زوجك شخصيته زيي حليييم ويطول مايزعل بس لو زعل الله يعييينك
المؤسف انه كلما اعتذرتي لنا كلما زدنا عناد واحساس اننا مظلومين 😂

افضل حل بالنسبة لي سوي طريقة الرسمي بشرط ماتجلسين عنده وهو يقرا الرسالة
يعني مثلا وهو جالس بالصالة سوي له تركش كوفي وضبطي الصينية وحطي تشوكلت حلو مع الرسالة ووديها له بدون كلام وارجعي للمطبخ سوي شغلك

اتوقع 80٪‏ مارح يصالحك بعد الرسالة بس معليش توقعي هالشيء

اما انتي الله يعوضك خير بسفرتك 😂 دوريلك مسلسل او رواية تقطعين فيها وقتك وخليه متى مابغى يصالحك جاء تتناقشون

__________________
سبحان الله وبحمده ، سبحان الله العظيم

ليش تبغين تنهين الزعل ؟
عشان مصالحك ما تتعطل ؟ سفرات وروحات وجيات
والا لانك عارفة انك زعلتيه بقوة وما تهون عليك نفسك تشوفينه زعلان وودك تنسينه المه وصدمته فيك ؟

جربي طريقة الرسمي
وماشاء الله كتب لك الرسالة كاملة فباشري بكتابتها

اذا لم تنفع
خذي نفسا اطول منه و اذا قال الآن وقت النقاش
قولي له انك لست جاهزة لذلك فاعذرني لم اكن اعرف اني طفلة و غير مهمة بالنسبة لك

نعم الاسلام كرم المرأة. و المرأة لها عقل و تفهم الظروف المناسبة لزيارة صديقتها

__________________

كيف ما اخطأتي ؟؟

خروجك من بيت زوجك من غير علمك غير جائز شرعا ,هذا غير انك كسرتي كلمته , وهذا اكثر شي يقهر الرجال انك تكسري كلمته

وبصراحة تبي تصالحيه عشان تعتذري فعلا ؟ ولا عشان الروحات والطلعات ؟

اذا الى الان مو شايفة انك غلطانة , فهذه مشكلة اخرى والله يعين زوجك

الحل انك تتركيه على راحته فترة نفس ماطلب لاتظغطين عليه.
وموضوع السفره انسيه لين تهدا الامور.

ثلاثة ارباع شخصيتك اشوفها فيني

عموما انا اتوقع مو عشان الطلعات ودك يرضى

هو منعك خوفا عليك وصاحبتك ربي يهنيها لو انك ماعليه بلعتيها وزرتيها بعد الزفاف في بيتها بيكون افضل وبعدها بتواصلي زيارات لها

شوفي شخصية زوجك ما اظن يحب احر يلح عليه للنقاش خليه براحته وجربي الرسالة رغم ان احس مافي نتيجة لكن جربي

وبعدها لا تكليمه ولا تناقشيه انتظري حتى اسبوعين واعترفي له بخطأك لكن مش عنادا فيه وانما شفتي من الواجب انك تروحي تباركي لها في أهم يوم بحياتها وتوقفي معها مثل ما وقفت معك بزفافك

انا مرة راضيت زوجي بمقطع شعر جميل جدا لبدر عبدالمحسن والله جاني ركض قلبتها عليه ههههههههه لان اعرف مداخله
بس زوجك لا ما يرد له راسه اعطيه فرصة يدرس الموضوع عدل

الله يوفقك

__________________
يا رب خاتمة حســنة ، وزلفى ، وحسن مآب ..

أفا يا أبلة دلال...ما توقعتها منج..وإنتي العقل والرزانة ..لكن فعلا لكل جواد كبوة ..يا عزيزتي هذا حق من رب العالمين ..والله زوجي مثل زوجك وأشد ..وأرضخ لﻷمر الواقع ....يمنعني أحيانا من استقبال أمي الحبيبة في المطار(وأمي الله يحفظها تحب هالحركات وان تشوفنا مجتمعين في المطار عشانها إذا جت من السفر) وأقوله ليش ..خلص بدون سبب بس ما في داعي حتى العيال يحبون جدتهم ويبون يروحون وما يرضى ..وأنا عندي سيارتي بفضل الله والمطار جنبي ..وأقدر أعاند وأقول هذي أمي ومش عارف ايش ..بس اختصر وأعوضها فيما بعد وهي فهمت شخصية زوجي..المقصد أبي ثقة زوجي تكون كاملة فيني ..من أمامه ومن وراه...والنتيجة كان يقول ﻷصدقائه لما يسافر شهور ويتركني لحالي وأنا في عز شبابي ..يقولهم والله أثق في أم عمر أكثر من مما أثق في نفسي..صح بعدين خربها لما تزوج بالسر ..لكن رجع لي متمسك فيني أكثر مما كنت أتصور بعد ما جرب غيري...الله يهديك ويلهمك رشدك أبلتنا العزيزة

كان بإمكانك تهنئتها بالتلفون ..وبعدها تزورينها في بيت زوجها..والحلول كثيرة لو أردتي

ههههههه
اسف توني انتبه لردي اني اهاوش😌
وانتم خليتو فينا عقل يالحريم 😂
صدقيني منع زوجك لك نابع من محبتة وغلاتك عندة
والحق يقال انتي اخطيتي شرعا وعرفا وكسرتي كلمتة ولانتي
راضية تعترفين بالخطى بعد 👎
حاولي توددين لة هالايام ودفعي بلتي هيا احسن
حتى لو مو راضي يفتح النقاش البسي لبس حلو و طيحي بحضنة وطلعي دمعتين من الجيب وقولي انا اسفة حبيبي وحقك على.. كلمات
تجبر قلبة المكسور وتعيد المياة الي مجاريها وتعزز الثقة ..ولا عاد تكررينها😠 ودائما خلي
شعارك زوجي وبيتي اهم من صديقاتي👍
عسى الله يوفقكم يارب

__________________
سبحان الله وبحمده سبحان الله العظيم

ابله دلال زوجك نسخة شخصيتي شمالي
تبين الصراحه اللي سويتيه كبير وكبير
وبينرصد لك عنده

انا لووصار شيء يزعلني بقوه
وجيتيني وتبين تنهين الموضوع بسرعه
ماتلقين الى التطنيش والسكوت هذي شخصياتنا يالشماليين

لاكن اتركيه على راحته وخليك طبيعيه ماكان شيء صاير

هو راح يدرس الموضوع بينه وبين نفسه
وراح يجيك ويحاسبك ويعطيك عقاب
وبعدها بيرجع لطبيعته
لان اللي سويتيه موهين بنضره لانه سبق ونبهك

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

زين يسوي فيك ...!
لاتزعلين بيت فيه ناس غير محترمين صعبه صعبه على الرجل يخلي ام عياله تروح لهلبيت امكن الاخت تخرب امكن تتغير ماتدرين ....!!!
وامكن وهذا وارد جداً انه يطل اخوانها من الشباك ويصورونك وانتي بالصالون وهذا حصل كثير ويبصبصون ....!
اتمنى ماتزعلين من صراحتي ...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي