كل ما كثرتي عدد الوجبات كل ما زاد الحرق
بس طبعا تكون الوجبة متكاملة بروتين و كارب و خضار و تكون كميات غير مبالغ فيها يعني ماتوصلي للشبع
للاسف انا مش من النوع اللي بيستمر لكن ان شاء الله ببدا معكم قريبا .

بالفعل حبيبتي استنكار هيدا اللي لاحظته وكمان قريت عنه كتير
واهم شي ما نجوع حالنا ولا نعيش مرحلة حرمان
بل نخفف من الدهون والمقالي والانواع اللي فيها سعرات حرارية كتير
وفينا ناكل طبق بيشبع ومغذي وما فيه سعرات حرارية كتير
وكمان ناكل اشيا بنحبها بس بكميات قليلة ان كانت مليئة بالسعرات

يعني مرات باكل كل الاكل اللي بحبه وما بوصل لل1900 سعرة لحاجة جسمي
اكتر شي عم اوصل لل1500 او اقل
لاني وقفت المايونيز واذا اكلت بكتفي بملعقة
والشوكولا خففت كتير
وحتى اذا مرة بالاسبوع اكلت اكل مش صحي بطلب من الماكدونالدز وجبة الهابي ميل تعول الاطفال السمك بتجي 500 وشوي سعرة حرارية مع البطاطا والكولا زيرو
برغر السمك لوحدها فيها تقريبا 331 سعرة
والبطاطا 200 سعرة وشوي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

هودي نهار الخميس حرقت بالمشي والتمارين 901 سعرة حرارية و471 سعرة بالرقص 😊😊😊😊😊
يعني المجموع 1372 سعرة حرارية باليوم من التمارين









وهون نهار الجمعة كانت افضل سرعة




وهيدا بعض من الاكل اثناء حساب عدد السعرات

القرنبيط قليل جدا فيه السعرات الحرارية
والتونة مع البصل واللوز والبهارات كتير طيبة وقليلة السعرات
والسلطة الي فيها الحمص وبراعم العدس والحبوب كتير بتشبع ومفيدة




اهم شي عندي السلطة بكل وجبة
وهيدي الفتة حمص ولبن وزبدة ولوز ما اتخطت 300 سعرة للطبق بدون خبز محمص
والخبز لزوجي انا صحني ما حطيت فيه خبز محمص



وهون بالغدا احب على قلبي سندويش التونة
الخبز بشيل كل اللب منو وبيبقى هيك مقرمش وبكتر فيه تونة بالماي ما بتستعمل تونة بالزيت وحامض وخس وبنورة كرزية وبصل جوانح ومخلل خيار
ومرات بحط ملعقة مايونيز
وهالسندويش بيخليني شبعانة وقت طويل
وبالليل بطاطا مسلوقة مع الجرجير بدون خبز كتير طيبة وبتشبع

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ميمو ماشاءالله تبارك الله الهمة عندك تنشط الانسان
والاكل فيه كثير من الاعشاب وهي تساعد
مبروك فقدان كغ

الله يبارك بعمرك حبيبتي
حاليا صار وزني 62 وكان هدفي 60
بس لانو نازلة على لبنان رجعت عدلت الهدف لل57 او 58 كرمال اذا زدت عالاكل تحت ما يأثر عليي
لانو تحت الاكل مع الاهل كليا بيختلف عن الأكل اللي انا بعمله
واختي الصغيرة يوميا بتروح عالنادي بضيعتنا مع انو وزنها 50 بس بتحب تضل محافظة على جسمها
فان شاءالله بصير روح معها كل يوم ساعة او ساعة ونص
كرمال اتجنب يزيد وزني كتير

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

مرحبا بس حبيت أشاركم شي أنا محافظ عليه يومياً

طبعاً أنا أمشي بشكل سريع يومياً تقريباً 8 كيلو
الاسبوع الماضي كان عندي انتداب في جدة، وسكنت في فندق، وكان فيه جيم Gym ، ولأن الوقت ضيق مايمدي أروح للبحر أو مكان مخصص للمشي علشان مايضيع الوقت، صرت أمشي في الجيم ساعة كاملة في آلة الجري والمشي، بالرغم أني لا أحب ولا افضل هذه الآلة لأني أشعر أنها لاتعطي نتيجة أو غير صحية كما هو المشي العادي.
المهم صرت عليها ستة أيام، في آخر يوم وأنا أمشي فيها لما قطعت 25 دقيقة شعرت بألم في ركبتي من الخلف بالجهة اليسرى، حاولت تجاهله لكن مع كل خطوة أشعر بالألم، توجست خيفة، نزلت من الآلة حاولت أمدد رجلي ألمس موضع الألم حاولت أمشي وأجري أكثر في الصالة بشكل طبيعي من دون آلة، لم يكن هناك ألم، رجعت للآلة رجع الألم ثانية، وقفت، ومن بكرأ سافرت، ولي يومين مريح ولا أعمل جهد خوفاً من عودة الألم، قلت لعله إن شاء الله تكون عضلة فقط تحتاج إلى راحة، واليوم راح أعاود المشي، وإن شاء الله الأمور سليمة.

__________________
ياصبحِ لاتِقبل !!
عط الليل من وقتك..

عنا لاعبة كرة يد ومش عارفين يلا يا صبايا بدنا نشكل فريق
وعلى مسؤوليتي اللياقة رح ترجع من اول وجديد🚵😊😊

ماشاءالله عالحديقة يا وفا من اجمل ما رأيت الله يهنيكن بهالجمال شي بيريح النفس والأعصاب

والحمدلله على سلامتك أخي الكريم نيت مان عليك العافية
اليوم الصبح عالعشرة ونص مشيت 14 كيلومتر اخدت معي ساعتين و20 دقيقة وحرقت 600 سعرة حرارية فيهن
ورجعت اخدت الاولاد عالبلد لعشيهن رحنا بالباص ورجعنا مشي شي نص ساعة
هني كملوا عالبيت وانا بقيت حد البيت اتمرن عالآلات وبعدين هرولة





وآخر شي كملت تمارين بالبيت
وحرقت اليوم 1211 سعرة حرارية

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ربي يسلمك ويعافيك
ماشاء الله عليك شادة حيلك في الرياضة، إن شاء الله تحققي هدفك بالقريب العاجل، ونصيحتي الدائمة في تقليل الأكل، خصوصاً أنه بيجيك هجوم صاروخ أرض جو من المأكولات المتنوعة اللبنانية اللذيذة لما تروحي هناك، فجهزي حالك

__________________
ياصبحِ لاتِقبل !!
عط الليل من وقتك..

اهلا بميمو
ما شا الله عليك كل ما احب جرعة تشجيع ادخل اقرالك
صح ما في احسن من المشي
عموما منذ ان بعت سيارتي رجعت له
بس لا اجد الوقت الكافي لذلك الا الويكند جمعة وسبت
اما بخصوص كرة اليد خجلتيني كنت في فريق الهواة لفترة
ولما راحت مدربتنا وتحجبت توقفت وهذا كله بعد زن اخواني المستمر على الوالد بس كانت ايام

تسلمولي عالتشجيع الله يحققلكن كل أمنياتكن⚘⚘⚘

مسوكة اذا البرنامج ملخبط فهمنا بس ساعات المشي والتمارين والرقص والنط والجنون والميزان شو
الفرق بين واضح بالميزان وكل شوي بطلع وبشوف ههههههه

بالفعل بعد ال30 الوزن بيطلع بسرعة ومش بسهولة بينزل
وقت جبت تالت ولد بنوتي ميامين كان عمري 28 وبالشهر التاسع وصلت لل60 وباخواتها لل62
وبعد الولادة ارجع لل56 دغري و بعد شهر او شهرين اوصل لل50
وكان اغلب اكلي بوقت مأخر بيتزا ومناقيش وشوكولا وحلويات وسلطات
ولا كنت زيد ابدا والكل كان يقول نيالك 😓😓😓😓😓

هلئ 63 وصار في حرمان من الشوكولا والمايونيز
بس الاكل صدقا يا صبايا بعده متل ما هوي
بس الحمدلله ما في عيوب وهالشي من ورا الرياضة اللي كنت مارسها من بعد الولادة والمشي
واذا الله راد المشي رح كثفه بالمستقبل والتمارين نفس الشي ورح يكونوا من ضمن برنامجي اليومي
مثلا اليوم قلي زوجي تعي فوتي معي عالصيدلية ليراجع شغلة بتخص مكنة اشتراها قلتلو خليني برا

وطول شي نص ساعة لانو لاجا دوره واتصلوا بالتأمين وكذا شغلة ولمشي الحال
فأنا صرت هرول برا واستغليت هالوقت وروح واجي لخلص
ما خليت الوقت بروح هيك
حتى عم آخدها بروح رياضية مثلا بالليل عم نتعشى قلي ابني انو شبع
فقلتلو بس كول هيدي فنطرته ليبلع وحاملتها بإيدي فصرت طلع ايدي ونزلها قال عم اعمل رياضة
وصار الكل يضحك عليي ويعملوا متلي
وبالفعل ما بيحس الواحد بالملل بالعكس النفسية بترتاح اكتر
واليوم للأسف عالساعة 12 منتصف الليل صفر البرنامج ليبدأ يوم جديد وراح عن بالي صور التهيت بلعبة اون لاين مع اخي
طبعا اليوم ألات ومشي وهرولة متل العادة

وعلى فكرة الضحك بيحرق سعرات
فقد ما فيكن يا صبايا اضحكوا 😁😁😁😁


واليوم السطة كانت الضهر والليل سبانخ ورمان يا سلام ممممم
بالنهار بصغر الصورة وبنزلها


فشدوا الهمة يا صبايا
مش مهم ننحف او نزل وزنا الاهم انو نحافظ على لياقة اجسادنا
ونضل مبسوطين بحالنا
وحبوا انفسكم بالدرجة الاولى هيدا سر النجاح

بالتوفيق للجميع

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه