تسلميلي حبيبتي استنكار واذا بدك تشوفي اكلي واكل الصبايا ادخلي قسم المطبخ بموضوع شو عاملين عالغدا
وهونيك بتضلك جوعانة ههههه
وتسلميلي عالدعوات الحلوة ولك اضعاف ما دعوتي
وبالنسبة لاقتراحك ان شاءالله بفتح موضوع بهالخصوص بس لخلص كم شغلة عم خلصهن قبل سفرتي على لبنان
نورتي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ايه التشجيع هيدا نيالي والله 😁😁😁😁
تسلميلي حبي مسوكة على رفع المعنويات 😙😙

شو بدي خبرك لخبرك اليوم من بعد ما خلصنا مشي انا وزوجي رحت كافئت نفسي بكستنا وبوظة وناجيتس الجبنة بالتشيللي طبعا اكلت بحدود والباقي للاولاد
المهم انا كنت الصبح بالبيت عاملة رياضة ساعة وحارقة 400 سعرة
وبس رجعنا عالبيت كل شوي إخوت ونط 😁😁😁😁 وزوجي يقلي شو هيك رح تقضيها يعني القصة سباق قلتلو انت شو زاعجك نط متلي
المهم انقهر يا حرام اني عم اسبقه هههه
وكنت عم احكي خيي تسجيل عالواتس وانا ناطرة المعكرونة لتجهز للاولاد وعم نط فبالآخر قلتلو اني عم ساوي تمارين كرمال هيك صوتي مش منيح مع النفس
بعتلي وقلي راح قلبي من مكانه فكرت بك شي وانت وعم تلهتي طلعتي عم تعملي رياضة هههه
اليوم اتخطيت الألف ومية سعرة حرارية محترقة



واكلي متل العادة بعده متل ما هوي وحتى وانا وعم احسب شو عم اكل ما عم اوصل لل1700 سعرة حرارية من اصل 1900 حاجة جسمي
بس شوكولا ما عاد آكل بالليل بوقت مأخر لوح 100 غرام مع اصبعين التويكس
صرت اكتفي بقطعة شوكولا مرة او اصبع تويكس المهم اتحلى
لنشوف بكرة اذا الله راد ئديش رح اوصل
بالنسبة لريجيم البيض قلت قبل ما سافر بشهر بدي ساويه كرمال بس مدته اسبوع ولمرة وحدة بالشهر
وانا بعدلي شهرين وشوي لسافر
يعني بعد في وقت 😊😊😊😊
واذا لقيت حالي بهيدا افضل رح نزلكن البرنامج وانتوا تجربوه وتخبروني بالنتيجة

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ماشاء الله عليك يا ميمو وين تروحين تبثي النشاط
اعجبتني كثير طريقتك
صح الواحد لازم يتحرك ويحرق
انا من يوم السبت عندي les courbatures قتلوني احس عضلاتي كلها تؤلم
لكن كل ما اتذكرك اتحرك البارح اغسل في الاواني واتحرك
حتى داخل الصف اتحرك بين الصفوف دوختهم التلاميذ
الله يجزاك عنا خير يا فراشة المنتدى

الله يجعل الضحكة دايمة ولا تفارقك متل ما ضحكتيني 😅

الله يكون بعونهم الطلاب شكلهن رح يعملوا متلك والا ما بيمشي حالهن هيك هني يدوخوا وانت تبرمي هههه
شو بدك النفسية بتصير تمام بتحسي حالك انك انت من بعد ما تكوني قايلة أنا مش أنا
تسلميلي حبيبتي على كلامك المعسول متلك
هلئ كنت عم اتمرن وبعد شوي ضاهرة امشي حتى هيدي
نص ساعة بتخلي الجسم يحرق بس لو عندها كاتم صوت لكنت كل النهار انا وياها سوا ههههههههه
لنشوف اليوم نشاطنا ئديش رح يكون
نوافيكن بالتطورات ابقوا معنا

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

السلام عليكم بنات
انا صرت 76 كغ زاد وزني 2كغ في ضرف اسبوعين
اكلي قليل وعادي لا اكل حلويات ولا شوكولاته ولا مكسرات
وانا في ازدياد 😥😥😥😥😥😥😥
يوم شفت 76صراحة خفت انا في 24سنة وطولي 1،66م
اخاف اني ما راح نتحكم فيه (لانو هرموني)
الفترة الاخيرة اصبحت كثير متوترة وراسي لا يتوقف عن التفكير
واش ندير؟ 😭😭😭😭😭😭😭
شجعوني شوية 😧😧😧😧😧على الاقل اتوقف في 70كغ

حبيبتي الله يطمن بالك وتوصلي للوزن اللي بدك ياه
كيف نشاطك اليومي
ونوع الاكل اللي بتاكليه مشبع بالدهون او صحي
لانو لو الاكل قليل مرات حسب نوعيته بيتخزن بالجسم
وكيف شرب الماي لانو اذا ما شربتي حاجة الجسم من الماي فبيصير يخزن الجسم ماي كرمال ما يصير في جفاف بالبشرة
وكمان في نقطة اعملي فحص الغدة
وركزي على الألياف اللي موجودة بالخضرة وبنفس الوقت موجود بالخضرة ماي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

شكرا حبيبتي انا اكلي عادي في المتوسط وصحي لكن اكل الخبز لكن مشكلتي هي الكوكا كولا اعشقهاااااااااااااااااا العشق الابدي اللامتناهي اشرب في حدود اللتر فما فوق ههههه
اما الماء اشرب الكثييييير
ا

اهلين بالعسل عيوووش
الخبز وخاصة الطحين الابيض في سعرات حرارية كتير وبيتخزن بالجسم وما بينحرق دغري
فناكل بس بكمية قليلة
لانو مرات بناكل اكل فيه سعرات اكتر من حاجة جسمنا الهن
والكولا اذا مش زيرو اقري ئديش فيها سكر
انا ابني من وقت ما سمع من المعلمة بالمدرسة كم ملعقة سكر بالكولا مستحيل يشربها
واذا بدي جيب كل اسبوعين او اسبوع او شهر مرة وحدة التنكة الصغيرة وزيرو وبنشرب منها انا وزوجي واولادي كل واحد رشفة والكبير ما بيشرب
يعني انا بيطلعلي شي نصف كوب او اقل وهيدي مرة وحدة بالاسبوع او الاسبوعين
وقليل لجيب اكثر من مرة
اكتر شي بنشربه عصير انا بعصره بالبيت

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

البارحة حرقت 1001 سعرة حرارية
تمارين ومشي 801 و200 تمارين رفع الساق
بس برفع الساق اغلب الوقت تمارين بوش آب
وكنت ناوية اكثر بس بعد الضهر كان عنا موعد لتجديد الباسبورات
وعدد السعرات المحروقة ما بحسب من ضمنهن شغل البيت او اي حركة تانية
هيدول بس وقت احمل التلفون وكون بدي ابدأ بالمشي او عمل التمارين
فنحن وبالسيارة انا وقاعدة صرت اعمل حركات الدراجة يمكن حرقت 10 سعرات 😁😁
مع هالبرنامج حاسة الشغلة ممتعة ومشجعة
بس بعد بدنا نشوف النتيجة لنحكم 😊😊😊

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

اهلا باهل الدايت
يا سلام عليك يا ميمو
مسك خلاص ما شاء الله (عشان ما تقول عينوني )
مازلني على العهد
البارح في الليل اشتهيت شكولا موت
الا اشوف سوسو جايب كرانش واكل ثلثها واعطهالي لانه انا يا اكل نصف تابلات ولا بلاش
قاومت وفزت اشوف فيها وابلع في ريقي بعدين اقول لا حلفت
ولساتني مع footing
مع الوالد ماشاء الله عليه فايت السبعين لكن حسيته ضعف عن الي كان يارب احفظه وطول في عمره
هاهو يجري وانا واختي خلفه (اليوم الصبح )