أقسم بالله واحشيني جدا جدا وياليت أقدر ألاقي وقت أكتب كل إلي في نفسي تعرفون عاد زحمة رمضان "كل عام وانتو بألف صحه وعافيه "ويعود علينا وعليكم بالخير والبركات والبيبهات"معليش متأخره!!
أنا الحمدلله بصحه جيدة وانبسطت كثير بالسفره ودعيت لي ولكم وربي أكرم الأكرمين أسأله ان لا يردنا خائبين ......
أولا ياحلمي قريب مبروك مرة ثانيه ورابعه وعشرين ألف وانتبهي لنفسك أنا مريت بالحاله وحملت وكان عندي إجهاض منذر ومثبتات ونزف بني لبداية الرابع وقف بعد الراحه التامه والأبر وتخللها صبعا دم كثير في من ألأيام كان أحمر فرش وكثير زي الدوره وقلت خلاص البيبي باي لكن ربنا كرييييييييييم حفظه لي الحمدله وحده وعلى فكره يوم نزول الدم الكثير رحت لدكتوره كتبت لي إبر تثبيت جلست يومين الدم ما وقف رحت لدكتورتي بعدها (لأني وقتهايعني وقت نزول الدم رحت طواريء)قالت هذي الأبرماتنفع للتثبيت وكتبت إبر نوع تاني والله من ثاني يوم صار اللون بني ووقف بعد إمكن أسبوع أو أسبوعين ولكن انتبهي لنفسك أنا بس ركبت السيارة مشوار نص ساعه وكان زحمة رجع البني فانتبهي لحد ما تطبي الرابع ويكون البيبي أكبر...وعلى فكره أنا ناسيه حاجات كثير بس اتذكر ارد واكتب
ملوكة العراق أللللللللللللف سلامه وطهور من الذنوب بإذن الله وحبيت أقولك أنا قريت ردك بعد ما رجعت من السفر وحابه أقولك أنا من السعودية أرض الخير ومن مكة تحديدا وياليت تزوريني لما تسوي العمرة...وبالله لاتنسيني من الدعاء بالصلاح والذريه ولو نسيتي مسامحه
كوكار وحشتيني وشكرا كثير على سؤالك ...وانا افتقدتك أكثر
عاشقة الطفوله إنت أكثر ويارب يعود عليكي الشهر المبارك والعام وانت عندك من كل خير ما الله به عليم وعقبال ما نبارك بالمولود ال8ياقمر
ام المهدي الله يسلمك من كل شر وليه تسألي عن طفل الأنبوب حسب علمي ما عندك مانع للحمل وملك كثير متزوجه الله يقدم لك الخير
انديني..عطر الليل ...رشروشا ..برشا 123(ليه مختفيه عسى المانع خير)العروسه الصغيره (عاجبني تفاؤلك ولي صديقه زيك أ سقطت وجلست سنه وحملت حاسه أنك قربت للخير )الزرافه أهلا وسهلا بيكي وأختك في الله لو رجعت للجز ال2بتلاقي قصتي ولاتيأسي تفائلي وربنا أكرم الأكرمين
يارب ما اكون نسيت احد ولو نسيت اعذروني أولادي فوق راسي قلقوني الحمدلله على عطيته وحده الحمدلله أختكم
زهـــــــــــــــــــــــور الدعــــــــــــــــــــــــاء
__________________
قال صلى الله عليه وسلم: "ليس شيء أكرم على الله تعالى من الدعاء"
اللهم اني اطمع في مزيد رحمتك علي وعلى اخواتي في الله فرجا ورزقا يارحمان