حبيبتي النجمه المسافره
المشاكل بين الزوجين ما تنحل بهالطريقه
ما تنحل اذا كل واحد نام بغرفه ولا تنحل بالكرامه ولا تنحل بالصراخ
خذيها مني الحياه الزوجيه حلوة بس الواحد ما يستوعبها صح اول زواجه
شوفي بقولك الصراحه وكلمه الحق ما تزعل صح ؟؟
انتي غلطتي لما طلعتي من البيت من دون أذن زوجك حتى لو اتصلتي وطلع الجوال مقفل التزمي بيتك حتى يفتح زوجك
الجوال
استعجلتي بطلعتك من البيت عشان ترضين جارتك وزوجك اهم منها يله قولي لي وش استفدتي من جارتك!!!!
ثانيا غلطتي لما نسيتي الجوال المفروض الوحده تتفقد أغراضها قبل لا تطلع انتي الأن زوجه مو مثل قبل بنت
دلوعه مهمله
انتي زوجه ولازم تكونين زوجه بمعنى الكلمه ...
وثالث شي زوجك كان معصب خايف عليك من شده حبه لك وخوفه عليك ما قالك انه اتصل فيك على جميع أقاربك ما حصلك؟؟؟
واتصل على الجوال ماتردين ؟؟؟؟؟ الرجال خاف قال وش صار بزوجتي وين راحت ونست جوالها
قام تفكيره يوديه يمين وشمال ضاق صدره عليك
وانتي تجين تصارخين عليه وتشككينه برجولته و تقولين تفرد عضلاتك ومن هالكلام أكيد بيضربك كف
هو خايف عليك و شايل همك وانتي بكل استهتار تقولين تفرد عضلاتك وتتمرجل علي...!!!
عيب هذا زوجك ومن حقه يخاف عليك ويغار عليك ... مهما كان معصب انتي الغلطانه
من الساعه 8 الى الساعه 1 وقت ما هو بسيط ولا هو سهل أبدا كم ساعه وهو جالس على أعصابه
والأفكار والوساوس توديه وتجبيه ,, وبعدين تجين تستفزينه وتقهرينه وتغيظينه
زين اللي وقفت على كف واحد ,,,
ولاتقولين انا في بيت أهلي مدلــــــــــله انسي حياتك في بيت أهلك هم على العين والراس بس انتي
تغير وضعك وتغيرت حياتك انتي الان
زوجه و زوجك لو هو ما يحبك كان ما خاف عليك وشا ل هم وجلس يفكر وين رحتي والا وش صار فيك
وانتي تجازينه بتهزيئه محترمه,,,
انتي لازم تتعتذرين له وتبوسين راسه وتتأسفين أنتي الغلطانه .. ولاتقولين كرامتي ما كرامتي
الازواج ما بينهم كرامه
بينهم حب و مودة وألفه ولازم تحافظين على زوجك وبيتك وحياتك
لو ما انتي لك مكانه بقلبه كان ما عصب وزعل وجلس يفكر وينك فيه....
واذا تبين حياتك تستقر وتكونين سعيده انتي وزوجك
لازم وضروري
تعتذرين له وتتأسفين له
__________________
يارب سهل حملي ويسر ولادتي وقومني بالسلامه وفرحني برؤية جنيني في حضني وانا وهو بأتم الصحه والعافيه ..