم ويسعدكم ,, باعتقادي لازم تكلم امها او احد من اهلها يحاول يقنعها انها تجيب اخوان لتالا,, يمكن لاصار اكثر من شخص يقول لها تجيب عيال راح تتقبل الفكره وتفكر فيها ,, خصوصا لاجا الكلام من اهلها ,, الله يفك عقدتها ياااااارب ,,

مع هذا الرئي
زوجتك مهي عنيدة بس تفكيرها مشوش يبيلها احد ينصحها ويفهمها طبعا ياليت يكون احد غيرك اخت مثلا او صديقة تعز عليها او امها
ياليت بعد لو تنصحها بالاستخارة
الله يصبرك ويلين قلبها

زوجتك تحمل نفس تفكيري ونفس مشاعري ...
وسبق ان وصفت تفكيرها بالتفصيل في رد صفحة 16 .. وفعلا مطابق لما قلته من خلال ردودك الاخيره ...

والانطوائية اللي صابتها بالفترة الاخيره ...
انا اقولك بصراحه شعور صعب وصعب ,,تعيش صراع من نفسها
احساس بالذنب تجاهك وبنفس الوقت النفس لا ترغب بزوج الاخت
تقول بنفسها /
طيب وحنون وخلوق لكن لا انظراليه نظرة الزوج , وكل ماغدقت عليها باخلاقك كل مازاد تانيب الضميروزاد الصراع
مع النفس ...
وبيني وبينك لو تزوجت عليها ماراح يأثر عليها ,, اقولها لك وانا واثقه من هذه الجمله

هي محتاجه لتغير قناعتها بنفسها... وإلا لن تتغير