ما أعرف .. أنا عندي دوام وماأرجع الا بعد الظهر وأنام لقبل المغرب .. وزوجي مايرجع من الدوام إلا قبل المغرب..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

يا أختي اعملي بأصلك وزين اللي سويتي ..خليهم يجوا وقومي بهم وقابليهم وأحسني ضيافتهم صدقيني اذا شافك سويتي كذا مع أهله
هو بيخجل من أهلك وبيعاملهم أحسن معامله ..وانتي بعد صيري مثله أمك وأبوك خليهم الأوليه في حياتك...ومو لازم اهله يناموا في غرفتك ..اذا عندك غرفة فاضية في البيت جهزيها من أحسن مايكون وخلي أمه وأبوه يجلسوا فيها وانتي لك غرفتك ..وجيبي شغاله تساعدك بعد وصدقيني كلها أيام ويرجعوا ولكن راح يتذكروا طول عمرهم حسن معاملتك ..في النهاية مالنا الا الذكر الطيب اذا رحلنا عن هذي الدنيا..

ابوي متوفي .. وأمي اسأل الله إني يرزقني برها ورضاها .. أما هو فالبيت بيته يستقبل فيه اللي يبي .. ويجلس وين مايبي .. أنا ان شاءالله بقوم بأصلي وأخلاقي سواء خجل من تصرفاته مع أهلي أو لا .. براحته..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

رغبتك بالتغيير ممتازة ، اهنيك عليها
بالنسبة لنومهم بغرفة نومك (انا ماراح ارد على الردود اللي علقت ع هالنقطة)
لكن بقولك شي من واقعي
عندي بنت خال امي صدفة صار لزوجها عمل
بنفس المنطقة اللي انا ادرس فيها بعيد عن اهلي
و رحت انام عندها امس ع اساس تغيير جو
و طبعا ك ضيفة توقعت يحطوني بالمجلس او الصالة
تؤمنين بالله خلتني انام بغرفة نومها هي و زوجها
و طلعوا ناموا بالصالة هي وياه !
انا للحين و انا اكتب مو مصدقة اللي صار
حتى كلمت امي و انصدمممت من كرم ضيافتهم

اذا قمة كرم الضيافة عندكم انك تحطينها بغرفتك
ترا والله ماراح تنساها لك ، و كل شي عند الله محسوب
و اتوقع هذا هو الاحسان في اكرام الضيف

اشكر اختي صاحبة السعادة ع ردها
الحمدلله ان ربي ارسل لك ناس يذكرونك بالله
يا صاحبة الموضوع

اخيرا لي تعقيب ع رسالتك لزوجك
احس فيها نوع من النكد و الاستفزاز و الدراما
انا اصدقك القول .. تخيلت نفسي مكان زوجك
راح يقل مقدارك عندي و اقل شي راح تستفزيني
و الشخصيات اكيد تختلف
لكن المقصد اختاري كلماتك بعناية
و ابتعدي عن النكد و الاستفزاز .. اسلوبك جدا مستفز و يغم.
اتمنى تعتبريه نقد بناء.
( اذا حابة ابين لك مواطن الخلل بالرسالة انا مستعدة)

على فكرة ترى البيت كله غرفة نوم وصالة صغيرة ومجلس .. وأنا بجهز المجلس نجلس فيه وغرفة النوم حتكون لأمه بأذن الله..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ما شاء الله عليك ... ايي هذا هو التصرف الصحيح

روحي اليوم اشتري مفرش جديد للغرفة و قبل وصولها بخري الغرفة و عطريها
و فرغي خزانه ولا الدولاب ... تحط اغراضها فيه
و عليك بالابتسامه و كلمه هلااا
لا تفارق شفاتك ... المثل يقول لاقيني و لا تعشيني

ترا ان قصرت يومين و ان طالت أسبوعين
لكن ذكراها بتم طول العمر و الكل بيشيل فضلك و يذكرها لك للممات

بالنسبة لشغلك ... انصحك
خذي إجازة لو يومين تهتمي بضيوفك و عقب خلي الشغالة تهتم فيهم
و عذرك موجود انتي موظفة
لكن حلو انك تاخذي اجازة و تتفضي لهم هاليومين ... يا انها بتكبر قدرك عندهم

وقومي بواجبهم لانهم اولا ... ضيوفك في بيتك
وبنت الأصول ما تقصر عن ضيوفها
و ثانية اهلك و اهل زوجك ... و لوجه الله و مهما كان بينك و بين زوجك
من مواقف سابقة .... هنا ماله علاقة لان الناس ضيوف في بيتك

حتى الدوام ان ما اعطوك اجازة ... غيبي يوم و الله يعوضك خير

بالتوفيق ... وان شاءالله نسمع اخبارك الطيبة

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

منتبهين؟

البيت كله غرفة نوم وصالة صغيرة ومجلس.

لما أم حد فيكم أو أبوه يجون يزورونه في بيت بهالمساحة .. وواحد فيهم مريض (حتى لو كان زكام أو برد) وين بيحطهم بالضبط؟

نتكلم عن أمه وأبوه مب عن أي حد ثاني .. يعني إحنا ما نتكلم عن أخت أو أخ أو عم أو خالة ... مع إن حتى مع هذول العمر والمكانة لهم اعتبار ..... بس خلينا نحصر كلامنا في الأم والأب عشان نكون دقيقين أكثر.


ومع احترامي الشديد .. إحنا نتكلم عن ناس طبيعيين المفروض إن أحبه ما شافت منهم شي سلبي أو عظيم .. اللهم إلا أنها ما تأقلمت معاهم .. وهذه مب بالضرورة غلطتهم .. ولا تستحق إنها تتوتر هالكثر من فترة مؤقتة بيقعدون في بيتها.

فمب من الإنصاف إن إحنا نقيس على أهل زوج سيئين بالفعل ويسرحون ويمرحون في بيت زوجة ولدهم ويتعبثون في أغراضها .. أو على زوجة بيتها كبير وعندها غرفة منفصلة للضيوف وبالها مرتاح من هالناحية.



أغراضها وملابسها وعفشها مشكلة في هالكم يوم؟

يعني هي لما تسافر مثلاً تشيل كل أغراضها وملابسها وعفشها وإلا تاخذ الأساسيات فقط؟

__________________


اللهم طِيبَ الأثر .. وحُسْنَ الرحيل.

لو زوجك يشتري سرير لامه في المجلس افضل
من غرفة النوم خاصه انك تدوامين و تحتاجين اغراضك من الغرفة
ما بيكون الوضع مريح لك و لها

ان كان بامكانك تجهيز المجلس لهم يكون احسن حتى يكون الجميع مرتاح انت وهم
جلوسهم في غرفة نومك سيخلق نوع من النفور اتجاههم كل مرة ياتون لزيارتكم فمن الافضل تجهيز المجلس لهم بشكل جميل ومريح

يعني زوج أحبه أكّد على إن أمه بتنام في غرفتهم .. نقوم إحنا نقول جهزي لها المجلس؟!!

__________________


اللهم طِيبَ الأثر .. وحُسْنَ الرحيل.