قريت مواضيعش السابقه مشاكل حياتش مع زوجش انتي مشاركه ايضا فيها

ما تقبلتي سمنته وتتهربين من حقوقه وامور اخرى .......... كوني صادقه مع نفسك وواجهيها على اخطائك

__________________
وهل من مصير اخر ؟

جزاك الله خير يالغالية

صار لي حاليا اسبوع و نص .. و لا سؤال من جهته و لا اهتمام و لا انا بعد .. انا حذفت ارقامه نهائيا من جوالي ابي اعيش دور و استعد اني مطلقة..

انا ما برأت نفسي يا اختي .. انا بعد فيني عيوب اكيد و جانب التقصير واضح فيني ما خبيته

لكن مشكلتي وياه الاهانة المستمرة اللي جاوزت مداها الى الاهانة باللسان و اليد امام الغير

علما باني ذكرت في بداية حديثي اننا رحنا بيت اهله بدووون اي مشاكل سابقة معاه .. بس هو منتفش مدري وش فيه

لكني حاولت احلل سبب نرفزته اللي ما اعرف لها سبب

و توقعت هذا السبب و قصيت الحق من نفسي

بالاضافة الى كلامه امام والدته

و انا الى الان لست متأكدة و لا اعرف سبب عصبيته .. ممكن يطلع متهاوش مع واحد مثلا ..

اشكرك لاهتمامك الصادق بموضوعي .. و اشكرك على وقتك الثمين ..

كنت اعمل على تقبل شكل زوجي و سمنته ..

و هو سافر بعيدا عني لمدة سنة واحدة

خلال هالسنة انا عملت على نفسي من ريجيم و رياضة .. حتى صرت اميل للنحافة اكثر ..

عاد من سفره .. انتقد نحافتي .. ما عجبه كثير

يقول خطبتك و انتي مليانة و احب البنت المليانة .. ما اهتميت ..

اخر ثلاث شهور قرر انه يتبع نظامي و طلب مساعدتي في ترتيب وجباته و دعمه .. و انا وافقت

رغم هالدافع جا من نفسه .. انا ما كلمته على سمنته مرة ثانية ابدا ..

لكن كنت سعيدة و اقتنعت ان مو دايما ( كثر الدق يفك اللحام ) .. احيانا بعض الامور بس اتركيها و هي تجي لعندك

و تفاجأت بحماسه و جديته في فقدان الوزن الزائد اكثر مني ..

و انا صار فيني زي الحالة النفسية اللي الناس يقولون لي نحيفة و انا اشوف حالي متينة .. ما عندي مشكلة مع هالشي

لكن هو يبيني ازيد وزني .. و انا ما اقدر .. مع كثرة المشاكل و الشغل .. وزني كل ما جاه و يقل

عموما عشان ما اطيل عليك .. ذكرت برد سابق اني معترفه باخطائي و عيوبي كذلك

لكني ارفض تماما مبدأ الاهانة و الضرب .. بيني و بينه

فكيف قدام الناس

اختي اسبوع ونص مدة جدا بسيطة،
اصبري وطولي بالك وكل شي بينحل بإذن الله،
أعتقد إنك عجولة بعض الشيء لدرجة إنك حذفت أرقامه،بس راح ترجعينها
اهدئي والجئي لربك يالدعااااااااااااااااء أن يهد قلبه وعقله لك وأن يصلح بينكما خير اصلاح وأحسنه.

طولي بالك أختي وأعط نفسك فرصة أطول للتفكير بعيدا عن الغضب،
أي قرار وقت الزعل يكون خاطيء،

انسي زوجك حتى تهدي،واستغلي وقتك باﻹستغفار والتسبيح والتهليل والتكبير وأكثري من الحمد،
رددي لا إله إلا أنت سبحانك إني كنت من الظالمين،،وجميع أدعية الهم والكرب،
7مرات صباحا ومساءا حسبي الله لا إله إلا هو عليه توكلت وهو رب العرش العظيم

أهم شي سي صدق الإلتجاء لله والإلحاح عليه والتذلل بين يديه،،وتيقني بالفرج.

أشعر اني بديت اضعف و انهار يوم عن يوم ..

على قوة موقفي اني ما عدت ارغب له و اريد الطلاق ..

الا اني مع طول المدة خصوصا مع تطنيشه .. نفسيتي تتعب اكثر

طيب ما شكله راح يبادر

رايكم تجي المبادرة من جهة ابوي ؟؟

بالنسبة لابوي قعدتي كذا مالها طعمة ما هو عارف مصيري زي المعلقة على حسابه

اصبري يا بنت الحلااال لاتخلي ابوكي يكلمه ولا شي
لسئ بدري ع هالخطووه هو الحين بمرحلة المكابره والاعتداد بالنفس وحرب الاعصاب البارده
لو كان مستعد للتفاهم او ع الاقل عارف انه غلطان كان حاول يتواصل معك
خليه يحس انه بيقفدك شووي ويراجع نفسسسه
يختي احمدي ربك عندك وضيفتك تتسلي فيها..وولدك..والوالد متفاهم ومتعاطف معك عني كل الضروف بصالحك
كبري عقلك وخلك ذكيه وهاذي فرصتك انك توقفيه عند حده
انتي بعد ارتااحي كم يوم عند اهلك ليش حارقه دمك واعصابك وفرصه تجددي نشاطك وتراجعي نفسك وترجعيله مشحووونه وتتزبركي له ههههههههههه

مع رائحة البخور

الله بسهل امرك و يفرج همك و ادعي بدي اﻷيام الفضيله

__________________
[img]http://im78.***********/FRd0Bi.jpeg[/img]

مو قادرة اصبررر ..

خصوصا انه ما سأل فيني و لا في ولده

واضح انه شخص بايع .. و انا ما راح اشتري شخص بايعني

اصلا العيشة وياه تحسها مو أمان .. عادي يجي يوم يهدني و انا بكون اكبر من كذا و عندي عيال اكثر من كذا

انا اعرف انه بايعني و لا يحبني

و انا مع بعد هالمدة احس احيانا اني اشتاق لقربه .. بس من اللي سواه و ردة فعله .. راح اثبت على موقفي حتى لو كان الطلاق .. راح ادوس على قلبي و كرامتي فوق كل اعتبار

امه كلمتها مرة او مرتين .. هي حضرت الموقف اللي صار

و تقول لي تعوذي من ابليس و كلمي زوجك و ارجعي و مدري ايش

و تقول انها مطلعة روحها من السالفة نهائياىو ما راح تتدخل ابدا .. هذا قرارنا لوحدنا

و تقول هو اساسا من طلعتي معاه ذيك الليلة ما رجع لها ..

و انا اعرف حتى لو رجع ما راح تقدر تفتح وياه الموضوع و تكلمه لانه راح يعصب عليها و ينرفز و ممكن يسمعها كلام يغث .. ما عنده احترام لاحد .. على الرغم من انه يزعم انه يحترم كل احد حتى عامل النظافة ..

مير اني اشوفه ما يحترم الا عامل النظافة ..

المهم اذا امه مو قادرة تكلمه .. شلون انا او اهلي !!!!

هو وااااااضح شخص باااايع

انا ابي اعرف وضعي .. مطلقة و لا كيف ؟؟

ما راح احبس حالي على شخص مو مستاهل

تعويذة
اتذكرك زين من ايام الملكة
ضاق صدري عليك والى ماالت الامور بينكم
رغم تقدم مشاعرك نحوه..اتذكر ماكنتي تكنين له كل هالمشاعر..

بداية اشوفك تخلصتي من جزء كبير من استعجالك بس مازلتي مستعجلة اصبري ياعسل ان بعد العسر تيسير باذن الله اصبري الى شهر واكثر

الشي الثاني..ردة فعلك بالمرات الولى اللي حصل فيها ضرب هي اللي سببت بروده هالمرة..اكيد ينتظر اي مبادرة من اي نوع من طرفك..
فااتركيه وغيري طريقتك معاه..

نقطة ثالثة:انت تحبيه كثير وجالسة تعذرين له..
حبيبتي مو معقولة تصير مشكله وانتي مطلعته على وضعك وظروفك وهو عارف انك ام وموظفة وﻻعندك خادمة واخذة مناوبات المفروض ع الاقل هالاسبوعين يتصبر ويتجمل..
بعدين مو معقولة ﻻزم تكون المبادرة منك في كل مرة والا يزعل..
اللي اعرفه انها كل كم مرة تكون وحدة من الزوجة
بس انتي ادرى بوضعك
واذا رجعتوا على خير فهميه ان انت بادر لو شفتي مشغولة راح ارحب..

اخيرا ياعسل
اذا ابدى رغبة بالاصلاح اجلسي معاه وبيني له انه مشاكلكم بينكم بسس
والعلاقة شي مشترك
وشغل البيت يهمل بأيام الدوام دام مافيه خادمة..


وترا من جد
بلاش حرارة على شغل البيت بررردي
قولي كنت في خدمتكم وخدمة اوﻻدكم 😁

ربي يصلح مابينكم
ويبعد عنكم شياطين الانس والجن

استودعيه الله واستودعي سمعه وبصره وقلبه وعقله وجوارحه
ﻻن بعض الناس يقلب لك عقله قلب بالنصائح المفسدة
وكثررري استغفار
واقري سورة البقرة لانها تطرد الشياطين