ايوه خليه يلعب العاب طبخ وشري شوي جيبي له العاب مكياج وبعد سنين ( بعيد الشر ) واذا الله اعطانا عمر تجي زوجته هنا وتتشكى زوجي ما يقربني ويراسل اولاد

ما ادري انتي مو مستوعبه والا تفكيركم كذا يا نساء .، جيبيله كوره يكسر النجف سيارات يفحط فيها بيدع هذي العاب الاطفال اللي يطلع ويصير رجل لكن مطبخ بالله اش تبغي تنمي فيه ميول

زوجك على حق وتعاملك معه جانبه الصواب
مختصر الرد
خسارة 400 ريال ولا خسارة زوجك ..
لو لديك القدرة الماليه بأمكانك أهدائها لأي بنت من أقربائك
وشراء لعبة تناسب أبنك وعمره أو أطلبي من الزوج شرائها

__________________
‏عابرُون و الدّنيا ليسَت لنا
‏سنمضِي يومًا تاركين خلفّنا كل شَي
‏ربناّ اختمْ حياتِنا بعمل صَالح نلقّاك به

ماأأيد بصراحه انك تشتري العاب بنات للولد حتى لو انها ممتعه...ليتك جبتي له شي يناسبه افضل

هو يمكن زعل عشان اللعبه بحد ذاتها ... او زعل عشان خذيها بدون شوره وبمبلغ وقدره ..

بكل الحالتين الموضوع مو مستاهل .. خذي لعبه ثانيه وهذه اللعبه اعطيها اي حد من اهلك عنده بنات صغار وانتهى الموضوع ..

وثاني مره خذي للولد العاب تصلح للاولاد .. تبغينه يطلع طباخ في المستقبل والا شو ؟؟

بختصار اللعبه دي مشهورة عند الأجانب وولدي شاف مقاطع كثيره عنها والأولاد يلعبوا فيها

وهي طبعا مخصصه للأولاد فيها فرن تطلع صوت و صاج و ملاعق وصحون و صلصال اذا يبغى يسوي اكله سواء لحمه او خضار وفيه الأجهزه اللي تخلي شكل الصلصال ع الشكل اللي هوا يبغاه ..
وبعدين مسأله انو الطبخ للبنات دا الشيء انا مو مقتنعه فيه نهائي ..
في كل دول العالم الرجال يطبخ و يبدع في الأكل الا عندنا الرجال مدري ايش شايف نفسو ؟!! يحسب شغل البيت الطبخ والكنس للبنات ؟؟؟
وبعدين صراحه انا مدري ايش دخل المكياج بـ ألعاب الطبخ !!!

وبالعكس انا ابغى ولدي يطبخ و يشتغل ويخدم أهله في البيت وبرا البيت ويعتمد ع نفسو ..

هذا ما جرى عليه العرف .. يعني تغيير النظره هذه شي شبه مستحيل

السلام عليكم ورحمة الله وبركاته..

مع ريتاج العزيزة، المهم الجانب التعليمي وكمان نوعي معه في اللعب


القوامة ليست خشونة

أما الطباخين العالميين كيف نمت موهبتهم؟!!

هذا الأمر لا يؤثر في تفكير الطفل مادام أساس التربية صح..

برافو عليك أما زوجك س يرضى المهم لا تعانديه في الكلام حاولي تمتصي غضبه وحاوريه لمن يكون هادئ..

تصدقي نفستيني أشتري لعب وألعب لسه مازال وقت العمر ما راح ..

ماشاء الله تبارك الله واضح طفلك ذكي الله يحفظه أعطيه بوسه مني..

المشكلة ماتكمن في قبولنا للعبه او لا...مع ذلك بقول رأيي كرجل, اللعبه جداً عاديه!

طبعا المشكله في قبول زوجك للعبه وليس نحن!

أنا انصح تهدينها الى قريباتك او تعرضينها للبيع.

ولكن أبداً مانصح تخبينها وتخلينه يلعب بغياب زوجك! الموضوع هو المصداقية ابدا مو موضوع عناد او قهر للثاني!

من رأيي اشتري له لعبه فيها تفكيك وتركيب وتكون مثلا سيارة او طيارة وهكذا, فقط لاجل تتطابق مع تفكير زوجك.

موفقه...

أنا بنت وأشوف زوجك على حق
تعرفي ايش المشكله؟
ممكن الولد نفسه لما يكبر ويختلط مع الأولاد يلومك ويكره اسلوبك في التربية
الولد يتفاخر بين الأولاد بذكورته
والبنت بأنوثتها
لو بنت تحب السيارات وأهلها عطوها وجه وجابوا لها كل أنواع السيارات بحجه إنه البنت طبيعي تسوق في كل بلاد العالم بعدين خالطت صديقاتها لقت اهتماماتهم جدا مختلفه بتكون بينهم العربجيه وحيتعزز عندها هالشعور ويكبر معها لما توصل مرحله تكره نفسها وتقول الله يسامح أهلي كنت طفله ياليتهم علموني على النعومة بدل ما أنا بهالشكل

الولد يطبخ والبنت تسوق لكن كإهتمام وتربية كل واحد يحتاج يعزز عنده اهتمام مختلف

الولد محتاج كوره كتب علميه تمارين كاراتيه أشياء تقوي ثقته بنفسه وتخليه يفخر بقدراته بين أقرانه
مو نسيره وهو صغير ويتفشل إذا كبر

وعلى فكره الرجال راعين البر والكشتات والمرجلة طبخهم لذيذ رغم إنهم ماتربوا على هالشيء

أنا أتفهمك لو الولد متوفره له كل الألعاب في البيت إلا هاللعبة
أو عنده أخت فجبتيها لهم جميعا

الله يصلحه ويخليه لك
ويجمع بينك وبين زوجك على المحبه والموده

واضح عنادك في التفكير ، و لدرجة انك رديتي على اللي أيدوكي فقط

عموما الموضوع ما يستاهل الزعل ، و زوجك زعل من طريقة ردك عليه ..

هو ولده و ولدك ..

مو معنى اشتريتي اللعبة من فلوسك ، يعني زوجك ماله الأحقية بالتدخل في طريقة انشاء ولده و تربيته