hus1399
شكلة خاطب وبعد الرؤية الشرعية غير رايه ويبي يعرف ايش احساس البنت


انا رايي هو فعلا موقف محرج للبنت بس بصراحه تنحرج لها كم يوم وتصاب بخيبة أمل كم يوم وبعدين تنسى اذا الله رزقها بنصيبها
احسن من ان تتزوج واحد ماهو معجب فيها بس جاملها وتزوج فيها حتى ما يخيب املها


تحياتي للجميع

السلام عليكم و رحمة الله و بركاته
الأمر عادي جدا..
الحمد لله ربما الله ارد لي خيرا بصرفه عني...وما راح أرتبط إلا بالشخص اللي ربي أراد ..
ولن ينقص دلك اي شيء من ثقتي بنفسي....

__________________
أدعوا لي ربنا ينور لي دروبي..و ييسر لي أموري..و يفرج لي همومي..و يبارك و يوسع لي في رزقي..

موقف حدث فعلا
اكيد الفتاه تتأثر وتحزن
ولكن الاكيد ان الخيره فيما اختاره الله
والدعاء بأن يعوضهاا لله خيرا منه

السلام عليكم ورحمة الله
الأستخاره مطلوبه للراحه النفسيه
والناس أذواق ومو شرط يكون في البنت نقص أو عيب بالعكس المسألة تتعلق بالأرتياح النفسي للشخص مو شرط شكله أو شكلها
تحياتي

بكل صراحة
يتحمل هو بكل ألم بقلبي وبكرامتي
يعني لييييييش رفض؟
إذا أقنعني عادي بمررها

السلام عليكم و رحمة الله و بركلته
هذي أول مره أشارك في منتدى ...قبل كنت ادخل و اكتفي بالقراءه فقط ...بس لما قريت موضوع الأخ hus1399 ( سؤال محرج جدا ؟؟؟؟؟؟ ) في مجلس عالم المقبلين على الزواج... و شفت الردود عليه و شفت طلبه بتوضيح شعور أي وحده مرت في الموقف ...قلت أنا ليش ما أسجل و أقوله عن احساس البنت بعد مثل هالموقف خصوصا اني توني طالعه من هالتجربة .
في يوم تقدم لي شاب ...و بعد ما سأل عنه الوالد و شاف انه مناسب ... قالي حددي يوم الرؤيه الشرعيه...بصراحه على ان الأغلبيه كانت معجـبه بالشاب انا ما كنت موافقه ميه بالميه...بس قلت في نفسي يمكن هذا احساس طبيعي لأي بنت في هالموقف .. او اني اتبطـر ...المهم...بعد ما استخـرت حـددنا الموعـد ...لما جا الشاب جلس مع ابوي و تقهووا و بعد شوي ناداني ابوي عشان ادخل المجلس ... دخلت و القيت السلام و على اقرب كرسي جلست ....رد عليَ السلام ...و بعدين سألني كم سؤال و جاوبته ( يعني مثل الحوار المعتاد الي في هالمواقف على حسب تجارب من سبقني ) بعد شوي طلعت ... استقبلوني امي و خواتي يسألون وش صار ... قلت الحين لا تسألوني بس احس انه مريح ... قبل ما يطلع الرجال قال له ابوي بعد ما تستخير و بنتي تستخير يصير خير... قال هو الله يكتب الي فيه الخير ان شاء لله....في الليل جلست أفكر و استخير ( بعد ما كنت في بداية الأمر مو موافقه ميه بالميه ) حسيت اني مرتاحه له و عجبني....بكره العصر الشاب اتصل على ابوي و قاله بصراحه انا استخرت و أحس اني مو مرتاح ...يعني اعتذر عن الزواج .
ابوي ( الله يطول بعمره و يخليه لي ) اتأثر و تضايق... كلم امي و قالها على طول ...انا كنت جنب أمي و عرفت السالفه ...بصراحه انصدمت بس تداركت الموقف ( عشان امي ما يضيق صدرها عليَ ) و قلت الواحد ما يدري وش الخيره فيه ...بعدين قعدت شوي مع العائله..صحيح كنت جالسه معهم لكن فكري بعيـــــد جلست استرجع مقابلتي معاه و ادور الخلل!!!! و توصلت ان اللي صار ممكن يكون فيه نوع من العقاب لي لذنوب اقترفتها و عسى يكون في هالموقف تكفير لسيئاتي ...و لما اذن المغرب على طول رحت لغرفتي و بكيت و دعيت بين الاذان و الاقامه ان يعوضني ربي بأحسن منه ..ما اقول اني ما تأثرت او ما اهتميت ...و أي بنت يحصل لها هالموقف لازم تهتز..بس بصراحه بلعته و و قدرت اتجاوزه بسهوله ... في البدايه كنت اتوقع ان الموقف راح يكون محرج بين افراد عائلتي بس و الله اني وسيعة وجه كنت اتكلم و اسولف معهم عنه عـــــــــــــــــادي
بس تصدقون امي و ابوي متأثرين اكثر مني ( جزاء الوالدين على الله ...الله لا يحرمني منهم )
الشي الي قاهرني إني في الأول ما كنت موافقه و لما وافقت صار الاعتذار من عنده ... بس ودي اعرف هو ليش هون ؟؟؟؟!!!!!


الواحد يحمد الله على كل ما اصابه ...
سألت عن الاثار النفسيه المترتبه على الفتاة بعد هذا الموقف ....بصراحة راح اتردد و أخاف إذا الله كتب لي رؤيه شرعيه ثانيه ... و في نفس الوقت حسيت ان الموقف عطاني دفعه و زاد من قوة شخصيتي ...و انا اعتبرته اختـبار لقوة احتمالي لما يواجهني في حياتي ...
و الله يعين ...و يخلف علي َ بمن هو افضل منه في جميع المستويات ...و نعم بالله .


مثل ما قال احد الأعضاء ... شكل hus1399 خاطب و بعد النظره الشرعيه هون...ياليت يوضح لنا ماهي الأشياء الي قد تخلي الشاب يهون بعد الرؤيه الشرعيه ؟!!.

رائعة أنت ياغالية رائعة بكل المقاييس ..... هكذا يكون الإيمان بالقضاء والقدر وأسأل الله العظيم الكريم أن يبدلك بخير منه ...........بزوج يعينك على أمر دينك ودنياك ... وهكذا فلتكن قوة الشخصية وإلا فلا ........

محبتك واختك في الله بنت طيبة الطيبة

شكرا على ردك اختي... بنت طيبة الطيبة



عطيتيني دفعة جديده للأمام....

والله يا جماعة الخير احرجوتوني وخصوصا الاخت اول مره

ونا صراحة ما صارلي الموقف هالموقف صار لشقيقي لاكني انا اللي تأثرت على الفتاة وهو اول ماشاف البنت قال ما اعجبتني ولا ارتحت بس اذا تبوني اخذها مافيه مشكله خليناه يراجع حساباته وبالاخير قال يمكن انا طلباتي غريبه خلاص باخذها وكان الرجال كل يوم له كلمه عاد بالاخير قلناله شف اذا انت مقتنع بالفتاة ميه بالميه ولا لا تاخذها عشانا تعرفون هذا زواج ونخاف يحصل شي بينهم بكرا ويقول انتم السبب انتم اللي اجبرتوني عليها ولا ماكنت ابيها واخر شي اعتذرنا منهم وكانوا جدا متفهمين وانتهى الموضوع


بخصوص اختي اول مره صراحه قصتك جدا مفيده لنا واسلوبك جميل والله يعطيك العافيه لاكن عندي شوي ملاحظات


1-(و توصلت ان اللي صار ممكن يكون فيه نوع من العقاب لي لذنوب اقترفتها و عسى يكون في هالموقف تكفير لسيئاتي ) ليش توصلتي الى هالتحليل ليش قلتي يمكن الله صرف عني هالزوج خيره لي ولحكمه لا يعلمها الا الله مثل ان يتم طلاق بالمستقبل او عدم تفاهم او تكتشفي شي غير جيد بالعريس

2-( اتوقع ان الموقف راح يكون محرج بين افراد عائلتي بس و الله اني وسيعة وجه كنت اتكلم و اسولف معهم عنه عـــــــــــــــــادي)
هذا يرجع لحكمة الاهل وخبرتهم في التعامل مع هذه المواقف

3-(الشي الي قاهرني إني في الأول ما كنت موافقه و لما وافقت صار الاعتذار من عنده ... بس ودي اعرف هو ليش هون ؟؟؟؟!!!!! )

انا معك في هذي وحصلي موقف مشابه حيث اني خطبت بنت المهم وقابلت ابوها يوم شفته انهال علي بالاسئلة واسئله جدااااا محرجه وصراحه ماحبيت اخبي اي شي وجوابته في منتهى الصراحه لا وازود يعني قلت اذا بيقبلني زي ما انا ولا بلاها ويوم جا بعد يومين ودق علي وقال مافيه نصيب قلت الله يجزاك خير وماسألته عن السبب مابغيت احرجه لاكن صراحه كنت ودي اموت واعرف ليشششششششششش رفض بس ولا الزواج عادي ما حصل نصيب ....


تحياتي

اختى الفاضلة زادك الله مزيدا من الايمان و حسن الخلق فحمودى الله على ذلك لقول الله عز و جل وعسى ان تحبوا شيئا و هو شرا لكم تحياتى