الي بيتزوج لا يبحث عن اعذار في زوجته خاصه عذرك انها ماملت فراغك ......................


خلاص تقول انا رجل قادر مالياً وجسدياً وابغى اعدد ايش المشكله ....

تذكرت موضوع لاخي في الله ..ان المرأه السنعه هو اللي يعرس زوجها 👍
عطنا امثلة لحل موضوع فراغك غير الزواج ؟!
يعني شالحلول الثانيه ..
سافرتوا مثلاً لوحدكم ..
كلمتها بصراحة ومناقشة بموضوع فراغك ووش كان ردها ..
حاولت تجذبها لك تشاركها يومها مواهبها سواليفها .. وووووو
:
:
:
اممم لو طلبت الطلاق ..وش رايك
اممم لو اطلبت الانفصال .. وش رايك
متحمل كل النتايج مهما كانت حتى لو كان طلاق وانفصال
ممكن تروح لاهلها وتترك العيال عندك وممكن تاخذهم حسبت حسابك ولا لا
لان الحريم مو مثل بعض اذا شفت مرة فلان صبرت وبقت في بيتها ماتدري هل باقيه صوره عشان العيال ولا بحقوق وهل هي سعيده ولا لا ..
اصابع يدك مو وحده .. لاتقول مافي حرمة تطلب الطلاق بس تهدد لا هني بالمنتدى اذكر وحدة تطلق لانه تزوج عافته نفسها .. وماتقدر تتقبله وتعطيه حقوقه ..
تتوقع لو قبلت وجلست وعطت حقوق تتوقع تكون مثل الاول عندها والقلب والنفس صافيه لك ومكانك ماتزعزع وبقيت اب للعيال وبس غيره حق واجب بس ..
تتوقع لو حست هي بالفراغ العاطفي وماعاد تملى قلبها انت وش الحل برايك ؟!
امممم قريت عن مشاعر الزوجة الاولى ولا لا ؟
اممم قريت في عمرك كله لزوجة اولى وسمعت منها اش شعورها قبل وبعد وتجاه زوجها كم مره راودها الطلاق والانفصال هل هي سعيده ولا لا تمشية حال بس
كيف هي الغيره هل يستاهل كل ذا ؟!


فكرت في عيالك في نفسياتهم ولا لا تتوقع بيتاثروا انك تزوجت ع امهم ولا لا
ماخفت ان ممكن تهدم بيت وتبني بيت ويتشتت عيالك
لاتقول ماينهدم هذا الموقف مو رايك لوحده رايها هي ونفسيتها
قد تبقى لكن ممكن يتاثروا بامهم ونفسيتها وينهدم البيت وهم في بيتك اقصد النفسيات والاجواء والتشتت يصفك ولابصفها تتوقع بتكون قلوبهم صافية لك
اذكر احد الاباء يشتكي بعد زواجه بانه اصبح كالغريب في بيت زوجته الاولى واولاده منها هذا وهم عنده وماتطلقت
ابحث وتلقى قصته
:
:
:
اممم قريت عن العدل في ايش بالظبط
تتوقع عندما امر الله بالعدل ووضعه شرط انه سهل
سمعت بالتابعي اللي توفوا زوجاته مع بعض واحتار كيف يدفنهم
قريت عن عدل النبي طبقت حياته وتصرفاته مع زوجاته مع زوجتك بالاول عشان تطبقة بعدين
قريت حديث النبي صلى الله عليه وسلم (( من كان له امرأتان أو اكثر فمال لأحداهما جاء يوم القيامة وشقة مائل ))
تتوقع العدل سهل ؟!!!
تدري لو ماسمحتك زوجتك في الوقت ولا الريال تحاسب ولا لا
:
:
:

اممم ممكن تعدل وممكن لا مااحد يعلم الغيب
فكرت باخرتك ولا لا
فكرت بالاية ((حَتَّى إِذَا بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ)
فكرت في الاية (( والباقيات الصالحات خير عند ربك ثواباً وخير أملاً ))
فكرت في كل ذا ولا لا
:
:
ولا بس رغبة وهزك الشوق ومافكرت في كل ذا

موضوع سبب لي كآبة..
طبعا فكرت بنفسي
زوجي يحب الاطفال وأصررررر احمل واجيب 3 ربي يحفظهم..
والان يتضايق من انشغالي بهم..

طيب من المسؤول عنهم السنا نحن

اتضايق حينما يطلب مني ان (اصرفهم)
الى اين؟!ومن سينتبه لهم؟!واهلي واهله رافضين تحمل مسؤوليتهم وﻻ الومهم فهم اطفالنا وليسوا اطفالهم..

الذي احب ان أوصله..
لماذا نعيش على الخبط عشواء وبدون تخطيط ورؤية مستقبيلة..
ولماذا مجتمعنا يحمل الزوجة 80%من مسؤولية الابناء..
لو اخذوا وقتها بحث الزوج عن اخرى بدلا من ان يساندها ويجلب لها من تساعدها لتتفرغ قليلا له...

ويلوموني ليه مااحب اجيب بنات..
مو كره للجنس
بس للعنصرية الجنسية اللي عايشها المجتمع..


بالنسبة لك صاحب الموضوع من ردودك الرغبة بالزواج عندك لاعلاقة لها باي شي من حياتك واااضح انها رغبة بدوافع داخلية
وربي يكون مع ام عيالك يااارب

2 من أعمامي عددوا و قبل زواجهم حاولو في عماتي يخطبون لهم و رفضو
و تزوجو بمشوره الأصدقاء .. كل واحد ما أبعد بعيد سبحان الله ههههههههههه
نفس زوجاتهم الأولات إذا ما كانوا الثانيات أقل !!
شكلا و مضمونا ..
واحد منهم تزوج 3 مرات غير الأولى و طلق .. آخر وحده حملت على طول الذكيه ههههههههه
و بقت معاه
لو عماتي ساعدوه ما تورط بهالشكل

__________________
..

شكرًا على تجاوبكم جميعا والردود وأتقبلها جميعها بشرط الاحترام وإنتقاء الكلمات
....................تفكيرك بس في التقصير في الفراش لان الزواج هدفه أكبر من هالشي الزواج موده ورحمه وحب وتوافق وانسجام واهتمام .
وبالنسبة للحلول حاولت أسافر معها لوحدنا او نخرج لمطعم رومانسي وغيرها بس هي عندها أولادهم اول اهتماماتها.
وعندي سؤال ثاني ماهو السن المناسب الزوجه الثانيه علما ان عمري 39

وانا عن الوالده رافضه الموضوع تماماً لانها تعتبر زوجتي بنتها لان مثل ماذكرت ماعندي أخوات
والي سأل وين ساكن في المنطقه الشرقيه.

يا اخي الكريم
هل لم يحقق لك زواجك الاول الرحمة و المودة
لما تقول عن امر الفراش تافه. و بعدها تقول انا لا اريد ان اتجه للحرام
وفقك الله

__________________

لا أعتقد انه من المروءة ان يذكر الرجل عيوب زوجته حتى لوكان هناك تقصير في الفراش ولكن بشكل عام افتقد الاهتمام والتوافق والانسجام والموده والرحمه

الله أكبر ..
كم عمر زواجكم ؟!
كم عندكم اولاد ؟!
غريبه كل مقومات الزواج واساس الزواج الموده والرحمة مو متوفره من كلامك مستمر كل السنوات ليه ؟!
ليه الحين افتقدت ذا الشي وينك من سنيين ؟!
كم عمرك ؟!

ياريت اذا في رجل معدد او زوجة أولى ومتزوج عليها زوجها يشاركونا بتجاربهم

اخي الكريم

ممكن تذكر لنا ماهي المواصفات المطلوبة في الزوجة الثانية؟

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا