تعلمنا في الجامعه نظريات تربويه و مثالياات
لكن يوم نزلونا الميدان التدريبي ... شوفنا مواقف تتطلب ردعها بالمثل
الميدان التدريبي يختلف جذريا عن النظريات ..

على فكره كل شكوى للمديره تُحسب عليك كمعلمه ..
الافضل تعالجين الموقف انتى بنفسك و ايضا تقلل من هيبتك امام الطالبه .
واولياء الامور مو كلهم يستجيبوا ..
بعدين انا مارضاها لنفسي ^_^ كل يوم والثانى رايحه المديره اشتكى
انا اتصرف ..

اكيد يا ابله دلال كلنا نقدم اللى نقدر عليه ..
لكن نكون واقعيين بعيد عن المثاليه ، ترى مخرجات التعليم ماتعتمد عليك وحدك
عمليه تعليميه كامله و مدى تقبل الطالبه و اغلبهم الان الا مارحم ربي ..
كنا طالبات و تاثرنا بمعلمات و لكن الى اى مدى ؟!! كلها ذهبت ادراج الرياح
حتى نسيت و الله اساميهم .. تاثر وقتي حسب المرحله العمريه و ينتهى ..
الموثر الاول و الاخير هو المنزل الام والاب و الاهل ..

ايش تخصصك فليكا

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

اولا ادفع بالتي هي احسن
التعامل معهم يبي له صبر و حزم لكن من غير تلفظ و تجريح
ثانيا وظيفتك حكومية خذي استثنائي افضل سنة كاملة لا تتهورين و تفصلين
و انقلي لابتدائي او حولي اداري
مجازفة انك تنسحبين الا اذا كنتي مأسسة نفسك و مسوية مشاريع و خالصة

انا رأيي انك تقدمين على اجازه استثنائيه لمدة سنه او سنتين وطبعا هي بدون راتب
وشوفي نفسك ووضعك اذا شفتي وضعك تمام اوك قدمي استقاله واذا تغيرت نفسيتك وحابه ترجعين للوظيفه يكون الموضوع بيدك تقدرين تقطعين اجازتك باي وقت
لكن موضوع انك تتخذي قرار وانتي بوضعك الحالي اعتقد انه خطأ وخصوصا ان الوظائف الحين صعبه فـ لاتستعجلين واعطي نفسك فرصه للتفكير
خوذي اجازه طويله وبعدها قرري

هذا اللى قاعده احاول اسويه ...

انا اشوفك افضل شي سوتيه الاستقاله كل وظيفه وأجب علينا تحمل والصبر على الجاهل والضعيف والفقير و المجنون والصغير ونؤدي الامانه بحقها وتقولين لو عليك الدراسه للمتفوقات بس بالله كيف مدرسه بهذا الشكل تقول هذا الكلام تربي اجيال الدراسه حق للكل الجاهل الامي الصغير والكبير

__________________
لاتأسفن على غدر الزمان لطالما رقصت على جثث الأسود كلاااااب
ولا تحسبن برقصها تعلو على اسيادها ولاكن تبقى الأسود اسود والكلاب كلاب

نعم حق للجميع وهذا ما اومن فيه ..
مثلا تجى طالبه اجنبيه قمة في الخلق و الاحترام و الشطاره
تعرف قيمة العلم هذى لو علي والله اصرف لها مكافاه ماليه لانها في المستقبل
راح تفيد الانسانية حتى لو مافادت البلد اللى تعلمت فيه ..
وفي المقابل ناس ماتبغى علم نغصبهم غصب ليييه ؟!
هو حق للجميع بشرط وجود الرغبه و العزيمه للعلم ..
اما غير كذا اعتبره انا هدر تعليمي بلا جدوى ..

لو نفذنا هالكلام تطبيقياً لـ خربت الأرض يافليكا وما عمرت !

إنت تتكلمين عن بنات مراهقات أعمارهم من 13 الى 18
تحكمهم تغيرات فسيولوجية وعمر مراهقة متذبذب وسلوكيات هوجاء طائشة مندفعه غير مدروسة و و و
علماً ان اكثر من 90 بالميه منهم من بيوت محترمة وابناء محترمين ويملكون خامة اخلاقية وسلوكية طيبة لكن تفاهات هالمرحلة تحتم بعض الأمور
أكيد ان 80 بالمية منهن ماعندها رغبة ودافع قوي للتعلم لأنها اصلا مانضجت شخصيتها للمستوى اللي تدرك فيه فائدة التعلم .. لكن اذا صار عمرها 25 او 30 او 40 واستقرت ونضجت بتستفيد من شهادتها وتدركها عدل ولذا كان حق عليها وعلينا نحتويها في هذه المرحلة وايه نعم تدرس غصباً عنها والمعدلات بتنصف المتفوقة عن العاديه المهم الجميع يدرس ويتعلم ويتنور ..
وخلينا نكون واقعيات وش اقصى شي تقدر تسويه البنت !!
المعلمة اللي تفرض احترامها وتترفع عن السفاسف والمهاترات لايمكن يتجاوزونها ولو حصل فهم وحده او ثنتين شواذ لا أكثر ..
بالعكس المعلمة اللي تعاملهم كبشر محترمين ولهم حقوق وعليهم واجبات اشوفهم يبجلونها لدرجة الغلو !
انا اشوف بعيني معلمات تطلّع صراعاتها النفسية كلها في الطالبات ياشيخه بعضهن حتى سلام بأدب ووقار واحترام اذا دخلت الصف ماتسلم ! وبعضهن من تجي الصباح بس وجهها يسد نفس الطالبات من الدراسة وبعضهن ماخذه الدعوه انا بربي الناس وانا اقوى وانا وانا وانا !!
انا في غرفة المعلمات احيان اسمعهم يتكلمون عن طالبات كلام بينما هالطالبات اشوفهم عاديات جدا وطبيعيات ،،
ومن قالك ان مخرجات التعليم ماتبقى وتأثر ومن قال ان المعلم مايتحكم والمؤثر فقط هم الوالدين ! (انت عصدتي حتى علم الاجتماع كامل وعلم النفس بهالجملة ههههه ) خلاص اجل معناه التعليم والقراءه والصفات المكتسبة والبيئة الاجتماعية و و و و ماتأثر في الانسان ،، يجلس بس في البيت قدام امه وابوه يأثرون فيه ؟!
انا لازلت اتذكر مواقف سيئة من معلمات درسوني !! ولازلت اذكر خصال طيبة من معلمات .. وتعلمت آداب كثييييره من معلمة المصلى اللي درستني المتوسط الله يجزاها عنا كل خير يارب دنيا وآخره ولازلت اذكر اكثر مواقف منحوتة في ذاكرتي وأثرت فيني هي مواقف الدراسه اكثر من مواقف البيت !!؟


انا ماحب النقاش فيما يجب ومالايجب
لكن مهنة التعليم من أسمى المهن في الوجود
حتى الدين كرم العلم وطلب العلم والقائمين على العلم
"ليه ؟! "لأنها تحتاج صبر وضبط وحنكة ولأنك أجيال كاملة تمر من عندك وانت واجبك تغرسين فيهم بذرات الخير عشان ييقدرون يزرعونها في المستقبل وتُثمر ؛!

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

انتي ماتبغي الاستقاله فيلكا
محتاجه الراتب