اختي نبض الحيارى
الحب الحقيقي اللي يدوم يأتي بعد الزواج
اما ما قبل الزواج غالباً ما يكون اعجاب او تسليه

اختي نبض الحيارى حبك مع هذا الذئب البشري ارميه في الارض ثم دوسي عليه برجلك واحمدي ربك انتي افضل حظ بمئات المرات من بنات غرهن هذا الحب المزيف المبني على الغريزة الجنسية والعياذ بالله وخذيه من شاب يعايش الشباب كل يوم ويشوف حالهم ما عنهدم شي اسمه حب بس اقتناص بنت وجنس فقط هذا الموجود في القاموس عندهم ويفتخرون بذلك ولاتورعون عن اي طريقه توصلهم لمقصدهم نسأل الله العافيه و البنت المسكينه تبحث عن الحب والزواج ولكن هيهات هيهات لذلك اختي توبي الى ربك ولاتفكري بالتفاهات نسأل الله لك الستر والتوفيق

بصراحة كلام توت البري مستوفي وانا متفق معها 100% وأسال الله لك زوجا صالحا وان يمتعك ان شاء الله بالعفاف هذا اهم شئ اختاه

شايف كيف يااخوي سعودي 2000
الين وصلت قلوب الشباب
قلوب وسخه قذره بمعنى الكلمه
تدري بعض الاحيان احاول انساه لكن لما افتكر انه في وحده اخذته مني وهي ماتعبت ابدا انقهر ليه طيب وش زايد ببنت عمه
لكن فات الفوت وماينفع الصوت
لكن انا قلبي محروق من جوه ليتني تزوجت ولارفضت اي خطاب انتظره

مشكور اخوي خجول على الرد
دامكم تعرفون ان الحب ماياتي الا بعد الزواج وشهوله تورطون نفسكم بالحب
ترى انتم بعيدين عن الحب بعد السماء عن الارض سواء قبل الزواج او بعده
مافي شاب يحب وابصم بالعشره مافي شاب يهوى ويعشق قلوبكم ماتت من زمااااااااااااااان ولا راح تصحى ابد

اخت استغلي الأيام الفضيلة وادعوالله ان يخلف لك خيرا
وتوبي توبة نصوح لعل يحدث بعد أمرا , فلن ينفعك بشر
واعلمي 00
أن من احب شيئا غير الله عذب به

__________________
الإدارة
مع التحية

مشكور اخوي سيف العشق
اوكي راح انسى وراح اعيش حياتي
كلام اقوله بالنهار وانساه تدري متى يوم احط راسي على الوساده احس اني بموت كل اللحظات الحلوه تدور حواليني
وانا كان عندي جول بس حاولت الغيه طيلة رمضان وقفلته ومافتحته نهائيا عشان انساه

ويوم فتحه وماكمل للجول يوم مفتوح الا وهو يدق علي دقتين ويقفل على طول
وتقول تبغاني انسى
بس زين مارديت عليه

مشكور اخوي زاجر وحكيم مغري على الرد

أختي نبض الحيارى......
منذ فترة وانا اتجول في هذا المنتدى مكتفية بالإطلاع ولم يكن في مخيلتي ان اشارك في هذا المنتدى الجميل " لشيء في نفسي" ولكن بعد ما قرأة مشاركتك اثارت مشاعري.
اٍني افهم ماتحسينه ولا يعلم إلا المجرب و"اٍلي إيديه في المي مو زي الي ايديه في النار".

وآخرا..اقول لكي كان الله في عونك....
اعذريني على ركاكت الاٍسلوب ولكن تعجز الحروف ان تعبرلكي مافي نفسي..

تقبلي تحياتي ..واتمنى لكي السعاده والتوفيق .




................................. أختك **الحزينه**..........................

السلام عليكم اختي نبض الحيارى
كيفك هالايام انشاء الله احسن خاصه بعد ما سمعتي الرود
هاذي ردود مختلفه بين الجنسين
شفتي الكل متجاوب ومتعاطف معك
خلي هالردود هاذي دافع لكي تنسيه نهائيا
حتى لو اتصل!!! مثل ما قالك من اول( كلها 100 ريال) وغيري الشريحه
هذا بيكون في صالحك ولا تخليه بين فتره والثانيه يذكرك في نفسه
هذا قصده يعذبك اكثرمن العذاب اللي انتي فيه
طنشيه حتى لو دق امسحي رقمه
وعيشي حياتك بعيد عنه


بس انا عندي عتب عليك !!
انتي تقولي ان الشباب ما عندهم قلب او يلعبون بمشاعر البنات
لالالا مو كل الشباب كذا في شباب عفيف قلبه ما يعرف غير الحب الصادق الطاهر
والحب مو تلفونات وطلعات وروحات وكلام فاضي
لا الحب لابد يكون قائم على الزواج وهاذي بداية المشوار
مو مثل اللي يقول ان الزواج هو مقبرة الحب

فكري في نفسك شوي وشيليه من راسك ترى هو ما يستاهل مجرد انك تفكري فيه اصلا خلك قويه لا يهزك واحد مثل هذا
انا اللي اكلمك شاب لو ما عندي قلب مثل ما تقولي كان مارديت عليك
ولا واسيتك...تفهمي الوضع ولا تخلي واحد يخرب على الجميع

اسف على كلامي اتمنى انه مايضايقك وتمعني فيه زين وافهميه عدل
واسف مره ثانيه على الاطاله
اتمنى لك التوفيق من كل قلبي

تحياتي
المشاعر