اصبري وان شاء الله يكون الصبر من صالحك لا تتسرعين
كلنا قصصنا وحياتنا تشيب بالراس ترا احنا مو احسن منك في شي
لو تقرين موضوعي بتقولين وش يصبرك لكن الله كريم
وكلام الناس مجرد بربرة وخراب بيوت وهم اصلا ماهمهم وضعك بس يخربطون ع الفاضي لايهمك انتي ارقى من كلمة كلام الناس على قولتهم الضب منحاش بحفرة في البر ومع ذلك ماسلم منهم يطلعونه وياكلونه .. اضحكي عاد 😊
المشكلة بالتشتت والمشاعر والذكريات والنسيان والخوف من المستقبل
لكن كل اللي يصير بالنهاية قضاء وقدر

هل أنت موظفة؟ أو لك مصدر دخل؟

يا مربي في غير ولدك يا باني في غير ملكك !

شلون طاوعك قلبك تتركين بنتك عند أهلك وتتزوجين وتربين بنات زوجك ..؟! حنانك وحبك ومشاعرك بنتك أولى فيها من عيال الناس ..

لا تقولين عند أهلي ومطمنة عليها ..! الحياة مو بس ماكلة شاربة نايمة ومطمنة عليها !

بنات زوجك دام أمهم عايشة الوفاء والولاء والحب كله لها والأيام راح تبينلك صدق كلامي .. مهما أعطيتي لا تتوقعين منهم كثييير عشان لا تنصدمين ..

سوي اللي في مصلحتك ومصلحة بنتك وولدك فقط .. إذا عندك رغبة تكملين معاه كملي بس انتبهي يخلون البنات عندك على طول على أمهم من أول يوم تجي فيه .. وإذا عندك رغبة في الطلاق ف ماعلى مثله حسافه حتى أمه وأبوه ماسلموا منه أعوذ بالله .

وطليقة زوجك اسمحيلي قليلة حيا وماتستحي على الرغم إن الرجال طلقها جالسة تهرج معاه ويتراسلون في هالأغاني ومدري وش ..؟ ماتدري إن ماعاد هوو حليلها ومايجوز هالشيء .. وتوه الحين حلا بعينها أستغفرالله أكره ذي النوعية .. حتى لو انفصلت تحس إنها لسه لها حق فيه وإنها أولى من زوجته الثانية فيه ! بحكم إنها أم عياله !!! الله والعيال تلاقينها ماتسأل عليهم ولا جابت خبرهم غير فالحة تراكض ورا أبوهم في هالمسجات !

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

والله يا اختي انه يرجع طليقته خير لكي
افتكي من بناته وارميهم على امهم
وخلي بنتك تسكن معاكي اريح لكي ولها
وهو راح يعدل غصب عنه مو بكيفه
وعشان انتي كمان ياعمري تبطلي تجي على نفسك
وتداري فيه وفي عصبيته اذا عصب اطردي من البيت
فكري بعقلك وخلي العواطف على جنب

أختي لا تجعلين كلام الناس عائق امامك

اختاري الامر الي فيه خيره لك لا تهتمي بتعليقات الناس


الناس ما بيوكلو عيش

__________________
يارب أحفظ لي طفلتي ولا تبتليني بفقدها

تاركه بنتك و تربين بنات زوجك ؟!!
سبحان الله .

والله يا اختي ومن واقع تجربة عشتها اذا ما كنتي تحبين زوجج انسحبي من حياته وخلي لهم الجمل بما حمل

انا صبرت على ظروف اصعب من الصعبه كل هذا حفاظا على بيتي


واخر شي انسحبت بكل هدوء


صحيح ان هو اللي طلق بس انا هم كانت لي نية



والحين الحمدلله احسن من قبل


على الاقل عايشة مرتاحة

__________________
لا اله الا انت سبحانك اني كنت من الظالمين

اخواتي بارك الله فيكم من قلبي حبيتكم ربي يسعدكم

اختي اهتمام ادري الصبر مفتاح الفرج وصبرت ولافاد معاه بالعكس تمادى وخوفي يتمادى اكثر واندم في الأخير

اختي مكلومة لا مو موظفة لاكن الحمدلله الماديات سهل امرها وافكر اتوظف

اخواتي فرح تايه وفليكا *جيتو*على الجرح كلامكم*قلب علي المواجع فعلا نددمت اني تركت بنتي . وبناته مااشرفت عليهم الا بالبداية شهر تقريبا وبعدها انتقلو عند امهم ويجون نهاية الاسبوع يومين ويرجعون لأمهم ومعاكي حق فرح تايه طليقته قليلة حيا حسيت انها عايشة معانا كل يوم داقة بحجة البنات وبيوم ارسلت بنتها تصور بيتي وكفشتها حسبي الله عليها من أم

اختي مرام سعود انا بالبداية قلت كذا يرجعها ومؤيدة بشدة عشان تلتفت لبناتها اما حكاية بنتي تعيش عندي مستحيل اخاف عليها منه كلامه الحقير في حقها رجعت تذكرته وندمت اني سامحته

اخواتي معتزة بديني وموهبة الكويت انا استخرت في امرالطلاق ولاهمني كلام الناس لانه ماحيفيدني اطفالي هم المكسب باذن الله وربي بيعوضني فيهم

دعواااتكم يطلقني وانسحب من حياته بهدووء ويرجعها عشاان يندموون هو بيرجع مثل ماكان نفسية تعبانة مريضة وهي بترجع اخس من اول
حسبي الله ونعم الوكيل

الله يعينك ويصبرك

__________________
الحمد لله

امين ياااارب