المشاركة الأصلية كتبت بواسطة نوني الحزينه25

ام راشد

/

لا تسألينه تحبها او لا لانه بيكذب
مافي اكذب من الرجال المزواج
خليه وريحي راسك
تعاملي بالمعطيات اللي بيدك
هل تشوفينه يحبك فهو يحبك
اهم شيء اعجبني انك ناقشتيه عن حقوقك
لا تسكتين عنها

المشاركة الأصلية كتبت بواسطة خاله بيتا

ان راشد ممكن تسالي نفسك يحبني او لا وممكن تحاسبي على مشاعرك لانه جرحك بزواجاته لكن انتبهي تبالغي بردة فعلك بحيث تخسري كل شي بسبب شعور .

يا خاله لحين تشوفين ردة فعلي مبالغ فيها على كل الي يسويه بالعكس يا خاله انا اجوف بعدني ما سويت حاجه بس حدي ازعل واتهاوش وبنهاية يسوي الي يبيه

امس سالتيني عن موضوع اشراقة وقلت لج ما شفته .. اليوم قريته واتابعه وفهمت ليش سالتيني عنه .
تشوفي تشابه بين مشكلتك ومشكلتها .. وفعلا في تشابه بس مثل ما انك تلاحظي النقاط اللي تناسبك برضه انتبهي للنقاط الثانية ... ولو سالتي اشراقة بتقولك ان علاقتها الخاصة بزوجها ماشيه بما يرضي الله .. تعطيه حقه وتعف نفسها بالرغم من انه علاقتهم اكيد كانت اجمل وافضل قبل ان يتزوج .. يعني تاثرت علاقتهم الخاصة لكن الى حد ما .. خل نقول باقي منها 70 او 60 بالميه .. مو 20 بالميه .

انا العلاقه الخاصه هذه الحاجه الوحيده الي اقدر اعاقبه فيها لانه هو مب محتاجني بشي ثاني مع انه انتي تدرين اني حاولت اعطيه مثل ما يريد ويتعدل وياي كم يوم وبعدها يرد لاسلوبه
انا صح ادري انه بعدني ما قدرت اعطيه مثل ماهو براسه لكن انا مرتاحه لجيه ومب محاسبه لانه عنده غيري بدال الوحده ثنتين

المشكله انه انتي اول احد خسرانه .. ولا زلتي تخسري وانا كلي حزن وخوف عليكي اذا ما غيرتي طريقتك بحل المشاكل .
خسرتي جزء كبير من حب زوجك .. وخسرتي امه مع انها كانت تحبك ...

ليش تشوفيني لحين خسرانه ترى يا خاله من بداية زواجنا وانا خسرانه وانا مابي هذا الحب اذا جيه بيعاملني

وخسارتك لكل واحد فيهم تكلفك حياتك لانك معتمده عليهم بشكل كامل .
ما دلتك خسارتك هذي انه الاسلوب كان غلط ؟؟



ظرفك مختلف عن اي احد لان مافي احد مثل الثاني عشان نمسك مشكلته ونمشي فيها نقلدها ..
لازم تنتبهي للاختلافات وما تقارني بس جزء من هنا وجزء من هناك وتتجاهلي الباقي . علاقتك بزوجك ووضعك انتي فيه اختلافات كثيرة عن اي احد .
اذا مو حابه تناقشي تفاصيل مشكلتك بكل تشعباتها فهذا حقك .. خذي الجواب عن علامات حب الزوج وناقشيها
واسالي بعدها السؤال الاهم .. كم لازم تتاثر علاقتي بزوجي اذا شعرت انه يحبني حب تملك ( ولو انه في ناس مب محصله ولا حبة حب من اي نوع وتبا حب تملك )


خاصة وانه خيار الطلاق غير وارد ورافضتيه .. هل معقول ارفض الفراق وبنفس الوقت اظل رافضه واقعي كمان وما احاول اتاقلم معه .. ما قلنا تاثلم كامل ولا عشق وهيام .. بس حياة طبيعية على الاقل .

من قالج انا رافضه طلاق بالعكس مليون مره اطلب منه هالشي
يا خاله انتي تشوفين حياتنا هالحزه طبيعيه عشان احاول اتاقلم

زوجك يطلب منك ما تتواجهي مع ضرتك جدام الناس وان تتركي له الامر وهو فعلا سبق وتصرف واخذ لك حقك .. ليه مصره على اسلوبك مع انه حتى قريبتك اللي تحبك نصحتك انه تتركي الموضوع له . وما رضت لك الاسلوب اللي خذيتي فيه حقك .

انا قلت له هالشي البارحه انا مستعده اسكت عنها اذا غلطت بحقي جدام احد ولكن بشرط تاخذ حقي منها انت جدام ناس
مب هي تغلط عليا جدامهم وانا انطم واسكت لها واترياك انت بينك وبينها تخاسبها قبل كنت اسكت لها صح بس لحين لا حسبتها اذا سكت عادي باجر تغلط عليا وبنتي موجوده

مش الواحد لما يجرب طريقة وتكون نتيجتها سيئة يقوم المرة اللي بعدها ما يعيدها وانما يجرب طريقة ثانية ... ما ينفع اكرر اسلوب تعامل ما جاب لي النتيجة الطيبة

المشاركة الأصلية كتبت بواسطة أم راشد2

صح بعد على سالفة امه هي ما تحبني انا لا ودليل هي ما تكون عدله وياي وتحبني غير لما تجوفه هو راضي ومستانس غير جيه تقلب عليا ومع اني انا لا ارمسها ولا انزل عندها ومع هذا تاذيني
وانتي شفتي شنو سوت فيني لما كنت بسافر مب اخذت عيالي وسارت بيت ولدها الكبير ولا طاعت ترد وهو وعمي حاولوا فيها وقالت لهم اذا تبا تشوف عيالك تعال عندي وشوفهم وخلتني احوفهم بس كم ساعه نفس يوم سفري وهو ساكت اونه مب قادر عليها

المشاركة الأصلية كتبت بواسطة خاله بيتا

ام راشد اكتب براحتي وللا بتزعلي ؟

المشاركة الأصلية كتبت بواسطة عذاري1234

كيف حالك ام راسد وكيف عيالك
انصحك وبشده نحجزين عند المستشاره ناعمه الهاشمي عندكم بالامارات انسانه ذكيه وحكيمه وخبيره لاتفوتك