اولا ..

طلع يحشش .. و يشرب ..

قالولي في بريطانيا انه يشرب خمر و ما صدقتهم .. قالي ( بايسون هذا بس هما ما يعرفوا يفرقوا دراويش )
نقلنا لمدينة تانية في بريطانيا و قالولي كمان انه يسكر و ناس مختلفين
و الي قالي انه يشرب واحد اجنبي .. قالي زوجي انت تصدقيه !
ترى هو سكران و مو عارف ايش يقول ..

.
.

هنا لما جيت و اكتشفت الموضوع ..

قالولي انه دخل معاه خمر من البحرين مخلوط بعصير و ما كشفوه الحدود ..
و انه يجلس مع اصحابه يشرب و يحشش بس مو دايما

و قالت لي صحبتي انها في بريطانيا كانت تسمع انه يحشش بس ما قالتلي
و ماتدري اني سمعت هنا انه يحشش و يسكر

فخلاص تأكدت ..

قريت عن اعراض الحشيش و كلها تنطبق عليه ..

.
.

الحمدلله انه ربي كشفه لي دحين ..

انا ما ابغى اي وحدة تشك في زوجها ..
انا زوجي من اول ملاحظة عليه لكن ماعندي دليل و تركت امري لله
و ربي كشفه بدون اي مجهود مني

أحمدي ربك مليون واسجدي سجدة شكر ولا تهتز لك شعره ولا تتأثر مشاعرك لفراقه ..

بالعكس ..

اشكر كل مين عارضني اني ارجع له بصك شرعي ..
اشكر كل مين نصحني اتركه ..

انا دحين رافضة تماما رجوعي له ..
حتى لو عدت سنوات و كان اخر رجل ..

ماعرف كيف كذا تبدلت المشاعر !؟

.
.

قبل كم يوم رحت السوق و دفعت عن طريق بطاقة الفيزا و المحاسب خلاني اوقع عالايصال
و انا بأوقع .. افتكرت موقف حصل لي مع زوجي لما رجعنا من بريطانيا ..

جلس معايا و يمزح يقول شوفي اعرف اقلد توقيع مديري و ماحد يقدر يفرق ..
قال لي وريني كيف توقيعك احاول اقلدك !
قلت له ماتقدر ..
قال لي تتحديني ؟
قلت له ايوة

المهم .. شايفته يحااااااااول و ما يطفش ..
يحاول يحاول يحاول

و اعرف زوجي ابدا ابدا ماهو عنيد و لا يصر على شي ..

انا على نيتي كنت اضحك .. بس برضو كنت ماني غبية و ماخدة احتياطاتي
توقيعي يعتمد على (جمال الخط) .. لاني اكتب اسمي بالانجليزي و برسمة الخط ..
و هو خطه مو حلو .. يعني ممكن يقلد رسمة شخابيط
لكن مثل توقيعي .. من رحمة ربي انه توقيعي صعب

بس حسيته انقهر ..

.
.

الله اعلم على ايش كان مخطط !!!!!!!؟

كويس انه ما عرف يقلد توقيعي

من المواقف هذه .. الي تدريجيا لما فهمته و كشفته
بدأت اكتشفت تخطيطاته و كيف كان يستغفلني و يعيش معايا بخطط و نوايا خبيثة
و انا بكل غباء اقول مستعدة اعيش معاه و اتحمل لحد ما يلاقي وظيفة

انا كم مرة كنت افكر اني اتركه مو مرتاحة ..
بس اصبر ..

الحمدلله ربي كشفه لي و خلاص مافي له مكانة بداخلي ..

كان مستغلك عاطفيا وماليا
مثل مصاصيين الدماء
ذكرتيني عندي اخوين اثنين
سبحان الله
خلق وفرق
واحد مثل زوجك مصاص دماء ومستغل وبيلعب دائما دور الضحية
والثاني مسكين على نياته ولو يصحله يعطيكي عيونه ما بيقصر
الله يحفظه ويسر امره
اخوي الاول مستغل اخوي الثاني ودائما بيسحب قروض منه وديون
تخيلي بنى بيت على حساب اخوي مسكين الثاني
ولانه اصلنا طيب وعنا صفة الكرم ما بنقدر نرد أي شخص بيطلبنا
اخوي الاول حتى بطاقات الرصيد التلفون بيسرقهن من اختي المسكينه المطلقة
مو حكيتلك مصاص دماء
حتى امي ما سلمت منه بيجي ياخذ منها حق التكسي وهو اصلا موظف ومتزوج وعنده راتب وعنده ولدين
كتبت قصته من فتره اللي زوجته اكتشف انه بتخونه بالموبايل وطلقها والحين خطب وحده ثانية
وكل تكاليف زواجه على اخوي الثاني مسكين
الله يفرجها بس
ما فيه حدا مرتاح

__________________
انا لله وانا اليه راجعون

هالمرة يا روح الاخيرة؟!
لان في الموضوع السابق كتبت ضده كﻻم كثير جدا
وتوقعنا اختيارك راح يكون الانفصال
فاذا بنا نتفاجئ انك بدات تسردي احداث صارت معك في المحكمة تجعلك تقبلي بحل الرجوع
وقلتي ماحد فاهمني الا خالة بيتا
والحين انعكست الاحداث وبدأت تتجهي نحو الطلاق
ﻻ أنتقدك
تذبذبك أكيد وارد
ولكن انتقالاتك من اقصى اليمين لاقصى اليسار

اقولك علشان تشرحي وتنتبهي

__________________
الحمدلله الذي بنعمته تتم الصالحات

بسبب الاستخارة

الحمدلله انك وصلتي لهذة المرحلة

ربي يكتب لك الخير و يجبر بخاطرك يا الغالية

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

فاكهة

انا كنت متذبذبة و ابغى اسحبه يجي المحكمة عشان لا يماطل و تتاخر حل مشكلتي
و اطلع صك استخدمه لصالحي

و ماكنت فاهمة اجراءات المحاكم و مادري ايش الي لي و الي علي
بس نصحتيني اشوف محامي و من يوم رحت للمحامي حسيت اني بالفعل في موضع قوة
و قالي المحامي اخسريه ما يقدر يعمل شي

انا ممكن لو كلمني دحين .. ارد عليه بذوق و احترام
لكن مو معناها اني متعاطفة معاه او متاثرة

.
.

المرة هذه الاخيرة يا فكوهة ..
انا ما تعبت الايام الماضية عشان بسهولة ارجع له

انا كنت في فترة علاج .. استأصل فيها الورم و العضو الفاسد من حياتنا انا و اولادي
و بقي القليل دحين

ياروح هذا الشخص مايستاهلك
يستاهل وحده مثله
الله سبحانه كشفه لك رحمة منه لانك طيبة وبنت حلال
بقولك حاجه لاتندمي على اللي فات يكفي انك كافحتي وصبرتي عشان تاخذي باسرتك الى بر الامان
اما ذاك الذكر. فهو الخسران
احمدي الله والقادم افضل باذن الله. .موفقة

ام مريمي

بجد ما كنت ادري انه هو كان الي مثقل علي الحمل ..
حاسة شي ثقييييييييل انزاح عن اكتافي ..

كنت خايفة كيف راح اواجه العالم هذا لحالي مع ثلاث اطفال
لكن اعطيتوني الثقة و شجعتوني و وقفتوا معي انتوا و صحباتي و اهلي

ام مريمي

حتى عبادتي كنت احس زمان بثقل لانه يتضايق لما اصلي و كنت اتاثر به لا شعوريا
و اخويا صعب يسافر معايا بعثة

راح اقدم في جامعة الملك عبدالله باذن الله في ثول
في KAUST

جامعة عالمية و كويسة و مميزاتها رائعة للطلاب و عوائلهم