مانى فاهمه ايش تقصدي بالخصوصيات ؟! مثل ايش مثلا ..
خصوصياتى انا مستحيل اقولها لاحد لا لزميله ولا لغيرها واللى اقوله معناه شيء عادي عندى ان الغير يطلع عليه ..
وقلت لك اللى تنبهنى على شيء انه امانه ، فانا ماخون الامانه اطلاقا ..
لكن بصراحة يزعجنى دا الشيء .. وسبق قلته لزميله ولاختى كمان ..
ادا كنتِ مو واثقه فينى او موضوعك خااص الى هذى الدرجة خلاص مو لازم تقولينه لي
احتفظي فيه لنفسك ليه ترعجينى فيه ..مع احترامي ..

كلامك مو منطقي فليكا
الجوال جوالك. ما في احد بيلف هاللفة الطويلة عشان يتبادل معك حديث او معلومة او صورة
للتأكد انه لن يطلع عليها رجل!!!!
نعم النساء تتطلع على سنابات بعض من جوالات اخرى. سنابات عامة. نساء.
مو اطلع اخوي او زوجي 🤔

فعلا حلو ما يكون في اسرار بين الزوجين
بس من اسمه تراه تفتيش يومي. مو حلو

__________________

اي لفة حبيبتى 😂 كلها رنة جوال ، فلانه برسل لك شي وانتهينا 😂
وقلت ومازلت اقولها اللى ماتبغى احد يشوف سناباتها بلاااااش دوشه راس و ازعاج
لا تحطنى مع القائمة ولا ترسل لي شيء و انتهينا ...
اما تجى و تبلشنا و امسك جوالى و رقم سري و مانى عارفه ايش ويافلان لا تشوف جوالى
وياعلان لا تفتح سنابي عشان فلانه حاطه سناباتها !! خييير ..
اصلا انا نفسي ماحرص انى اشوف كل السنابات ، الدنيا مليااانه صور و ناس
وجميلات و جميلات الجميلات بعد 😂 ماجت عليها يعنى ..
وان كان كلامى مو منطقي حسب مقياسكم فكلامكم ايضا غييير منطقي بالنسبة لي ..

مو تفتيش ولا اعتبره تفتيش انا ..
الجوالات هذى بتخرب البيوت 😂 لو منعته او هو منعنى من مسك الجوال
فاكيد وقتها واجزم جزما ان فيه امر مستخبي ..!

دامك انتي وزوجك متفاهمين لا يهمك شي 😊والله يديم الاندماج والانقياد😁
بالنسبة للسنابات للاسف تساهلواا النساء في ذلك
طبعا اللي تحط سناباتها عام وصورها فيه هذي عليها اللوم صراحة
لان انا ما اضمن جوالي وين بيطيح
والزوج المفروض مايطلع على سنابات النساء

فعلا متفاهمين على دى النقطة و لا تشكل لنا مشكله
سنابات انستقرام تويتر تلجرام كلها عاديه ..

انا مااقصد السنابات يا فليكا فقط
حتى الكلام العادي. ماله حق يتطلع عليه🌹
يعني دردشة قروب بنات. ما راح نقول فيها اسرار. ليش يقرأها؟؟
الدردشة تكون من شخص لآخر. و مش منتدى عام عادي الكل يتطلع. ما ادري احس ما بحب اقول لصاحبتي سالفة. حتى لو عادية و زوجها معانا ع الخط🤔

__________________

وي حتى الكلام العادى 😳
المساله ماهى له حق او ماله حق ، المساله مالها علاقه بالحقوق

مو قصد حقوق وواجبات.
يعني المقصد. ماله دخل يشوف. مش من صلاحياته. كذا يعني
تدري من يومين في قروب بنات معنا ما شاء الله. مجموعة بنات ثانوي و بيننا تواصل. للزيارات و المناسبات و الدعوات ولازم دردشة. وبيننا موظفات و طبيبات و امهات و عزوبيات
دار حديت مع طبيبة نساء وولادة معنا بالقروب. عن تحليل لعنق الرحم!!و هل تعرف طبيبة شاطرة غيرها طبعا😬و الكل يتكلم عن الأوجاع و الخ ما يتبع الموضوع. و كان معنا ماشاء الله وحدة من الزميلات والدة صار لها اسبوع. نسألها متى نزورك. وكذا. قالت بعد ما يلتئم جرح الولادة. و غيره😀 سلامات ليش ابو الشباب يشوف هالسوالف😩و الا اقول ما تلومو الا انفسكم. دا كلام عادي بعرف النساء عزيزتي. القصد. خلي زوجك. يخف شوي عليك. و ضروري تتفاهمي معاه مو ع الجوال. ع وضع خطوط عريضة. تحترموا فيها حياة بعض
اللي اعرفه عزيزتي. زوجك غير موظف. فقد تجدي منه تصرفات اتكالية لا تعجبك. حتى روتين الحياة و موعد النوم و موعد الكلام معك ووقت الزعل ووقت الفرح راح تقبلي على شي مختلف. انت لازم تهيئي نفسك على تقبل الكثير الغير مضر. و هو كذلك. ليصل له ان يتقبل منك ما تعودتي عليه و ليس فيه ضرر على حياتكما او يخالف الشرع او يثير العرف

__________________

يعني مو حظر على الجوال هو. يقدر يشوف الصور العامة. مقاطع الفيديو العامة. برامج الزوجة منزلتها. الاستديو. عادي. و يترك الجوال بدون رقم سري حتى. لكن كلام الاخرين ورسايلهم لنا ماله داعي. حتى انت فليكا تقول لمتى اخفي بعض الأمور عشان لا يعصب🤔

__________________

انا مااقصد السنابات يا فليكا فقط
حتى الكلام العادي. ماله حق يتطلع عليه🌹
يعني دردشة قروب بنات. ما راح نقول فيها اسرار. ليش يقرأها؟؟
الدردشة تكون من شخص لآخر. و مش منتدى عام عادي الكل يتطلع. ما ادري احس ما بحب اقول لصاحبتي سالفة. حتى لو عادية و زوجها معانا ع الخط🤔

__________________