متفائله بالله
الله يسخر لك زوجك ويبارك لك بحياتك


ام زوجي اتصلت علي اليوم
تسلم وتسال عني وعن بنتي
وجلست تدعي انو تهدى النفوس
وتتعذر لولدها وتقول انها حاولت معه كثير
لكن على كلامها انو راكب راسه ومعند
قلت لها خليه على راحته
وهي تنصحني بالصبر والهدوء
وتنصحني ما اجلس لحالي واطلع اغير جو
حسستني ان بموت لو تركني ولدها
قلت لها ياخالتي اللي ربي كاتبه حيصير وانا راضيه فيه
وجلست تقول انه مهموم ووجهه صاير اسود لكن يكابر

ومن بين كلامها تقول لو مايحبك ماغير الديكورات وانتظرك
قلت لها مشكلتي معه اكبر من الديكور وهالشكليات
وهي قالت لي هو يحسب انه كذا راح يأدبك!!
قلت لها على ايش!! هو اللي بهذلني
قالت ايوه هو غلطان وعلى عيونه غشاوه ومايبغى يهين نفسه لمرأه.. تعرفي تفكير الرجال
قلت لها يا خالتي محد يرضى له الاهانه.. لكن الاعتراف بالخطأ فضيله
والرجال اذا شاري زوجته مستحيل يبهذلها ويتنازل عنها
وطلبت منها تتركه على راحته ولا تلح عليه
واذا بنكمل مع بعض او بنفترق فبكل الاحوال ربي رايد الخير


بيني وبينكم كرهته زياده
يعني لهالدرجه انا رخيصه حتى امه تحاول تقنعه فيني
شي عجيب.. وهو مصر لامه انه بيتجاهلني وبرجع
ومحتقرني عندها بصوره عجيبه
حسبي الله ونعم الوكيل

والله يا كنافه ام زوجك عسسسسسل وطيبه نصيحه لوجه الله حتى لو افترقتوا لا تقاطعيها
الحرمه مررررره طيبه وتعاملك زي بنتها ماشاء الله تبارك الله
بالصراحه نعمه العمه ولا تشيلي على خاطرك منها هي غير وولدها غير

__________________
ريم نواف سابقا

كنافه واضح أن زوجك عنده مشكلة مع نفسه مو معك.. هو ينظر للمرأة نظرة دونية بدليل كلام أمه (والأم أدرى بولدها) وكمان احساسه انه تنازل لما اعتذر لك وكلامه لك "غيرك تبوس ايدها وجه وقفى"

يا انك تتقبلي شخصيته هذي وتعيشي دور المرأة الضعيفة تتنازلي عن حقوقك وماتنتقديه أبدا أو انك تكوني قوية تاخذي حقك منه وتعامليه بنديه بس وقتها تحملي مايجيك يمكن يمد ايده عليك أو يطلقك وماتدرين يمكن تصير معجزه ويحب شخصيتك الجديدة القوية هههههه

عموما استخيري وادعي ربك في هذي الأيام الفضيلة

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

يا كنافه انتي استخرتي كثير
واحساسي انك مايله للطلاق اكثر
كلكم الاثنين مكابرين ومعاندين انتي من جه وهو من جه
هو اعتذر منك ومن أبوك وإنتي ماقبلتي اعتذاره لانه أهانك قدام أمه وأهلك وأهله عرفوا بالقصه تبغي شي يرد اعتبارك !!!
سبحان الله انتي وزوجك في شبه بينكم في هذي صفه كلكم تهتموا لكلام الناس ونظرتهم لكم
انتي ماتبغي تباني ضعيفه ومكسوره قدام أهله
وهو مايبغى يبان انه خروف وما يستغني عن زوجته ومكابر رجعتي ولا مارجعتي مافرقت عنده
كلكم تتعذبوا وتعبانين بس العناد والمكابره ما تفيد في هذي المواضيع
وحتى لو رجعك راح يقول عشان بنتي وعشان أمي وعشان البيت ما ينهد
اسمعي وطنشي مو لازم يقولك انا ما اقدر استغني عنك لكن هو يعوضك بالأفعال
واستغربت لمى قلتي شخصيته جنوبي متاكده اتوقعت انه شمالي
على العموم أمرك بيد الله وإنتي اتوقعي اي شي ًوكلي أمرك لله وادعي كثير

__________________
ريم نواف سابقا

كنافه اعطيه اخر فرصه
وبس يجي حطي النقط على الحروف
مسكينه ام زوجك والله شفقت عليها
زوجك مكابر وعنيد وبيرفض الاعتذار بطريقه مباشره
لو انك طلبتي من ام زوجك انه يجي يتفاهم مع ابوك
وبعدها بيصير خير

__________________
انا لله وانا اليه راجعون

كنافه زوجك عنده استعداد يجئ ويقابل أبوك. ولا يبغاكي ترجعي البيت لوحدك مع أبوك او اخوك

__________________
ريم نواف سابقا

خبرتي ابوكي بكلام ام زوجك شو حكالك شو رايه بالموضوع روحي خبريه وشوفي شو بيحكيلك

__________________
انا لله وانا اليه راجعون

انفاسي الورد
ام زوجي عارفه اني متبهذله مع ولدها
وتقول انها حلفت له ماراح تدور له على عروس
قال لها اصلا ماراح اخلي احد يدخل بيتي غير فلانه (انا)
يعني هو متأكد انو مردي ارجع بذل زي ماطلعت بذل
وانا قلت لامه يا ارجع معززه مكرمه يا بلاها
انا مو رخيصه عند نفسي ولا عند اهلي
يا يتسنع ويصير رجال ويتعهد مايعيد هالتصرفات
او الله يستر عليه
بالنسبة لسؤالك: هو يبغى يمر ياخذني عادي
كأني رايحه ازور اهلي.. ماخذها ببساطه
يقول بنفس شينه: امر اخذك بكرا؟
قلت له لا تعبانه.. قال براحتك.. مع السلامه
لو انه رجال كان جاء لبيت اهلي وعزني قدامهم شوي


متفائله بالله
ابوي كاره زوجي وقرفان منه
ولو اقول له ايش قالت امه.. بيكرهه زياده
واساسا كلامها مافي شي جديد
هي قالت اللي كنت حاسه فيه
وللاسف طلع احساسي بمحله

خلاص اصبري هالفتره
وبالصراحه يجئ ويأخذك من الباب كمان صعبه الحق ينقال انا ما أرضاها على نفسي !!
بعد هالفيلم كله والي صار لازم يكون رجال ويجلس مع أبوك ويتفاهم معاك على كل شي
الله يهدي النفوس ويجمع بينكم على خير
اكثري من الاستغفار والدعاء
الله يفرج همك قريب يارب

__________________
ريم نواف سابقا

الصبر والدعاء
الليله العشر الاواخر
استغليها بالدعاء
والاستخاره
ومناجاة الله
والتذلل له
الله يفرجها عليك امين

__________________
انا لله وانا اليه راجعون