تلاقيه كان متضايق وقتها من شي حط قهره بإنتقادك
كثرة الانتقاد ينقص الحب
بس ماعليك حبيبتي طنشي ولا كأنك تسمعي شي
اذا بتسكتي الرجال طنشيه
بينتقد مره مرتين ويتوب طول حياته

__________________

افكار جميله وحلوه لكن تحتاج طولة بال..
تذكري يا خاله بيتا لما وعدتكم اتغير؟
فعلا تغيرت كثيييير.. صرت هاديه ومهتمه بزوجي اكثر..
لكن ارجع واقول انو زوجي من النوع اللي كثر الاهتمام يقسيه..
تخيلي هذا الاسبوع يوميا اعمل اكلات جديدة ولذيذه
وهو ياكل ويقوم.. اول كان يقول يعطيك العافيه حتى لو الاكل محروق

وملابسه من يومين كويتها كلها وعطرتها.. وهو فرح جدا..
لكن حاول يبين لي انو مو مهتم وعادي عنده..

اليوم صحيح ما انتقد اي شي.. لكن كان صامت معظم الوقت..
كنت طابخه صنفين يحبهم.. اكلهم كلهم.. ولما خلص قال ماقصرتي

سابقا كنت اول ما احط السفره يقول وااااو.. حتى لو الاكل بايخ..
سابقا هذي اقصد فيها الشهر الماضي.. مو زمان مره..

وقبل شوي رحت له الصاله اتقرب منه.. قال خليني اشوف البرنامج..
قلت له اوكي تصبح على خير حبيبي.. كنت مقهورة ولابينت..
وانا بالغرفه الان لحالي جالسه اكلمكم..

زوجي طبعه اذا قربت منه ركض بعيد عني..
واذا كنت اتغلى وابعد لحقني..
للأسف هذا اللي يفركش محاولاتي في التغيير..
انا من داخلي حابه اكون الزوجة الودودة المحبه الفرفوشه
وهو يواجه هالشي بالتجاهل احيانا او الاستفزاز بالنقد..


انا مفكرة اثقل اليومين الجايين..
حتى يلاحظ الفرق بعد اسبوع الدلع اللي عاشه..
وحتى يعرف ان الحياة اخذ وعطاء

فعلا كثر الانتقاد ينقص الحب..
الله المستعان

مو غلط ...اثقلي

كنافة ...اللي يهمني تغييرك بداخلك ..نظرتك له كرجل يستاهل يكون زوجك ... احساسك تجاهه وتقديرك لشخصيته ... تغيير داخلي وبس

أما التدليع والطبخ وهذا كله فيعتمد على شخصيته .. لو تشوفي انه من النوع اللي يحب يكون الصياد فأعطيه على موده .. اثقلي وخليه يلحق وراكي ولما يوصلك تتقبليه وتعطيه الدلال ساعتها ..ولأنك فاهمه القصة وما فيها وأنها اطباع وشخصيات وواثقة من نفسك ومنه فمطاردته لك ما راح تنقص من قيمته عندك

__________________

تعرفين شو الغلط الغلط انش تغيرتي تغيير كبيييير وبمده زمنيه قصيره وقدمتي فروض الطاعه والولاء بشكل مبالغ فيه وهو موحاس بالامان موب عارف شو وراش وشو سر تغيرش المفاجئ فيقوم يضغط عليش حتى ياكد لنفسه انش بتستسلمين وبتردين نفس الانسانه الي يعرفها وتعود على اسلوبها ترى هو الحين محتار منش لا تلومينه والحين قاعد يختبرش متى هالتمثيليه تخلص وبعد يخاف تستملكينه بحركاتش الحين خليش وسط لا افراط ولا تفريط وتكون نيتش رضا لله بالاول وليس زوجش حتى يحس بالراحه وبعد مافي مانع تدللين نفسش لانه شكل زوجش يحب الدلال بالقول وليس الفعل يعني امدحيه كثييير وحسسيه برجولته بس بشكل موب مبالغ فيه والله يبارك فيش

هذا عنده حاجه من ثنتين:-

1/ طبع فيه وهذا صعب صعب التعامل معه. وتحتاج منك الى صبر.
2/ ضغوطات نفسيه من ناحيه العمل او اهله.

__________________

عبدالله

صح عليك يا خاله بيتا..
يمكن تستغربي لو قلت لك اليوم كنت تعبانه شوي
وهو استأذن من دوامه ورجعني البيت وجاب غداء من برا..
وقال لي ما اطبخ اليوم وارتااااح..
موقفه هذا يعيد لي الثقة فيني وفيه وبعلاقتنا..
لكن برضو ردة فعله تجاه تغيري محبطه جدا..
اليوم انا مرهقه.. ابستريح واسترخي وناويه اثقل عليه حتى بالكلام

يمكن صحيح تغيرت بسرعه صاروخيه..
ويمكن توقيت التغيير ماكان جيد.. لانه بعد خلاف كبير..
لكن تشجيع الاعضاء هنا هو اللي حمسني..
وانا شخصيا صرت اشعر برضا عن نفسي الان..
بالنفس الوقت منصدمه من رده فعل زوجي..
كنت متوقعه يحتفي فيني مثل عادته.. لقيته ينتقد..
او يتجاهل.. ويحسسني ان هالاشياء واجباتي مالي فضل فيها!!

رغم اني امس على سبيل المثال عملت اشياء كثير جديدة..
حتى وقت الاكل استخدمت طقم سفره الضيوف من باب التغيير
وغير الشموع العطريه بالحمامات.. وتغيير المفارش الخ الخ
هذا غير الابتسامه اللي صايره بوجهي 24 ساعه..
لكن للامانه هو صاير يجلس بالبيت كثييييييير..
معظم الوقت جالس بالصاله.. وبطل يخرج مع اصحابه..
هذا التغيير الوحيد اللي لاحظته عليه..
بس مايهمني كثير لاني اصلا ما احبه يقابلني طول الوقت..
كنت حابه تتغير نفسيته تجاهي.. يتفاعل معي شوي..
اذا جيت ضميته مايتكتف زي الاهبل.. ولايقول خليني اشوف التلفزيون..
ووقت النوم يتعمد يدخل بعدي بصورة متعمده..
اعرف هالحركات البايخه لان سبق وسويناها ببعض..
لكن توقعت الرجال تتحسن نظرته وعقليته مقارنه باللي حاصل الان

زوجي كتوم وحساس جدا جدا
وانا حاليا اجتهد كثيرا لارضاءه..
وهو يقابل كل هذا بالنقد او التجاهل..
انا خايفه اصاب بالاحباط منه وارجع انتكس واهمله اكثر..