[QUOTE=Sam_m;3488259]كلمني زوجي امس وقالي بيوم وعدتك بحاجه اسويها لك
تعالي شوفيها

قلتله ايش هي
قال تعالي شوفيها بعينك

قلتله ماني قادره امر حتى من تحت بمكان انجريت فيه زي البهيمه ينحرق قلبي

قال تعالي شوفي بعينك وقلبك وقتها يبرد .. وهد جا بوقته

قلتله مو جايه بعدها ماقال شيء

ايش رايكم ؟ هل هذا يعتبر اسلوب اعتذار ؟[/
شوفي كلشيء ينسكت عليه الا الضرب
خلي ابوك يتفاهم معاه عشان يعرف انك وحده م ترضين ع نفسك المهانه
انتبهي هالمرا موقفك ذَا يحدد مصيرك معاه لبعدين فكري لبعدين مو ف الحظه وبس خليك ع موقفك وشوفي وش بيقول حق ابوك
وقتها عاد , شوفي وش تبين
----------------

__________________
اللهم احفظ لي بنتي فهي فرحة عمري وضحكة سنيني ..

فضفضه ..

احس مو قادره اكتم اكثر من كذا 9 ايام وانا مخنوقه ومقهوره منه لانه ما اعتذر او حسيت انه ندمان او حاول يصالحني نفسي اكلمه اهزئه اعاتبه ايش رايكم تأيدوني ؟

استخيري الله قبل ما تمشي اي خطوة ...

الله يفرج همك يا رب

__________________
أشهد أن لا إله إلا الله و أشهد أن محمدا رسول الله صلى الله عليه و سلم

حبيبتي حطي هالشيء ف راسك ولحياتك قدام
انتي بتعيشي مع زوج طول العمر ف كلشيء يصير الحين لازم تحكمي عليه من الحين
, موضوع الضرب م ينسكت عليه
ياختي الحب يجي ب المعامله الحسنه مو احب واحد مو مقدرني حتى لو زوجي
ف اتصرفي صح , واستغلي الموقف
مثل هالمواضيع م فيه تنازل , ايه الحياه الزوجيه فيه تنازل وتضحيه
بس ف مواقف تكون حلوه حلوه لما أكون تعبانه يكون معاي لما يحتاج شيء كبير اوك أكون معاه مو واحد لا يحترمني ويضربني واتنازل واكلمه
معليش اصبري هالشيء راح يبين حياتك معاه ب المستقبل وتشوفين ردات الفعل
انتبهي واستخيري ربك
فيه أزواج لما تكون بينهم مشاكل وتنازل الزوجه وتناقش معاه ب العكس يفرح
والبعض منهم للاسف يحسبه ضعف منها فهمني ف انتي عارفه زوجك من اي نوع عشان شوفي طريقك معاه
وبعدين وش فيه لو اعتذر وقال معليش معصب مو يعتذر كلام وبعدين لا صار شيء يضرب
ترا انتي زوجته مو مديره ف العمل لو قالك أسف بس بعضهم استغفرالله تخلف يشوفه اسفه حق زوجته ضعف وهالازواج بكثره موجودين ف الله يعينك ويصبر العيشه مع رجال يبي لها صبر مو اي صبر من خالي تجربتي بعضهم ينصبر عليه وبعضهم لا والله

__________________
اللهم احفظ لي بنتي فهي فرحة عمري وضحكة سنيني ..

__________________

لا تكلميه و لا تهزأيه
انتظري

__________________

صارت احداث جديده ..



زوجي كلم ابوي انه بيجيني اليوم وجاني اول مادخل حضني وباسني مع وجهي ويدي وجلس على الكنب واخذني بحضنه طبعا كل هذا وهو ساكت بعدين قالي كيف حالك قلتله طيبه قالي تدرين وحشتيني سكت انا ماقلت شيء وهو جلس فترة طويله ساكت استنى منه يعتذر يتأسف يقول شيء ماقال شيء ابدا بعدين قالي بخاطرك شيء بتقولينه ؟ قلتله ينفع الكلام ؟ قال ينفع ليش ماينفع قلتله تحبني ؟ قال هذي مافيها كلام قلتله طيب ليش تضربني وعلى ايش ضربتني اصلا مافي سبب ولو في سبب مايحق لك تضربني ؟ رجع يغلطني مرا ثانيه وانتي وانتي وانتي مليت من اسلوبه هذا ماحسيت فيه اي تحسن في الوضع او شيء بيتعدل بحياتنا لو رجعت ..

قالي انا اقدر اوصلها للمحاكم واسوي مية مشكله بس ما ابغى امرمرط خالي .. اااهه ياناس غلطططان علي ويهددني بالمحاكم وهذي مو اول مرا مسوي فيها قوي ..

لما شفت كلامه كذا وانا اقول انا خلاص ماعندي كلام اصلا احنا مستحيل نتفاهم ( طبعا كل كلامي كان بهدوء واحترام وماسكه اعصابي رغم طريقة كلامه المندفعه وتهديده بالمحاكم )

قالي يالله اجل انقلعي واقلبي وجهك شوفيلي الدرب !!!!!

قمت وفتحتله باب البيت عشان يروح ( وماسكه اعصابي على الاخر )

قال تبغين بيتك هذاك هو قلت مو جايه ضربني كف خفيف ومسكني مع اذني وقال هذاك بيتك تبغينه تعالي فيه !!!!

هههههههههههههههههه ياجماعة قسم بالله مدري ايش اقول يضربني كف في بيت اهلي بعد 😳😂😂😂

معليش بس جد جاني ضحك من هول الصدمه ومن اسلوبه السيء

اتصلت على ابوي اخبره انه ضربني جا ابوي وكلمه ليش تضربها يحلف بالله انه ماضربني قال انا بس مسحت على وجهها 😳!!!

بعد يكذذذبني بس حسبي الله ونعم الوكيل ما احس فيه نفعه خلاص

وقبل شوي ارسلي بيت شعر ان بعدك عني عذبني وتعبني

انا مصدومه من تناقضاته رغم اني متأكده انه يحبني بس اسلوبه ياناس اسلوبه سسسسسيءلا يطاق

ايش رايكم

احتاج ارائكم بشده بالذات اخواني شاطىء الراحه ولوفي والوحيد

لاني 70‎%‎ افكر بالطلاق

مدري وش اقول صراحه الله يعينك انا تنرفزت من أسلوبه معاك وش ذَا
الله ينور بصيرتك ويعطيك الصبر

__________________
اللهم احفظ لي بنتي فهي فرحة عمري وضحكة سنيني ..

هلا بختي الكريمة ...

انا من جهتي و بحكم خبرتي في قضايا تعنيف الاسرة ، لاني جربتها و عشتها و احتكيك في جمعية حقوق المرأة و خلايا نساء ضحايا العنف ، و نساء في وضعية صعبة ، عرفت تجارب كثيرة غيري ، كنت انا اصنف من اصعب حالات العنف الاسري و شواهدي الطبية تشهد .
اللي اقدر افيدك فيه ، هو ان في بعض حالات العنف اللي تعالجت بالكامل بعد تدخل اسرة الزوجة ( خصوصا الرجال ) بالتعامل مع الزوج بشكل جدي ، يعني يا تمشي الحياة باحترام او نشوف حل !
كثير جدا من الحالات اللي امورها انحلت و اولادهم فازوا بوالدينهم و لله الحمد .
انا كنت من الحالات اللي انضرب ضرب شديد حتى تظهر الكدمات و احيانا كنت ما اقدر ارتاح فنومي من قوة الم الجسم ، ناهيك عن انتفاخ الكلى بسبب ضربة عليها ، و اصابة فعظم الساق بضربة منه لازمني المها مدة طويلة جدا حتى اني شكيت ان فيني شق في العظم بس للاسف ما قدرت اروح للطبيب عشان اتأكد ! ، (فحالتي تعتبر خاصة قد لا تقارن بوضعك و ان كنت لا تستهين بابسط الضرب لانه شرارة العنف القوي ) ، اشتكيته لكل الجهات ، اولهم الاهل، و اخرهم وكيلة الملك و زوجة وكيل الملك ، كان يعاهد رب العالمين و يواعد الوالد و يقسم ، و يشهد الله سبحانه على صدق كلامه ، و وصل انه دعى على نفسه بوجود بعض ناس بقطع يدينه و رجوله اذا مسني بسوء ،و كتب تعهد ووقع عليه ، و ما في اي فائدة ابدااااا.
حالتي كانت خاصة جدا يا اختي ، يعني لا تقيسين نفسك علي ابدا ، كان يوم انضرب و انحاش يجيني يتذلل ذل و الله اني اخجل اوصفه ، ذل شديد جدااااا جداااااا جداااااا معي و قدام خلق الله ، كنت كل مرة اصدق و ارجع و الاقي بعدها الويلات !

خلاصة كلامي لك يا اختي ، انك لا تستعجلين الرجوع و لازم تبذلين جهدك في اصلاح زوجك بتدخل والدك قبل العودة للبيت ، مع الدعاء و الاستخارة ، و باذن الله ربك بيجيب الفرج ..

__________________
أشهد أن لا إله إلا الله و أشهد أن محمدا رسول الله صلى الله عليه و سلم