رغبتك بالمعدد مجرد محاوله للهروب من واقع نفورك وعدم تقبلك لولد خالتك...أعرف هذا الشعور جيداً...اذا ترغبي بمعدد تزوجي بشاب أعزب ثم زوجيه كذا افضل

لو قلت قبلت بالتعدد لأنك حبيته يمكن نتفهم وضعك
أما إنك تتمنين معدد
الصدق لم يمر علي مثل هذا من قبل
يعني سيكون لك ثلث رجل هل يكفيك
سترينه مرة في الثلاث ايام ان كان عادل
وسيكون شبعان من كل شي وعنده بديل
وانت لسا ما دخلتي دنيا
غير ابن خالتك الي حتكوني دنيته
ويبني آماله معك
ومالوش غيرك
ولي سمع مو زي الي شايف
مري على قصص زوجات المعددين وما يعانينه من الغيرة والإهمال
فكري جيدا قبل الأقدام على هذه الخطوة

طيب حبيبتي من بداية الموضوع بيني انه اعتدى عليك يحق لك جدا كرهه وبقوة كمان ليه سكت وماقلت لأمك عن سفالته معاك ..حسبي الله ونعم الوكيل على كل من انتهك براءة الطفولة .
سؤال ويحق لك عدم الجواب عنه هل تم اغتصاب كامل ام مجرد تحرش ؟

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

..

ماذكرته ولانويت لأني حطيت شئ أمشي عليه بعيدا عنه هو، مدري وش أسوي بنفسي تعبت من التفكير حتى لو رفضته ماسلمت!

مع رأي الاخوة

اعطي نفسك فرصة مع ولد خالك
ابعدي عن اللي يتواصل معك بالنت وركزي على كلامك له ان اللي تسويه ما يرضي الله
هو كرجل حاله حال غيره ومتزوج 2

ولد خالك اشوفه شاريك أولها انتقل إلى مدينتك

ماودي اذكر الموقف اللي مريت فيه لكن الفرق اني كنت رافضة والشيخ مُصر ان يرتبط فيني رغم ان متزوج 2 وكان قبل مطلق

وتوقعي لو تزوجتيه يجب لك بعد زوجة رابعة

__________________
يا رب خاتمة حســنة ، وزلفى ، وحسن مآب ..

أسفه اني فهمت غلط .. و ما وضحتي غير بالاخير و يحق لك ترفضيه و بقوه

لكن مثل ما قالوا لك .. تزوجي اخر غير ابن خالتك ..
تزوجي اعزب .. و بعدين شوفي نفسك بعد فتره ..
هل تتمني لسى انك تكوني مع زوج معدد و لا مشاعرك ورايك اختلفوا !؟

و وقتها ممكن بيدك تختاري له و تقترحي عليه

لكن لا هذا يناسبك و لا هذا ..

.
.

و إصري على اهلك رفضك لولد خالتك

الرجل اللي يتعلق بالمرأة من زولها أو من ظلها اهربي منه اهررربي
أخونا الشيخ وش عرف عنك عشان يتخذ هالخطوة العظيمة ويطلبك بميثاق غليظ؟
وإلا كل من كلمته وشكت له من شي أو استشارته حبها وضمها للمجموعة اللي عنده ويالله اللي بعدووو
معليش مو كذا الناس تتعارف وتتزوج.. هذي حياة بتعيشينها بتفاصيلها
بتبنين أسرة مو بتروحين تلعبين ويسمونك الناس متزوجة

مره صغيره على انك تشغلين بالك بالتفكير بالزواج اصبري خمس سنوات في بيت أهلك وبيجيك صاحب خلق ودين إن شاء الله
أما تستعجلين على رزقك وترمين نفسك في هالزواجه ياتصيب يا تخيب غللللط ولا أظن أهلك بيرضونها لك

بكره تشوفين صديقاتك مدلعات سفرات وطلعات وهدايا وحركات شبابيه لا تقولين ما أهتم ماجربتي الوضع، المرأة إذا أهملت عاطفيا انخبلت ولو كانت أعقل الناس
الرجل على عقلانيته قال له الرسول صلى الله عليه ويلم هلّا بكر تلاعبها وتلاعبك
اللعب واللهو بين الشابين مهم مهم وإلا مانصح فيه الرسول

حياه الشاب والشابه فيها من اللهو الحلال والإشباع العاطفي والجنسي في السنوات الأولى شي يجعل نفسياتهم مستقرة ويعينهم بعد الله على التفاهم طول العمر وتأسيس بيت سعيد

أما رجل كبير وشبعان ومشغول يمين ويسار بيذبل شبابك وأنت تلحقين وراه عشان تحصلين حقوقك فقط

اصحي ياقلبي واعرفي قيمه نفسك أنت تستحقين الأفضل
وإذا انشغلتي بزوجك المستقبلي عن طموحاتك اقترحي عليه الزواج وبيفرح لا تهتمين القرار بيدك

الله يصلح حالك ويدلك على الخير

ماتعلق ولا تمعشق ولا استشرته بشئ هو عرض بس
أدري إنه بدري لكن ولد خالتي مسبب لي قلق طول حياتي كنت أسلك لنفسي وأتناساه لكن الوقت كل ماله يقرب والان صاير يزورنا بعد مانقل وظيفته الله يرده لمكانه ويكفيني شره يارب
..

الباقي صادقة بكل حرف قلتيه، لكن متى بعيشه واقعا؟!
متخوفة من الكل والمعدد فكرت فيه لأنه شبعان ع قولتك ومو متفرغ

اللهم امين، الله يفرجها يارب

__________________
للمتزوجين..من يريد منا الذريه فلنستغفر كل يوم وكل دقيقه
من دعاء زكرياسورة الأنبياء..نقول دائمافي السجود(ربي لاتذرني فردا وانت خير الوارثين) وآل عمران(رب هب لي من لدنك ذرية طيبة انك سميع الدعاء) لغيرمتزوجين..من يريد منا الزواج فلنستغفر كل يوم مع الدعاء..نقول دائما في السجود (ربي اني لما انزلت اليي من خير فقير) لطلب الوظيفه والمال وغيرالكثير...فلنستغفركثيرا..دعواتكم لي بالزوج الصالح ولإخواتي المسلمات
اللهم ارزقنا ازواج صالحين عاجلا غير آجل اللهم آمييين

اقتباس:

الأعزب ما أبيه لحاله ما أبيه 24 ساعة عندي وأنا مو طايقة هذا ويمكن مايستحمل ويطلق على طول، بخلاف المعدد المكتفي من هالناحية -العلاقة الخاصة- أحيانا أقول جالسة أحل الغلط بغلط ثاني لكن هذا أقلهم ضرر ! -كنت أقول ماراح أتزوج أبدا وأكره أحد يجيب هالطاري والنفسية تقلب نفس الآن، لما عرفت انه أمر لابد منه حاولت أأقلم نفسي على هذا وقلت بالمعدد لقلة الوقت معه شخصيا وحتى أكمل ما أسير عليه.

ياحلوك يا عرين بريئة !

بالعكس المعدد اللي ما اشبعته وحده ولا ثنتين ولا ثلاث ولا حتى عشرين
هو اللي غرف قلبه خليّة ! ويطلب الاستزاده في كل شي
وفي نفسه هلع ورغبة في النساء
لكن الرجل الطبيعي " مثل ماترغبين انتِ " مع انشغاله بالأولاد والبيت والمسؤوليه والعلم والكبر والنضج في العمر أنه يتوازن أكثر ويركز في بيته وتقل رغبته ويعجبه أقل القليل من زوجته
لكن هذا زوجة وزوجتين وابناء وعلم ومسؤوليه ولازال قلبه يخفق رغبة في النساء ويخطب حتى من خلف الشاشات ،، هذا اللي انتبهي منه وبيزيد عقدة الرجال عندك ومعه بتقرفين من عمرك ومن حتى أنوثتك .. والله اني كتبتلك الكلام طالع من قلبي كأني اناقش أختي واتوقع حرارة كلامي بتوصلك !
مهما كانت ظروفك ياعرين ومهما كانت رغباتك دائماً احفظي حقوق ذاتك ولاتسمحين حتى لنفسك انك تتجاوزينها ،
ابسسسط حقوقك رجل كامل لك مايشاطرك فيه احد وكلنا نعلم ان المعدد له ظروفه وتوافق عليه البنت اذا لها ظروفها الخاصه ايضاً
مادمتِ خارج هالدائرة ليه تقحمين نفسك فيها غصب ؟!

انا اقولك عن نفسي وأول مره اكتبها هنا .. تعرضت للتحرش اكثر من ثلاث مرات وناس مختلفين وبطرق مختلفه والحمدلله كلها سطحية وياجبل مايهزك ريح هههه زادت هالتجربة عندي حب لنفسي أكثر ..


لكن فعلاً اللي تحرشوا فيني أكرههم وأكره حتى تذكر ملامحهم الى حد القرف


قلبي معك

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال