اختى فيوضه ممكن اعرف سبب الحب والتعلق هذا بزوجك ايش هي مميزاته علشان نحطها قدام سلبياته اللي هي ماصدقك خذلك شكك بشرفك ماعنده كلمه وفي الاخير واثقه يا اختى لو بيرجعلك ماحيجي لابوكي بنفسه لا بيرسل احد من الحريم او بيلعب على عقلك بكم رساله
جد يا اختى لو حد شكك بشرفي يمكن ححمحيه من حياتى بس انتى غير لسا جواكي حب له فممكن تقولي لنا وش ايجابياه بالنسبه لك

__________________

عفوا اقصد ايجابياته مميزاته يعنى طبعا بالنسبه لك

__________________

اه يا فايض حناني ليتني عندك كان اصمخك على راسك لين تقولين بس
قهر والله انك مازلتي تمنين النفس بالرجعة له
يا ختي كرامة ابوك وكرامتك فوق اي اعتبار والله لو انا مكانك لاشلع قلبي ودوسه برجلي ولا اذل نفسي وانا عندي ابو مثل ابوك

فايض حناني

يوم عزا أمي الله يرحمها ، تعرضت لظلم شديد .. أقرب الناس بسبب غيرتهم من محبة أمي لي ..
اتهموني - من خلفي - بأكاذيب و إنه أمي غضبانة علي وووو إلخ و افتراءات من وراي ..
و فيه اللي صدقوهم و ما دافعوا عني ..

و الله إني دعيت على راس الفتن و اللي كذبوا و هما اثنين ..
إنه ربي يفرق بينهم و بين حبايبهم مثل ما عملوا فيا ، بأشد وقت محتاجة فيه لوقفة الكل معاي ..
بوقت موت أمي .. و دعيت إنه ربي يحرق قلوبهم مثل ما حرقوا قلبي و يشغلهم عني و يكفيني شرهم ..

.
.

و الله من غير مبالغة ، الأولى زوجها تزوج عليها و محروق قلبها عليه ..

و الثانية ، علاقتها بزوجها واصلة لأسوأ مرحلة .. لدرجة إنها تقول ( أنا حاسة إنه فيه سحر تفريق بيننا ..
زوجي فجأة تغير علي و ما كان كذا معاي ، أحس الكراهية بنظراته لي .. و حاسة إنه بيتزوج علي أو يطلقني)

.
.

دعوة المظلوم ما تترد يا غالية ..

و أنا سامحتهم و عفيت عنهم أمام ربي قبل 3 أسابيع ، و أخبارهم ما عرفتها غير من يومين ..
و هي حصلت لهم من كم شهر هذه الأحداث ..

فأنت ما تدري ، يمكن بسبب ظلم عماتك لك ، إنه ربي بينتقم لك منهم بس من غير ما تشوفي ..
خلي ثقتك بالله كبيرة ، و زوجك انسيه .. علشان كرامة أبوك أنسييييييييييييييييييييييييه

الله يعينك على ما ابتلاك .. تدرين لو انك اختي كان ضربتك من زمان
ترفعين الضغط , و ترفضين النصايح , و متمسكة بعلاقة منتهية , و تفكرين في حين رجع لك
مع انه ما في أمل يرجع لك . وإن شالله ما يرجع لك .. عساه يتزوج و يرتاح أبوك منه
يختي شوفي نفسك و حياتك , احسبي كم رااااح من عمرك مضيعته في التفكير بالدنيا
قولي فصلاتك .. اللهم لا تجعل الدنيا أكبر همي
اتركي عنك ذالمريض شيليه من رااااسك , اهتمي بنفسك وصحتك و عيالك
لا تقولين اسرارك لأحد ... الله يفرج همك

__________________

‏
الوعي هو الملاذ ..

أستغفر الله العظيم ؛
( الفردوس غايتي )

اتمنى من الاداره تغلق الموضوع هذي مامنهافايده حرقت قلوبناواعصابناببرودها

تبون الصراحه جلست مع نفسي بعد كلام اختي لما قالت ابي ايجابياته طلع ايجابي واحد بس اللي هو انه حنون ،، بصراحه هو كان مانعني اكمل دراسه وصح اذا طلبته فلوس يعطيني بس مو كل شهر يعني المصروف على حسب امكانيته طلعات يطلعني وهذا مو مهم لان عند اهلي لما ازورهم اطلع اكثر من اكون عنده ،، وامس صدمتني اختي وانا اسولف معها قالت لي انه بخيييل قلت لا قالت الا بس حبك معميه قلت والله يعطيني بس ماعنده امكانيه قالت عمري ماشفت عليك شي يخلينا نقول واو مطيرها بالسما بالعكس خواته يلبسون اكثر منك ومن ولده قلت هو ماعنده امكانيه قالت لي انو هي رجالها اقل ماديه من زوجها لكنه يعطيها المصروف شهري مو مره ايه ومره لا ،، وفعلا قارنت حياتي لو بكون معاه وحياتي الحاليه اللي عند اهلي لقيت عند اهلي الراحه النفسيه محد يحاسبني على اقل كلمه انطقها لقيت عندهم الطلعات ويحاولون قد مايقدرون يسعدوني لقيت عندهم مصروف شهري لي ولعيالي ابوي مسويلي استقطاع ولقيت عندهم انه مسموح اكمل دراستي وان بغيت اتوظف ولقيت عندهم حريه مو طبيعيه محد ينتقد نمتي توك تصحين مثل يوم كنت عند اهل زوجي مع اني بشقه الا انهم يقولون انتي مهمله ويشيشون زوجي بس كان يقولي مو بعصبيه لا اسلوب عادي بس اعرف انه مو كلامه احد منقله بصراحه لقيت عند اهلي كل شي مسموح ورفاهيه والحنان من امي وابوي وعندي اخوان وربي عسل ومايذوني ولا حريمهم تاذي ويحبون عيالي موت وغير انو ابوي يصرف علينا اخواني اذا شرو شي لعيالهم ذكرو ولدي معهم حتى الالعاب والملابس واذا طلعو يتمشون اخذو ولدي معهم هذا اذا ماخذوني معهم انا بعد ،، اما عند زوجي اكتشفت اني ما اخذت منه الا انه حنون وانو انا احبه من غير سبب واكتشفت انو مايحبني قد ما انا احبه وهاذي صدمتي مع ان كنت مرتاحه معه ومدلعني بس مو دلع فلوس يعني يحاول لكن مو دايم يكون معه وبعد كان رافض دراستي اكملها بس انا كنت مرتاحه معه لاني انا حطيت ببالي احبه وحبيته وغمضت عن عيوبه وضنيته هو يحبني عيونه انه يغازل كثير واسامح يسهر للفجر عند اخوياه بالاستراحه كنت انحد واروح لاهله من الطفش ولارحت كنت اسمع بعض الكلمات نغزات يعني ،، بس والله فكرت بشي يجذبني له اكثر واقول ايجابي طلع شي واحد انه حنون وبس،،

تكفين يا فايض والله لو يجونك عايلته كلهم يترجونك عشان ترجعين قولي لا والله وانا بنت فلان ما ارجع لرجال شك بشرفي فكيف لو قالها صريحه... بس قولي برجع له بشرط يطلع في الرياض بحر

انا معكم انو المفروض ما ارجع له ،، بس وش اسوي جالسه افضفض لكم انا مصدومه واقسم بالله مرات تمر علي حاله اقول كذب هذا كله حلم ماصار مو بيدي اكرهه تتوقعون لو كان بيدي اكرهه ماكرهته والله لو في علاج اكله ويخليني اكرهه كان شريته بكنوز الدنيا واكلته وعشان اكرهه وانساه ،، ياناس ادري انه جرحني ادري انه بهذلي ادري انه اهاني ادري وادري بكل شي ،، بس شلون انساه وتظنون لاطلقني جدتي بتخليني مستعده اقسم لكم انها بتقهرني بتقول فلان تقصد زوجي طاير بزوجته الجديده فلان جاه ولد فلان وفلان،، والله احبه من قلبي وعجزت انساه مرات يجيني امل انه ندم واقول اكييد ندمان وانا ادعي ربي وابكي اقول يمكن عمو عيونه يمكن كبرو قلبه علي بيجي اليوم اللي بيصحى فيه مو بيدي ،، حطو نفسكم بمكاني انا عشت صدمتين صدمة انه خذلني وصدق فيني وصدمه انه قالو سالفه مثل كذل والفو ابطال وخيالات من راسهم وهو كذبني ،، قال انا طحت عليها ،، وانا اقسم لكم هم اتفقو معه للن بالاول قال اسالي خواتي وعماتك وبعدها قال ماقلت لها بعدها قال انا طايح عليها ،، انا تعبت ادري انكم حارقين دمكم عشاني والله التمست فيكم نعم الاخوه ونصايحكم اللي من قلبكم بس المشكله فيني انا مدري ليه جايني احساس انه ندمان عجزت ادوس ع قلبي مرات اقول نا ابيه لو يركض وراي ماني راجعه له مرات ابكي من شوقي له واروح اتتبع اخباره من غير مايدري انا مخذوله منه ومن خواته ومجروحه بقوه،، ولو بيدي انساه يمين بالله ماشفتنو افضفض لكم ،، كان صرت اقوى من هذا كله بس اعترف لكم مرات اكون قويه ومرات ما احمل من القوه ذره اكون اضعف انسانه هو عايش حياته وما اخفي عليكم مو فاقدني لانه مع البنات بتويتر وسوالف وضحك عارف اني اتابعه ويزيد علي ،، وعلى فكره هاذي كلها احاسيس لكن لاجا الجد كلمة ابوي ماراح انزلها بالارض يعني تطمنو لاجا ماراح ارجع له والشور لابوي ،، لكن المقصد انا شلون انساه وارجع فلانه الطبيعيه اللي عايشه حياتها قبل ماتتزوجه اللي بس تضحك ولاهمها احد ،، ابي ارجع نفس اول ماقدرت امي طيبه ماتسبهم قدامي عشان اكرههم بس تقول حسبي الله ونعم الوكيل وابوي اطيب من امي يقول الله يمهل ولايهمل اما خواتي واخواني يقولون خليها لربك مانبي نغتابهم ،، لكن عماتي انواع السب فيني عند زوجي انواع الاتفاقات معه علي متفقين علي وخططو لهالموضوع وهو عشان نايتضررون عماتي اللي هن خالاته شال الموضوع عنهم وقال انا طحت عليها مو خالاتي قالولي انا طايح عليها واللي عنده شي يقابلني انا لايقابل خالاتي قاله ابوي لو انك رجل طلقها ماطلقني قال خير ولا طلق،، مرات اقول ابي ورقتي عاجل مو اجل عشان يعطيني صدمه ثالثه يمكن اصحا واكرهه لكنه هو معلقني،، وجدتي انواع الكذب مره تقول يبيك ولو مايبيك كان طلقك وماخاف من ابوك ومره تقول مايبيك نفسه طابت صح ارد عليها واقولها حتى انا نفسي طابته منه وتجلس تسب فيني،، انا مشكلتي مرات اضعف انسانه اكون ومرات احس نفسي اقوي نفسي واقول واذا يعني مو اخر رجال هو ع الدنيا والطلاق مو نهاية الدنيا ،، لكن الله القوي حقي عنده مايضيع

فايض حبيبتي .. اذا فعلا حاسه انه قلوبنا عليك ونهتم لأمرك فأرجوك نفذي الشي اللي يخليك تنسينه .ز

هم شغلتين بس مافي غيرهم .. وتقدري عليهم وربي تقدري عليهم انتي بس انوي

1- لا تتابعيه نهائيا .. موعشان هو يدري أو لأ .. لكن كل ما عرفتي معلومة عنه بيرجع الشوق ويفتح الجرح من جديد .. لا تتكلمي عنه ولا تسمحجي لا لجدتك ولا لغيرها يتكلم عنه قدامك .. ولما يتزوج لا تسمحي لجدتك تنقل لك أخباره .. مع أول مرة تبتدي فيها تتلكم وقفيها وكأنه قرصك عقر ب .. جدة لا تجيبي سيرته لو سمحتي .. وبس .. ما راح تعيدها .
ولا تقولي لي ولدك ... اذا ودك مصلحة ولدك وانه يتربى رجال وعلى يد رجال فلازم ما يشوف أبوه ولا يعرفه .. هذا انسان مثل نافخ الكير كل ما قربتيه بتتأذي وولدك بيتأذى من قربه وبتطلع اخلاقه مثله انسان واطي

2- اشغلي نفسك .. اليوم قبل بكرة تدرسي أو تشتغلي .. بسرعة .. بكره تقدمي وتبدي .. لا تتأخري لحظة .. ليش تضيعي وقتك ؟؟؟ ليه تعتمدي على والدك أو أخوك أو أي أحد .. اشتغلي انتي وشوفي كيف نفسيتك وثقتك بنفسك بتصير

__________________