[QUOTE=Sam_m;3488259]كلمني زوجي امس وقالي بيوم وعدتك بحاجه اسويها لك
تعالي شوفيها

قلتله ايش هي
قال تعالي شوفيها بعينك

قلتله ماني قادره امر حتى من تحت بمكان انجريت فيه زي البهيمه ينحرق قلبي

قال تعالي شوفي بعينك وقلبك وقتها يبرد .. وهد جا بوقته

قلتله مو جايه بعدها ماقال شيء

ايش رايكم ؟ هل هذا يعتبر اسلوب اعتذار ؟[/
شوفي كلشيء ينسكت عليه الا الضرب
خلي ابوك يتفاهم معاه عشان يعرف انك وحده م ترضين ع نفسك المهانه
انتبهي هالمرا موقفك ذَا يحدد مصيرك معاه لبعدين فكري لبعدين مو ف الحظه وبس خليك ع موقفك وشوفي وش بيقول حق ابوك
وقتها عاد , شوفي وش تبين
----------------

__________________
اللهم احفظ لي بنتي فهي فرحة عمري وضحكة سنيني ..

فضفضه ..

احس مو قادره اكتم اكثر من كذا 9 ايام وانا مخنوقه ومقهوره منه لانه ما اعتذر او حسيت انه ندمان او حاول يصالحني نفسي اكلمه اهزئه اعاتبه ايش رايكم تأيدوني ؟

استخيري الله قبل ما تمشي اي خطوة ...

الله يفرج همك يا رب

__________________
أشهد أن لا إله إلا الله و أشهد أن محمدا رسول الله صلى الله عليه و سلم

حبيبتي حطي هالشيء ف راسك ولحياتك قدام
انتي بتعيشي مع زوج طول العمر ف كلشيء يصير الحين لازم تحكمي عليه من الحين
, موضوع الضرب م ينسكت عليه
ياختي الحب يجي ب المعامله الحسنه مو احب واحد مو مقدرني حتى لو زوجي
ف اتصرفي صح , واستغلي الموقف
مثل هالمواضيع م فيه تنازل , ايه الحياه الزوجيه فيه تنازل وتضحيه
بس ف مواقف تكون حلوه حلوه لما أكون تعبانه يكون معاي لما يحتاج شيء كبير اوك أكون معاه مو واحد لا يحترمني ويضربني واتنازل واكلمه
معليش اصبري هالشيء راح يبين حياتك معاه ب المستقبل وتشوفين ردات الفعل
انتبهي واستخيري ربك
فيه أزواج لما تكون بينهم مشاكل وتنازل الزوجه وتناقش معاه ب العكس يفرح
والبعض منهم للاسف يحسبه ضعف منها فهمني ف انتي عارفه زوجك من اي نوع عشان شوفي طريقك معاه
وبعدين وش فيه لو اعتذر وقال معليش معصب مو يعتذر كلام وبعدين لا صار شيء يضرب
ترا انتي زوجته مو مديره ف العمل لو قالك أسف بس بعضهم استغفرالله تخلف يشوفه اسفه حق زوجته ضعف وهالازواج بكثره موجودين ف الله يعينك ويصبر العيشه مع رجال يبي لها صبر مو اي صبر من خالي تجربتي بعضهم ينصبر عليه وبعضهم لا والله

__________________
اللهم احفظ لي بنتي فهي فرحة عمري وضحكة سنيني ..

__________________

لا تكلميه و لا تهزأيه
انتظري

__________________

صارت احداث جديده ..



زوجي كلم ابوي انه بيجيني اليوم وجاني اول مادخل حضني وباسني مع وجهي ويدي وجلس على الكنب واخذني بحضنه طبعا كل هذا وهو ساكت بعدين قالي كيف حالك قلتله طيبه قالي تدرين وحشتيني سكت انا ماقلت شيء وهو جلس فترة طويله ساكت استنى منه يعتذر يتأسف يقول شيء ماقال شيء ابدا بعدين قالي بخاطرك شيء بتقولينه ؟ قلتله ينفع الكلام ؟ قال ينفع ليش ماينفع قلتله تحبني ؟ قال هذي مافيها كلام قلتله طيب ليش تضربني وعلى ايش ضربتني اصلا مافي سبب ولو في سبب مايحق لك تضربني ؟ رجع يغلطني مرا ثانيه وانتي وانتي وانتي مليت من اسلوبه هذا ماحسيت فيه اي تحسن في الوضع او شيء بيتعدل بحياتنا لو رجعت ..

قالي انا اقدر اوصلها للمحاكم واسوي مية مشكله بس ما ابغى امرمرط خالي .. اااهه ياناس غلطططان علي ويهددني بالمحاكم وهذي مو اول مرا مسوي فيها قوي ..

لما شفت كلامه كذا وانا اقول انا خلاص ماعندي كلام اصلا احنا مستحيل نتفاهم ( طبعا كل كلامي كان بهدوء واحترام وماسكه اعصابي رغم طريقة كلامه المندفعه وتهديده بالمحاكم )

قالي يالله اجل انقلعي واقلبي وجهك شوفيلي الدرب !!!!!

قمت وفتحتله باب البيت عشان يروح ( وماسكه اعصابي على الاخر )

قال تبغين بيتك هذاك هو قلت مو جايه ضربني كف خفيف ومسكني مع اذني وقال هذاك بيتك تبغينه تعالي فيه !!!!

هههههههههههههههههه ياجماعة قسم بالله مدري ايش اقول يضربني كف في بيت اهلي بعد 😳😂😂😂

معليش بس جد جاني ضحك من هول الصدمه ومن اسلوبه السيء

اتصلت على ابوي اخبره انه ضربني جا ابوي وكلمه ليش تضربها يحلف بالله انه ماضربني قال انا بس مسحت على وجهها 😳!!!

بعد يكذذذبني بس حسبي الله ونعم الوكيل ما احس فيه نفعه خلاص

وقبل شوي ارسلي بيت شعر ان بعدك عني عذبني وتعبني

انا مصدومه من تناقضاته رغم اني متأكده انه يحبني بس اسلوبه ياناس اسلوبه سسسسسيءلا يطاق

ايش رايكم

احتاج ارائكم بشده بالذات اخواني شاطىء الراحه ولوفي والوحيد

لاني 70‎%‎ افكر بالطلاق

مدري وش اقول صراحه الله يعينك انا تنرفزت من أسلوبه معاك وش ذَا
الله ينور بصيرتك ويعطيك الصبر

__________________
اللهم احفظ لي بنتي فهي فرحة عمري وضحكة سنيني ..

استخيري الله يفرج همك ويصلح زوجك ويسخره لك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه