حجابك كان كامل لم تكلميه واخذ حقه من البائع
ماذا يريد اكثر الله يصلح النفوس ربما اتخذ هذا الموقف سببا للتنفيس عن غضب سابق

يا اختي ماله داعي تدافعي عن البايع
واحد مايعنيك وهو مجرد بايع
واذا زوجك غلط عليه فالموضوع بينهم
انتي دخلتي نفسك ليه ماني فاهمه!

يقصد البايع والا مايقصد
مايهمنا.. واحد غريب لا راح ولا جا
مايستاهل تستهلكي طاقتك مع زوجك
خصوصا وانتي شايفته معصب ومتضايق
استوعب لو هو غلطان على احد من اهلك
بس البايع مايعنيك لامن قريب ولابعيد

حبيبتي الصمت بهالمواقف حكمة

الله أعلم ، زوجك اخذها من قلة الإحترام ، يعني أنا أسالك كم المقاس ، تقوم تجاوب بيظبط على زوجتك ، وما إحترمت وجودي ... تصورت الموقف واجد ان زوجك له حق يتضايق ، لكن بالغ انه وصلت للسب و الغضب الشديد ، واغلب محلات القماش اللي يبيعوا فيها رجال ، حتى محلات العباءات و الخياطين رجال ، فلا اعلم صراحه ان كان ما يقمون به من أخذ القياس سواء بالنظر العادي ، او استخدام المتر مثلا جائز .. تكمن المشكله في مبالغة زوجك .

ليس لك اي ذنب
والبائع لا اظنه يقصد خرجت الكلمة عفويا من فمه
خليه يهدا ويطيح الي براسه لان ردت فعله مبالغ فيها

سمورة إلي صار صار..

صحيح الأمر مايستاهل وغلط.. لكن بالأخير زوجك مقتنع ان البائع تحرش فيك.. لذلك عصب بهذا القدر.. اذن كلامه كلو كان غير مقصود كلو من الغضب الهائل..

أول شي، ارجعي بيتك.. ارجعي بيتك ما افهم ليش بعض الحريم على اي شي بتروح بيت اهلها،، لا غلط،، بكره بيتعود على روحتك وغيابك وماعاد تفرق معو..

وشوفي هون كم وحدة راحت تزعل فترة بيت اهلها فبيكبر الجفا وتبرد مشاعر زوجها ويتصير قاعدة بالشهور ومافي حماس من زوجها لترجع.. اسمعي الكلام..

ما اقول ما تزعلي.. بس ازعلي ببيتك،، وانتي قدام عيون زوجك،، وقعها أقوى حبيبتي.. واذا اعتذر، اقبلي اعتذارو واطوي الصفحة.. لانه زوجك عنيد ماراح يعتذر ثاني،، مين بيحلها بعدين

الله يصلح أحوالكم

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

مرحباً أختي

إذا تبين رأيي الشخصي

أنتِ غلطانة في بداية الموقف

تصرف البائع هناك من يفهمه ويتقبله وهناك من لا يفهمه ويتقبله

والتصرف الذي فعله زوجك يعتبر بينه وبين البائع والأصل أنه كان غيره على عرضه ( طبعاً لا يفهم هذه النفسية إلا الرجال أما النساء فبعضهن قد يراها عادي أو مبالغة )

والمفترض .. إما أن تسكتي وإما أن تشكري زوجك في أن تصرفه كغيره عليك محمود ثم تقترحي أنه لو تركته من البداية وطنشته لكان أفضل عشان زوجك لا يزعل نفسه وأن نفسيته وصحته أهم

أما أنك تكرري على زوجك لومك وتصرفه السئ مع البائع فهذا ما أثاره أكثر ضدك .. ( أما مسألة إيش كانت نيتك وماتبغي زوجك يظن بالسوء أو يقطع رزق الرجال ) فهذا داخل قلبك وزوجك لايعلم إلا الظاهر من كلامك

وأما شتمه لكِ أو تجاوزه حدود الأدب .. فهذا غلط منه وعليه أن يعتذر وألا يعودها

وأما الصراخ أمام الأولاد فالظاهر أنه كان غير مقصود ولكن ربما ثورته أعمته عن وجود مشكلة أمام الأبناء وإهانة الأب للأم

أخيراً
الحل .. أن تتناقشي مع زوجك وكل واحد يكون صريح في نسبة الخطأ والإعتذار لبعض والوعد بعدم التكرار


والله أعلم

سموره حبيبتي استهدي بالله ماكان مفروض تروحي لاهلك الموضوع بسيط
تدرين ياسموره زوجي فيه غيرة الدنيا كلها
انا مازدتها بالعكس طفيتها
كانو يقولون لي خواته بداية الزواج الله يعينك عليه
لما اشوفه غار من شيء كنت اعزز له
وقوله اعجبتني وكبرت بعيني و بعد مايهدا وتروح ثورة الغضب اللي الشيطان حاضر فيه اسولف معاه واخذ بخاطري عليه
وكان يقولي صادقه وراح اخفف منها
موقف مره كنا بمنطقة اخته
واخذناها معانا لسوق
وصار موقف مااحب اذكره بس ولاربع
موقفك وبغت تصير هوشه
لما ركبنا السياره كنا ساكتين
قالت اخته تبي الصراحه يا....تقصد زوجي
لوكان زوجي بنفس شخصيتك ماقعدة معه
دقيقه الله يعين فلانه تقصدني
قلت لها والله لو فيه مليون رجال مااستبدله بفلان وذكرت اسم الدلع لزوجي
بس هو ماشاء الله بادي يتحكم بغيرته
الحمد لله الان خف بكثيييييير
بعض المشاكل ياسموره نحتاج

نتصادم معاها عشان تنحل وماتتطور

والبعض

تحتاج نسايرها عشان تخف وتعدي على خير

لو احتويتي غيرته ياسموره
وماناقشتيه وعززتي الجانب الرجولي فيه
ادري بتقولي
انا كنت هاديه
وماتكلمت بكلام يزعل
بس هو يستنى الكلمه منك
عشان يخرج اللي جواته
وبصراحه بداية كلامه ماعليه غبار

بس لما شافك تدافعي عنه
ثاروسب لاتنسي الشيطان حاضر


استعدي بالله اخيتي واخرجي مبلغ لصدقه
واستغفري
وارسلي لزوجك
اعتذار بطريقه ذكيه

زوجك غيرته مرضييية
من البداية ماحطيتي حد لغيرته عشان كذا تجرأ عليك وسبك بالكلام هذا مدري كيف راح يحترموك اولاد بعدين وهم يشوفوا ابوهم وقدوهم يتصرف كذا
ابد لاتستهيني بالموضوع لازم زوجك يتأدب على قلة احترامه لك صراحه الكلمه قوييييه
اكتشفت انه النساء عندهم طاقة تحمللل كبييره صراحه تتحمل مدري عن نوعية مشاكلك ولاشخصية زوجك بس اللي شفته من مشكلتك معاه انه مستوى النقاش عندكم متدني جدا ومافي احترام
الله يعينك ياربب

ما اشوف ان زوجج غلط بشي بصراحة راعي المحل عيونه زائغة وقليل أدب

على الأقل المفروض يحترم زوجج ويسال عن المقاس بس ما يقول بيناسب المدام

ويع على بعض البائعين يلوعون جبد الواحد


وانتي الله يهديج بعد زدتي النار حطب جان سكتي ولا قلتي ولا كلمة

__________________
لا اله الا انت سبحانك اني كنت من الظالمين

انا مارحت بيت اهلي عشان اللي صار ... رحت بعد السب والشتم ... كيف ارجع لبيتي مستحيل بعد كلامه هذا ارجع مستحيل ... حتى مافكر يعتذر عن كلامه من أمس الى اليوم رسالتين فقط ... رساله شتم وبعدها متى بترجعين ..؟ يعني انا ماعندي كرامه ! ..

اخي الرسمي . صح انا غلطت بس ماكان يستدعي انه يسبني ويتكلم عني ... قبل كم يوم صار موقف ... واتهمني نفس الشي ... كنت ابغى اتكلم وادافع عن نفسي ماخلاني يقول خلاص اسكتي مابغى اسمع ... ومشيتها له ... بس هالمره لا .. يسب ويشتم وانا اعتذر ؟؟ لا صعبه ... ابغاه يتغير لازم يتأدب ورجعه مارح ارجع ..


توتي لا مو بسيط .. زوجك يمكن غيرته طبيعيه .. بس زوجي غيرته تدخل فيه الشك ... ويختمها بالسب والشتم.. اما اعتذار لا ..

__________________
-

فأجبر خَاطري .. بفيّض نعَمك ❤ ....