احساسي بحب قديم

قلتيها حبيبتي "بتزول ان شالله بتزوول جريب بس شويه صبر "
ليس كل ما نريده يأتينا على درب مزين بالورد .. العقبات أمر
متوقع ولابد من مواجهتها.. والطعنات والخذلان لا تتعجبي منها إن جاءت
من أقرب الأشخاص لنا ..
كوني قوية كما عهدتك عزيزتي .. وتوكلي على الباري بكل أمر ..
دائما ادعي المولى عزوعلا بأن يقضي لك كل خير .. واستقبلي كل ما يحدث
بصبر وثبات ..
قلبي معكِ

__________________

لا يالغاليه أذا على الالم كلن يذوقه .. بس البكى شو يفيد غير يزيدك ويع ..
أشكرج سر على مشاعرج الطيبه مشاعر انسانه نبيله
وربي يحفظج ان شالله

أعذريني مبتعثه على تنويهج مافهمته ..
اوراق ملونه بارك الله فيج عزيزتي ..

اهلين ياروضه

اخبارك؟؟

ليا فترة مادخلت المنتدى

طمنيني عليك

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg

عمري بخبرج ان شالله

السلام والرحمه ..


اللي صار بالضبط عل وعسى اسمع شور يفيدني بالموضوع ..



انا حاطه في بالي اللي راح يسال عن سالم ذياب اخوي لانه كان قاعد معانا وابوي طراه اثاري اللي راح ذياب ولد اختي ومنصور اخوه أصغر من حمدان..
ذياب لادق وقتها ولاسال من العاده يمر البيت لو بالغلط اجوفه اسبوع كامل مغيب حتى خليفه ماعنده خبر بالموضوع منوه فيهم سار ..
الله يسلمكم اللي صار ان ربيع ذياب اتصلبي الو اختيه روضه اباج في موضوع مهم يصير مكان عام او بالتلفون مثل ماتحبين .. قلتله لا مكان عام اكيد اذا موضوع حساس عن ذياب اللهم أجعله خير ..
الا يقولي اختيه روضه جوفي حل مع اخوج انا تعبت معاه اغلب يومه فاقد قام يكثر من الشرب هي اعرف ذياب يشرب اعرفه اخويه لكن انه يكثر شو السالفه شو اللي يخلي يسوي جي يقول والله حاولت معاه بس ماشي فايده .. قلت للريم الموضوع دخلي ريلج قالت لا خلي ريلي بعيد لانه ذياب مايسمع له قالت انا بكلمه من صوبي وببري ذمتي

كلمت ابويه وقلتلها مصخها ذياب وموب زين اللي يسوي في نفسه يقولي روضه باجر يكبر ويعقل من العصبيه والضيجه مامسكت نفسي قلتله ليش يأبويه بطي قاعد يكبر ؟؟؟ .. قالي خلاص بكلمه ان شالله .. انتي شلي ايدج من الموضوع ..

انا اعرف ابويه لايمكن يكلمه او يقوله شي او يردله طلب ..

خليفه تضايج وقالي روضه جم مره قلتلج لاترفعين صوتج على ابويه قلتله خليفه انا موب ناقصه الحين وارجوك لاتدخل في مواضيع الكبار واستانس في اجازتك مابقى شي والمدارس تنفتح ان شالله ..

كلمت ربيع ذياب خبرته يعطيني رقم شقه لاني اعرف البنايه والمكان .. قالي لا يااختيه روضه مااقدر لانه هالمكان مايصلحلج قلتله خلاص انا برروح المكان وبتصلبك تقوله اختك تحت يا ذياب واللي فيها فيها تردد قالي دخيلج طلبتج لو شو مايصير لاتخبرينه انج عرفتي موضوعه من صوبي ..
شليت الخدامات وخليفه معاي وحجزت في الفندق قلت ليله وان شالله راده .. خليفه طبعن ماحسسته بالمووضع والا والله ماراح يفجني بيتم معاي وانا ماابه يجوف ذياب جي نزل يتمشى في الووك خلقه الله ماخلق هناك زحمه ناس مطمنه عليه ..

سرت المكان اللي فيه ذياب نزلي ذياب قالي شو تسوين هني ردي البيت وبكلمج قلتله لا ليش انا يايبه البيت كله معاي هني نغير جو جان يقولي شو تبين الحين وعيونه وارمه من الشرب قلته ابا ارمس وياك مايصير قالي سالم وسالوا عنه وابويه كلها جم يوم ويرد عليه


قلتله شو في خاطرك حبيبي موب حرام اللي تسويه بعمرك قام يصرخ ويهاوش ويقولي تبيني اموت نفسي عشان ترتاحين قلتله حبيبي اخويه قولي شو اللي متعبنك قالي الله ياروضه الحين شو متعبنك قلتله لايكون شمسه قالي لااااااااه شمسه امبح املجت .. خلاص ارتاحي ..


تميت اذكره بعذاب الله وجي وهو سافهني ولاكاني ارمس ..
قالي يالله برايج بروح احط راسي وارقد

ضحكت ادري يجذب عليا وادري الشقه متروسه خياس بس قلتله اوكيه .. بجوف شو اخرتها معاك.. ان شالله



هالمصيبه الاولى وقلت اخبر سالم الا اسمع موضوع يغثني

...



يوم رمست سالم وبخبره بموضوع ذياب يقولي روضه توقعي اتصال من اخت الحرمه قلتله خير شو السالفه
قالي والله عرفت بموضوعنا من صوب امي ماقدرت تخبي عنها قلتلها ليش تعطيها رقمي قبل لاتستاذني قالي والله ياروضه انا واثق من حبك لي وعلشان تقتنع انك لي اتركها تتكلم معاك وجوف بعد هي اشكثر انتي متمسكه فيني ماعندي شي اخاف منه ياروضه

قلتله لحظه لو تزوجنا وهددتك بتذبح عمرها شو بتسوي؟؟ بطلقني؟؟

قالي روضه انا ماجيت اخطبك وجايب رؤوس الرجاجييل عشان اسمع هالرد منك ..
قلت فسري موقفك عيل ..
قال انا صارلي فتره اتصل ماتردين ابا اقولك انها عرفت وسارت بيت ابوها واختها ماتركتني كل شوي اطرش مسج وتتصل عشان تقنعني

تكلمك يمكن تغيرين رايك
قلت خلاص خذي رقم بس لاعاد تتصلين سمعي روضه شو تقول وساعتها اقنعي اختك بالتعدد مثل ماوعدييني

قلتلها سالم واذا رضيت اتركك بتتركني.؟ قالي انت غبيه انا ماصدقت اقعد ابوج هالانسان الطيب وبتزوجج تقولين لي اتركج ؟؟ انتي انجنييتي الا اذا من قلبج ماتبيني وقتها مااقدر اجبرج

قلت وشو اقول للبنت قالي روضه ارجوك افهمي
البنت طلبت الرقم عشان تكلمك وانا لو خايف ياروضه او عندي شي ماباك تعرفينه ماعطيتها رقمك لكن عطيتها عشان تتاكد انه موقفنا ماراح يتغير وطبعن بعد ماوعددتني تكلم الحرمه وتقنعها بالتعدد ..
او تسريح باحسان ماعندي اي مشكله ..




كلمتها بعد ماتاكدت من الموضوع والبنت كانت محترمه وتكلمت بذوق ماجرحتني بولا كلمه وكانت حريصه على اختيارها للكلمات وتكلمنا فوق الساعه ..


اللي قالته انه تعمدت ماتترك اختها تكلمني خوف من انها تغلط عليا او تفر كلمه وطبعن قالت اتلومينها لانه اي بنت زوجه بيتزوج عليها طبيعي بتفقد اعصابها

قالت اختي روضه نحن والله ماعرفنا بكميه المشاعر اللي بينكم الا بعد ماتزوجت اختها من سالم
قالت اكتشفنا الموضوع انها ماكانت خطبه والسلام كانت خطبه عن معرفه وحب
وانه اختي شكت في بدايه زواجها لانه سالم غلط باسمك يوم يعاشرها
تكررت الحكايه معها وماخبرتنا فضلت كاتمه على قلبها وساكته .. بعدين عرفت الحكايه منه وتفاصيلها لانها اصرت تعرف من هي روضه بس ماحسستنا ابدن باللي يصير معها لانها جد متمسكه بزوجها
وبعدين وعدته انه تنسيه روضه كل هالحكايه عرفتها بتفاصيلها السنه اللي طافت ..
وهي تتكلم معاي والله حسيت بالفرحه استانست ماادري خذاني الغرور شوي لانه سالم مانساني في اللحظه اللي تزوج

قالت روضه انا ارمله وام 3 عيال اختي يوم تقدم لها سالم ماقصرت معه ومتمسكه فيه وها شي طبيعي
وكل اللي اتمناه تكون مرتاحه
بس والله لو تجيين دقيقه وحده الحين وجوفي حالها من سمعت انه زوجها بيتزوج جوفي حالها بس واحكمي ليش انا اصريت اكلمك
قالت انا اخت ومااقبل اجوف اختي بهالحاله
لاتاكل ولاتخرج وامي المسكينه شايله همها وتخفف عليها وتقول تمسكي بزوجج وشرع الله محلله يابنتي وهذا زوجج وايد ازواج تزوجوا

قلتلها تقدرين تقنعينها بالتعدد يا ام عمر قالتلي روضه انتي موب قادره تفهميني انا اباك تتركين سالم لزوجته
قلتلها ليش واثقه سالم بيتركني قال سالم بيتعب فتره وبيرجع حياته طبيعي يوم تزوج من اختي ماكنا نعرف
قلتلها واذا قلت لا

قالت لاحوله ولاقوة الا بالله . قلتلها يا فلانه انا مقدره موقفج كاخت تحب اجوف راحة اختها بس انا وسالم خلاص ربنا ان شالله ادري في البدايه بتتشاءم لكن هي في بلد وانا في بلد قالت ياروضه الزوجه تغار
واي زوجه تتمنى عيال من زوجه تحبه ويحبها
قلتلها هاي انا بعد ابا عيال من شخص احبه ويحبني
الت والله طول هالسنتين كل مايروح سالم دبي تحط تقعد تدعي انكم ماتتقابلون ضحكت
قلت تطمني ماتقابلنا
قلتلها لاتقولين اكثر من جي ااتصالج واضح لهدف واحد تبيني ابتعد عن سالم وبس على حسابي انا لمصلحه اختج
انتي تفكرين في اختج وبس وماالومج لانها اختج قالت والله حاسه فيك وعارفه كل حكايتك
قلتلها مقدره اتصالج بس العفو مااقدر احقق طلبج على حسابي .. قالت روضه لحظه يابنت الحلال اقولك اختي تقوم في نص الليل وتبكي فهمي يابنت الحلال البنت متمسكه في زوجها وتحبه اقولكاذا راح لدبي تقعد
تبوس ثيباه وصورته لين مايرجع ..


قلتلها اعتبري نفسج ماسمعتي بالخبر وتزوج سالم وخلي اختج تتصرف على اساس هالموقف ..
وبينا وبينكم كل الخير ان شالله

عقب سكرت وهي بعد سكرت وانهينا الاتصال والاتصال كان لمصلحه اختها

والسموحه
االأتصال ماارآآح يغير موقفي لكن مااقصد فيه تعاسه أنسانه والله يوفقج الجميع

صباحكِ فرج من الله ياورضـة ’’



فهمت بصعوبة ياروضـة واللون الأسود الذي يؤلم عيوني والخط الصغير : )

بالنسبة للرد الأول عن أخاكِ ذياب أنصحكِ بأنه لاتجعلي سالم يعرف عن الأمر وتظل خصوصيات بين الأهل هكذا أفضل وكي لاتتدخل الأمور مع بعضها ومستقبلاً كذلك ...

وحاولي أنتِ تكون الحنونة لهذا الأخ وتتنشيله مما هو عليه ..واستشيري ذو الإختصاص ...بالأحتواء والكلمة الطيبة تكسبي أخاكِ ويكون له إرادة عالتخلص من الشرب ....

بالنسبة للموقف الثاني اتصال أخت زوجة سالم والنقاش مؤلم ..ولاأعلم ماذا أقول ولا تلوميها أبداً ..

ودعواتي ترافقكِ ...ووفقتِ للخير ..

مشكله سالم انه تزوج من عائله يبدو محترمه وماتحب المشاكل .
ومشكلته ان زوجته وقعت بحبه