لما كنتي تقولين لابوك وابوه عن مكالماته ويهزؤونه كان ينقهر منك ..

والحين صارت الكوره بملعبه وحب ينتقم منك مع انه متأكد في قرارة نفسه انك بريئه حسبي الله عليه..

واللي يكلم بنات يكون متوقع ان كل البنات كذا فليش مسوي فيها المسكين اللي مقهووور ومنصدم كذااب وردة فعله مبالغ فيها جدا

هذا قصده يأدبك علشان لما يرجعك وتشوفين خرابيطه مع البنات تسكتين لأنه ستر عليك

بس ربك كبير ابوك خرب كل مخططاته الحقيره اللي كان قصده يذلك فيها كان متوقع ان ابوك بيوقف معاه ضدك

الحين هو منصدم من ابوك وخايف منه احسن.. الحمدلله ان وراك رجال ينشد الظهر فيه..

مو هالزوج الصايع ومخرب بنات البلد بصياعته ويبي يذل زوجته عشان تسكت عن صياعته وتخليه براحته مع البنات..

قال ايش منصدم من زوجتي وابي خالاتي يبرؤونها وهو متأكد من براءتك الكذاب..

__________________
سبحان الله وبحمده..سبحان الله العظيم..

على قولتهم ادعي ربك وربك ماراح يخيب املك وزوجك باين انشوره مو من راسه اسال الله انه يفرج همك

ولو انا مكانك راح اسيبه واطنشه وانتبهي لحملك وولادتك واللي مايبيني ما ابيه والله يفرج همك

عسى المانع خير إن شاءالله؟؟؟

ووووووووووووووووينك فايض

وينك فايض حناني
بالله ردي علينا خلينا نتطمن
عسى حصلتي الطلاق
ترا زوجك ما عليه حسوفه

وش طلتو هالموضوع القديم له .................

رجل اهبل بيقول رايه بصراحه ....

اسمعي
............قرات موضوعك ...قسم بالله حسيت اني اعرفك ......هههههه لالالا ماقصد معرفه شخصيه للعالات
اقصد ان نفس المشاكل بين كل الاقارب .....نفس الموال ......وعرف كثير من زملائي الي طلق والي عنده مشاكل ...........

لكني بصراحه
انتي دلوعه اكثر من الازم ....................

وحبيتي زوجك وبس .....................وهذا غلط ...الي تتزوج زواج اقارب وعيش مع بعض ...مثلكم ....يجب ان تحب اهله كلهم حتى شغالتهم لانهم جزء من الحياه

عندما تشتكي زوجتي من كلام وتصرفات اخواتي ............اقول لها .....شي واحد
اذا وضعتي نفسك في مقارنه .....ستخسرين لانهن اخواتي ...........
لكن كوني ذكيه ولا تدخلي في اي مقارنه وعتبري نفسك اكبر من اي مقارنه ..............

زوجك ......مزال صغير ....وانتي لم تتمكني من امتلاك قلبه ................

كل تصرفاته ....................هي ..عباره عن وسوسه عائليه استمدها من من حوله فاصبح الجميع يخطط له حياته ويرشده

وهو يريد ان يثبت انه سيد على زوجته

ابوكي مهتم بزواجك اكثر منك ومن زوجك وكان شخصيته قويه ...................فزوجك يخافه وكانه يتحده

في مثل هذه الحالات العائليه ..............يحصل الطلاق كردة فعل .............ولكن سرعان ما تعود المطلقه لزوجه ...................

نصيحتي ..........................المشكله فيكي انتي .................املكي زوجك بحبك
واملكي قلب امه وخواته حتى تعيشي بسلام

لا تدخلي حرب خسرانه اقبلي عماته بكل اخطاءهم

فلن ترتاحي حتى تستقلي بحياه بعيده عنهم ...........................

__________________
من الذكى انك تسوي نفسك احيانا غبي .....!!!
ومن الغبى انك تذيكى على اناس اذكيا .......!!!!

رجل رصين جدا (رجل أهبل) : يا أخي يعجبني جدا اسلوبك و محتواه كذلك .. الله يزيدك ... أتابع كل ما اراه جديدا من مشاركاتك.

قالب فكاهي ، معبر ، مفيد ، حقاني (يقول الحق) ، يصادم الإباء و الأنفة أول وهلة ثم يدخل القلب بعد التأمل بسرعة...

اهللييين اخوتي .. شكرا لاهتمامكم فيني،، انا للحين ماتغير بموضوعي شي مع ان عمي رجع من السفر وطلب منهم ورقتي وردو عليه بكلمه وحده خير ان شاء الله وهذا الكلام من اسبوعين ولاصار شي ،، وزوجي يعرف اني اتابعه بتويتر فمره يكتب عن الفرقا والشوق ومره يسب فيني وفي اهلي وقبل فتره كتب توبكه بالواتس اب مرجعك لي شائو ام ابو ،، وهو مايعرف رقمي الجديد ورجع فير توبكه وكتب ان غدا لناضره قريب ،، وبعد مطنشته وراح غير توبكه وخلاه توبك عادي،، وبس لازال يسبني ويسب الرياض ان يلقا متعه لاجاها لكن يضيق النفس لما يذكر الوجييه اللي يشوفها ويسمع كلامها،، ومره يكتب حسبي ع الشوق ومره يكتب خاطري طاب وجرحي ماطاب ويكتب عن الخيانه ومحد بالزمن يستاهل ،، ومره كتب بمعناه ياللي تتابعني ترا قصيدي مو لك مجرد عجبني وكتبته يعني لاتحسبني ابيك،، وكل هذا انا مطنشته مارديت بحرف ولاشي،، وخالتي كلمت عمتي ام زوجي بدون ماتاخذ شورنا ويوم هلصت مكالمه قالت انا كلمت ام زوجك قالت لها ليه تسوين كذا ببنت اخوك عيب ومايصير ومن هالكلام ردت عليها عمتي ايه هي حطت بولدي علوم رديه وانا برجعها بعد سنه او اقل من السنه وولدي مايبيها يقول اخطبيلي وانا عييت ومثل مارديت مرت ولدي الثاني بردها،، وعمتي ام زوجي سكنت اخو زوجي وزوجته بشقتي واخذت ملابسي وحطتها بشناط وزوجي راضي كل هذا اهانه لي ابوي درا رفع السماعه قال هاتو الورقه ولابينا المحاكم قالو يصير خيير،، تعبت من اهانتهم لي كيف يسمح زوجي يسكنون بشقتي وملابسي واغراضي الخاصه شافوها وحطوها بشناط تدرون ليه سكنو اخو زوجي بشقتي لان زوجته طمحت وهو ماتحمل يبي يرجعها شرطت شقه لحالها وحطها بشقتي ،، سبحان الله هاذي زوجها ماكان يبيها والله سخره لها وانا زوجي اللي كان معيشني احسن منها شوفي ايش سوا فيني ؟ صح اهاني صح خرب سمعتي،، وكذب على عمي قال ماقالولي خالاتي ولاخواتي انها تكلم انا طحت عليها وهي تكلم ومابي اطلقها بستر عليها،، وامس جا للرياض وراح لبيت عمي وهناك مجتمعات عماتي اتصل عمي وقالي جهزي ولدك بوديه ابوه بيشوفه جهزت ولدي وارسلته له ،، ورجع عمي ومعاه ولدي قالي يقولك زوجك بكره تموتين قهر لاجا احد مكانك وقال انه يقول ما ابيها وامه ضاغطه عليه قلت قله انا اللي ما ابيه لو هو مايبيني مره انا ما ابيه عشر ،، جلس عمي يطالع فيني ينظران كانه يقول انتي كاسره خاطري قالي اسالك بالله ماخنتيه قلت لا ماخنته قال الرجال مره كارهه كانك عدوته قلت مشكلته مابيدي شي اسويه لو انه صحيح طايح علي خليه يجيب دليله سكت عمي وراح وابوي اتصل بعمي وقاله رح بلغ اختي " ام زوجي " وولدها ان بنتي تكلم وتغازل وش يبون وش بيسوون ؟؟ مالهم شي عندنا ولا يطلبوني شي قال عمي الله يهديك خواتك يقولون ماقلنا لرجالها شي هو طايح عليها قال ابوي ماني مغفل خواتك يوم انت برا الرياض قايلات لي بلسانهن انو احنا قلنا لرجالها انها تكلم وامي " يقصد جدتي" قايله لي ان زوج بنتك طايح ع خواته الحين كلهم ينكرون ويقولون ماقلنا،، وضحكو عليك وصدقت هذولي ثعالب قالو يوم شافو الخطر والسالفه جد قالو ماقلنا رجالها طاح عليها وقال ابوي رجالها لو رجال خلوه يواجهني خلوه يجيب دليله وان كانه صادق انا ارجع له بنتي واخطبله مره على بنتي قال عمي زوجها يقول ماعندي دليل قال ابوي الوجه من الوجه ابيض نبي الورقه ،، بس هذا اللي صار وعماتي عايشات حياتهم كل وحده عند رجالها وجالسات يخربون حياتي ويكتبون بالواتس اب توبكات انهم سعيدات بوجود زوجي بالرياض وان الرياض نورت بجيته وجيت امه،، وزوجي بس يسب بتويتر ومره يمدح ومره مشتاق ومره ومره يقول محد كامل غير ربي ،، عجزت افهم ليه مايبي يطلق هي لعانه او عناد مافهمت،، لكن يعلم الله اني عجزت اكرهه جالسه التمس له عذر وهو ولا درا عني ادري بتقولون ضعيفه ومدري ايش ؟ لكن هذا احساسي علموني كيف انساه كيف ما اتابعه بتويتر احس لو اموت ماراح انساه لو حتى ربي عوضني احس بعد ماراح انساه،، هو عايش حياته لكن مو راضي يخليني اعيش حياتي ؟؟ لاتقولون ابوك ليه مايروح للمحكمه عمي طاح ع راس ابوي قاله لاتفضحنا مانبي مشاكل وخواتك ماقلو شي ورجالها بيندم بيوم قال ابوي عمره ماندم بعطيه مهله لبعد العيد ان ماجاب ورقتها اسبوع ما انتظر ،، بس هذا كل اللي صار وانا حالي ماتغير الحمدالله ماشيه ع الدعاء وقيام الليل والاستغفار وربي له الحمد انام وانا مقهوره واصحا وانا ضايقه لدرجة البكي قبل النوم صار عندي عاده لكن ربي يفرجها وينصرني عادوني ولا ادري وش السبب اللي خلاهم كذا صدق من قال الاقارب عقارب،،

الله يصبرك ويبعد عنك كل مايضرك