محبتكم روح الطير..محتاجتكم [ مستجدات بالرد 30 - 31 - 34 - 288] - الصفحة 41

30-08-2012, 09:24 PM

#401

خاله بيتا

عضو المنتدى الفخري

تاريخ التسجيل: Jun 2010

المشاركات: 9,516

رد : محبتكم روح الطير..محتاجتكم [ مستجدات بالرد 30 - 31 - 34 - 288]

اقتباس:

المشاركة الأصلية كتبت بواسطة أعماق

ماادري ارجع الرد تبع الاخت سيدة الموقف ..؟

أتوقع بأنه الرد362 هو الرد المحذوف أعادت تنزيله الأخت سيدة الموقف

__________________

30-08-2012, 09:33 PM

#402

أعماق

كبار شخصيات المنتدى

تاريخ التسجيل: Feb 2011

المشاركات: 3,859

رد : محبتكم روح الطير..محتاجتكم [ مستجدات بالرد 30 - 31 - 34 - 288]

اقتباس:

المشاركة الأصلية كتبت بواسطة Beta2

أتوقع بأنه الرد362 هو الرد المحذوف أعادت تنزيله الأخت سيدة الموقف

نعم صحيح ..
جزاك الله خير ..

__________________
اللهم أجمعني مع أحبتي في الفردوس الأعلى من الجنة ،،

[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

30-08-2012, 09:44 PM

#403

فاكهة الشتاء

عضو متألق

تاريخ التسجيل: Dec 2011

المشاركات: 3,158

رد : محبتكم روح الطير..محتاجتكم [ مستجدات بالرد 30 - 31 - 34 - 288]

روح
اللي قالته لك أختنا القديرة الصائمة لله بعدم اطهار الرضا عنه والتزام الصمت حاليا
صحيح جدا

واياك تظهرين العكس

لانك بمجرد ما تتكلمي وتخلقي الحل وهو يقولك طيب موافق فبالنسبة له الموضوع منتهي
وما راح يحاسب نفسه ولا ذرة زيادة
لانك تكوني بتصرفك أخرجتيه من دائرة مراجعة نفسه ومحاسبتها الى دائرة الحل
اللي أنت اخترتيه مو هو
فبالتالي راح يستمر بعدم التفكير فيما يجب عليه فعله كزوج ورب أسرة

انت للان ما استقريتي نفسيا
وأكثر من مرة توصلين معه بشكل عاطفي للمسامحة وترجعين تنقلبين وهذا طبيعي

انقلابك ما راح يتقبله
وراح يقولك خلاص احنا تفاهمنا ليش ترجعي تفتحي الموضوع ؟

هو صامت
وانت تقولين كل ما عندك
وهذا غلط

الكفة الان في صالحك
وهو في الموقف الاضعف

اذا فعلا تحبينه وتحبين أطفالك وتبين حياتكم تستمر
جمدي قلبك شوي وطبقي اللي قالته الصائمة لله في الوقت الحالي

الله يفرج همك

__________________
الحمدلله الذي بنعمته تتم الصالحات

30-08-2012, 09:51 PM

#404

روح الطير

كبار شخصيات المنتدى

تاريخ التسجيل: May 2005

المشاركات: 12,052

رد : محبتكم روح الطير..محتاجتكم [ مستجدات بالرد 30 - 31 - 34 - 288]

أنا انتهيت ..
بس لو تعاتبوني .. مو تعاتبوا و خلاص ..
أعطوني حلول ..
.
.
قبل شوي ، تكلمت معاه و عاتبته من جديد ..

كنت جالسة و زوجي رجع من برة ، و جلس جنبي ..
ولدي الصغير ( غار ) و جاء لصق بأبوه ..
أخدته و وديته عند الشغالة عشان كنت ناوية أتكلم معاه شوي ..

شوي جاء ولدي الكبير و ( غار ) و لصق في أبوه ..
قلت له ،، حبيبي روح شوي و قفل الباب ..
بأتكلم مع بابا ..

زوجي ضحك و قال ( الإثنين غيااااارين زي أمهم ) ..

قلت له
( لأ .. ما عاد أغار عليك )
( أغار على إيش ؟ )

و حطيت عيني بعينه و هو فهم ..

و انفتح الموضوع ..

.
.

حكيت له على موقف حصل بيني و بينه ..
كان جالس بالصالة و الجوال بيده في رمضان ،، سألته بس مزح ..
غريبة اهتمامك بالجوال ؟
فجأة طرطع و قال ( هذا إنت عجب ، و غصب عنك ترضي و كلاااااااااااام ) ..
قلت له وقتها ( يعني عادي تكلم و تضيف بنات ؟ )
.
.
قال لي أنا قلت كذا ؟؟؟؟؟؟؟؟؟؟؟
قلت له ( إيوة )
حتى صرخت علي بدون سبب ..
و قلت لي ( إيوة ، اعمل علاقات و أكلم بنات غصب عنك .. و ما راح أخاف )
و وقتها قلت لك ..
( اللي يريحك ، و ما راح أنكد عليك و لا أسألك .. بس تأكد إنه ربي اللي راح يكشفك و من غير ما أدور وراك ..
وقتها لا تتوقع إني راح أسامحك ،، و بيكون آخر يوم تشوفني فيه و تسمع صوتي )
قمت طنشتني و قلت
( إنت عجب )
و جالس دحين تقول المشاكل بسببي ؟ كنت تدور لنفسك عن أي سبب ..
انفجع وقت ما مثلت له ، كيف عاملني وقتها و كيف صرخ علي ..
و كيف سكتت و ما رديت عليه ..
.
.

قال لي ( مو اتفقنا نقفل عالموضوع ؟ مو أنا تغيرت معاك و بست راسك و راس عمك ؟ مو وعدتك بالتغيير ؟ )
.
.
فكرته بالصورة ، وقت كان يصور الصورة ..
و بعدين يوم سألته ( قام انفجر و طرطع ) ..
قلت له ( ما كان معايا حق وقت قلت لك بتصور نفسك عشان ترسله لصاحبتك ؟ )
و قمت طرطعت و انفجرت علي ، و أنا كنت صادقة وقتها و طلعتني أنا الغلطانة ؟
و جلست تفطر و تاكل لوحدك و طنشتني و عملت حالك زعلان ..
و خرجت برة تكمل كلامك بالسيارة ؟
و وقت طلعت أنا عشان أقول لك وديني السوق مخنوقة ، شفتك مشغول بالجوال تكتب بالواتس ..
قلت لك ( هاه ؟ بتفضفض لصاحبتك كمان ؟ )
مين وقتها اللي كان غلطان ؟
جلس ساكت و يبغاني أقفل الموضوع نهائي و أنسى ..
.
.

قلت له
( غصب عني ، ما أقدر )
إنت حط نفسك مكاني ،،
.
.
محتار تتمسك بزوجتك حبيبتك ،، و لا تعاقبها عشان خرجت معع رجال غيرك و جلست معاه بمطعم ؟
إيش بيكون احساسك وقتها ؟ و إيش الشي اللي راح يغفر لي وقتها عندك ؟

.
.
قال لي
و الله حاس ..
بس برضو ما أتحمل كل مرة تفتحي لي السيرة ..
إيش فايدة اعتذاري لعمك ؟
.
.
قلت له اخر شي اليوم ..
إنت ما يرضيك إني أجاملك و أضغط على نفسي ..
لإني كل ما قربت منك أكثر بالفترة هذه، كل ما افتكرت إنك استرخصت نفسك لوحدة ( رخيصة ) .. و نزلت مستواك للقذارة ..
و غصب عني ، استحقر حالي .. و بعد كذا انفجر ..
.
.
عشان كذا ، اتركني فترة ( أنام لوحدي في الصالة ) ..
و لا تضغط علي .. و لا تنتظر مني أي شي أقدمه لك ..
راح أحترمك ، و ما أزعلك ، و لا أنكد عليك ، و لا أطفشك ..
لا تنتظر شي تاني مني ..

إنت بتعاملك الجديد ، و بأسلوبك الجديد ،، ممكن تنسيني اللي حصل ..
ممكن ترجع كل شي بنفسك ..
.
.
قال لي
( خلاص أنا أنام في الصالة و إنت نامي في الغرفة ) ..
.
.
قلت له
( معليه ، إنت نام مع الأولاد .. و أنا محتاجة أنام لوحدي ..
راح أنيم الأولاد بنفسي و أجيبهم عندك ..
بس أنا بحاجة إني أجلس مع نفسي ، عشان لا أنضغط زيادة ) ..
.
.
قال لي
( اتفقنا ، بشرط ما تجيبي السيرة هذيك ،، لإني بأتضايق ..
و قلت لك ندمان )
.
.
قلت له و المصاريف و المسئوليات ؟
قال لي تبغيني أعطيك 500 كل شهر و إنت تقضي للبيت ؟
.
.
سكتت و ما قلت شي ..
لإنه راتبه 3800 .. يعطيني 1500 ..
1000 إيجار البيت ، و 500 السيارة ..
( و أصلا تنصرف عالبيت ، يعني ما أخدها لنفسي ،، بس إني كنت أحسسه بالمسئولية ) ..
طيب لو يعطيني 500 للبيت ..
كم يبقى له ؟
1800 ..
.
.
راح دحين بيجيب أكل من برة ، لإنه الخميس متعودين نخرج ناكل برة ..
قلت له ، أنا أدفع الأكل من برة لإني ما طبخت اليوم ..
و فلوسك اشتري بها دجاج و موية و مقاضي للبيت
( ما رضي ، و قال معايا )
.
.
هو الصراحة آخر سنتين ،، إذا كان معاه فلوس ..
ما يرضى ياخد مني ..
.
.
قلت له :
حبيبي ما قصدت أضايقك بكلامي ، بس حسّ بيا ..
الكل يقول ( زوجك إنت بسبب دلعك له ، خربتيه .. حتى أختك مرة قالت لي إنت دلعتيه و دلعك يخربه ) ..
.
.
قال لي
( حاس و عاذرك و فاهمك )
.
.
بس اتفقت معاه ، يتركني أنام في الصالة لوحدي ..
و هو بتعامله الجديد ، و تغييره .. بيرجع كل شي مثل ما كان ..
.
.
هذا آخر شي حصل ..
و بأستمر كذا ..

و أخذت نصيحة أختي الصائمة في عين الإعتبار ..
و حاسة كذا إني مرتاحة و راضية عن نفسي ..

.
.

التعديل الأخير تم بواسطة روح الطير ; 30-08-2012 الساعة 09:56 PM

30-08-2012, 09:57 PM

#405

روح الطير

كبار شخصيات المنتدى

تاريخ التسجيل: May 2005

المشاركات: 12,052

رد : محبتكم روح الطير..محتاجتكم [ مستجدات بالرد 30 - 31 - 34 - 288]

خلااااااااااااااااص

زوجي وعدني ما يدخل أبداً ..

قلت له ، إنت مو البلياردو عالمك الخاص ؟

أنا هذا هو عالمي الخاص ..

.

.

و قال كنت أحسبك تبغيني أدخل ، بس وعد ما أدخل و لا عاد تشوفي بجوالي فاتح عالمنتدى هذا

دام إنه الشي هذا يريحك

30-08-2012, 10:09 PM

#406

سيدة الموقف

كبار شخصيات المنتدى

تاريخ التسجيل: Apr 2011

المشاركات: 5,061

رد : محبتكم روح الطير..محتاجتكم [ مستجدات بالرد 30 - 31 - 34 - 288]

:*

روح الطير:
تابعي مع الفاضلة :الصائمة لله في الاستشارات الخاصة
وأنقلي الموضوع كله للاستشارات الخاصة لأن زوجك
راح يتصفح الآن كل حرف كتبتيه لأنك أثرتي فضوله
بطلبك الأخير لما قلتي أوعدني ماتدخل عالمي الخاص
وزي ماقال التائه قلبه هو بسيط ظاهرياً لكنه غير سهل
في الباطن

:*

__________________

" اللهم اجعل لي فرجا ومخرجا , ودبرني فإني لا أحسن التدبير "
*

شوك أحبكِ في الله
فكوني قوية وابتسمي لتبتسم الدنيا

التعديل الأخير تم بواسطة سيدة الموقف ; 30-08-2012 الساعة 10:10 PM

30-08-2012, 10:11 PM

#407

سهر أسعد

عضو نشيط

تاريخ التسجيل: Aug 2012

المشاركات: 115

رد : محبتكم روح الطير..محتاجتكم [ مستجدات بالرد 30 - 31 - 34 - 288]

روح .... الف مبرررررررررررررروك رجوع زوجك لحياتك بحلته الجديده... الف مليوووون مبروك تلك الفرحه التي غمرت قلبك.. الف مبروك ذلك الانتصار المبين على تلك الشيطانه التي كانت ستدمرك "بخوفها الكاذب" عليكي وعلى اولادك.. الفيين مبروك "اعادة الهيكله" الصحيح لبيتك وشؤونه... مبروك ومليون مبروك للبرهان الأكيد والدليل الساطع على حب زوجكي لكي ... مبروك ياروح .. فقد وصلت عيدية أمك رحمها الله لكي في المنام وفرج الله همك وعوضكي خيرا وهذا الخير بشرتكي به امكي في العيد .. فهي علمت ما حدث لكي قبل ان يحدث وسمعتكي واحست بكي .. وبشرتك بالفرج أنه سيأتي .. وأتى .. سبحان الله

روح ..

أهنيكي .. حبيبتي .. تلتي ما تريدين .. وستنالين مع الأيام .. وسترين ... الله كريم وادعيلي حبيبتي

30-08-2012, 10:14 PM

#408

روح الطير

كبار شخصيات المنتدى

تاريخ التسجيل: May 2005

المشاركات: 12,052

رد : محبتكم روح الطير..محتاجتكم [ مستجدات بالرد 30 - 31 - 34 - 288]

دحين أجاوب على أسئلة الأخ البليغ

معليه دحين شفتها

30-08-2012, 10:21 PM

#409

المتفائله..

عضو مميز

تاريخ التسجيل: Jul 2011

المشاركات: 433

رد : محبتكم روح الطير..محتاجتكم [ مستجدات بالرد 30 - 31 - 34 - 288]

اقتباس:

المشاركة الأصلية كتبت بواسطة سيدة الموقف

:*

روح الطير:
تابعي مع الفاضلة :الصائمة لله في الاستشارات الخاصة
وأنقلي الموضوع كله للاستشارات الخاصة لأن زوجك
راح يتصفح الآن كل حرف كتبتيه لأنك أثرتي فضوله
بطلبك الأخير لما قلتي أوعدني ماتدخل عالمي الخاص
وزي ماقال التائه قلبه هو بسيط ظاهرياً لكنه غير سهل
في الباطن

:*

انا اتفق مع رأي سيدة الموقف تماماً

__________________
ربآ كفاك ماكان بالأمس ... سيكفيك في غدآ مايكون

" اللهم اجعل همي هم الآخرة "

30-08-2012, 10:26 PM

#410

روح الطير

كبار شخصيات المنتدى

تاريخ التسجيل: May 2005

المشاركات: 12,052

رد : محبتكم روح الطير..محتاجتكم [ مستجدات بالرد 30 - 31 - 34 - 288]

سيدة

ما أظن بيدخل ، أنا لو كلمته بهدوء و طلبت منه بالذوق ..
( بيكون عند وعده ) ..

هذا اللي أعرفه عنه ..

.
.

و لو دخل ( ما يقرا ) ..
و لو ( قري ) ما يركز ..

يكره القراية و ما يحب التفاصيل ..
ملول ..

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه