تصارحت مع زوجي وليتني ما ناقشته
كنت هاديه جدا وهو كان يسولف بعدين فتحت معه الموضوع عن احتياجي له وسألته اذا فيه شي بدر مني ودفعه للجفاء معي قال: تطمني اغلب البيوت مثل حالتنا قلت: انا يهمني بيتي وزوجي مو الناس! هو هنا تغير صوته وشكله وقال: انا مشكلتي حقود ما انسى قلت له ايش قصدك!! قال: ارجعي شوفي ايش فعلتي معي قبل كم سنه وطلع لي قصص قديييييمه مقفلينها من زماااان وكلها كان هو الغلطان فيها وانا كنت اروح زعلانه بيت اهلي انقهرت وبكيت قلت له حرام عليك هذا اخر شي كنت اتوقعه.. انك تحقد علي!! قال: ماهو على كيفي هالشي غصبا عني.. وانتي معززه مكرمه ببيتك قلت: اي عز وكرامه!! قال: كل شي تطلبينه يجي باشاره منك قلت: والاشباع العاطفي والجسدي؟ قال: لا انا شبعان ولا انتي! قلت: والحل؟ قال: خلاص تورطنا وتكلبشنا وانا سلمت امري لله قهرني كلامه وبكيييييت مدري كيف صارت حياته معي مجرد قيد جرحني جرحني جرحني ولما شافني ابكي قال ماله داعي النكد اخر الليل!! وقال: انتي لو ذكيه كان عرفتي اني كنت راح ارضيك اليوم يقصد انه كان بيجامعني سألته: وكيف تعاشر وحده حاقد عليها؟ تجامل يعني؟ قال: لازم نجامل عشان الحياة تمشي! انا هنا تركته ورحت غرفتي وجلست ابكي عالسرير جاء لحقني وقال مافي شي يستاهل خلاص قلت له هاينه علي نفسي.. ماتوقعت اسمع منك هالكلام قال: هذا ذنبي يعني لما صرت صريح معك قلت: حياتي معك طلعت كلها كذبه ومجاملات قال: حتى انتي تمثلين وتجاملين ومو مقتنعه فيني اصلا قلت: لا والله عمري ما مثلت، لو ما احبك ماطلبت قربك قال: طيب خلاص روحي امسحي دموعك ونامي مارديت عليه وهو نام بالغرفه وانا بالصاله اكتب لكم ودمعي على خدي الحين اتضحت الصورة.. الطلاق هو الحل الوحيد بس خايفه على بنتي وشايله هم اللي ببطني يارب رحمتك |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|