السلام عليكم..
اقسم بالله اني من يوم الجمعة والى الحين وانا بالبيجاما.. منسدحه عالسرير طول الوقت.. ومطفيه الانوار.. فطوري تمر ومويه بس.. وسحوري لبن وتمر بس.. تعبااااااااااانه نفسيا اول مره اشعر كذا.. وبكل فرض ادعي على زوجي الحقير اللي ضربني لاني صحيته للصلاه.. وكل ماشفت علامات الضرب على وجهي ادعي ربي ينتفم منه.. على قد مادمر نفسيتي بعنفه وتهوره وجنونه.. الله لا يوفقه.. طبعا انا سبق وقلت لكم اني انام بغرفه وهو بغرفه ثانيه.. وهو يجيب له فطور وسحور من برا.. وانا مالي رغبه بالدنيا كلهاااااا.. كرهني بالدينا باللي فيها.. امس ببرود يقول تبين نطلع مكان؟ قلت ودني لاهلي.. قال خليها بعدين.. اخاف تروحين وتسحبين علي!!! يعني حابسني في البيت.. عايشه معه بالاكراه.. قلت له اني اكرهه واشوفه احقر واسفل كائن بالدنيا.. وهو يعتذر ويوعد مايعيدها.. وانا ادعي عليه من قلبي.. واهله يدقون علي واعطيهم مشغول.. كرهتهم.. رغم انهم مالهم ذنب ويتصلون يطمنون لاني اختفيت فجأة.. على قد ما دللت هالرجال وقمت معه بمواقف تشرف.. كنت له زوجه وحبيبه وصديقه واخت.. كنت اغفر له كل زلاته.. كنت احبه وادلعه ودايما أطيب خاطره ولا يلقى فرحته الا عندي.. ياما عطيته فرص وياما فتحت معه صفحات بيضاء.. ياما وقفت معه بالشدايد.. كنت مرافقه لامه كل مادخلت المستشفى.. كنت اوجبه واوجب اهله.. وهم يقولون له دايما فلانه مافي مثلها.. حتى بيته على بساطته الا اني حولته جنه.. امس يقول لي انتي كثيره علي.. لو ألف الدنيا ماالقى ربعك.. قلت له وانت لو ألف الدنيا ما القى بحقارتك ونذالتك.. حاول يغتصبني بنهار رمضان السافل.. وضرب وجهي بأعنف قوه.. انا احتقر نفسي لاني صبرت على هذا المخلوق الحقير احتقر نفسي لاني رضيت اصير زوجه له.. بكل مره كان يضربني فيها كنت انفر منه شوي شوي.. لحد ما كرهته الحين واحسه عدووو الله لايوفقه احتقر الثلاث سنين اللي ضاعت من عمري عليه.. احتقره واكرهه قسما بالله اكرهه.. انا اللي بعمري ماكرهت احد.. اكرهه واتمنى له المووووت.. عالاقل اذا ترملت بيكون لبنتي بيت يلمها ومايضيع حقها.. اما الطلاق فهو رافضه وحالف مايطلق على قص رقبته.. يتعذر بأنه يحبني هالحقير.. وانا افكر اخلعه.. بس خايفه من كلام الناس.. واقول يارب يأخذ عمره اسرررع.. وكل هالكلام قلته له امس.. وهو مصر نستمر سوا.. قال لي بجيب المصحف واحلف عليه ما امد يدي.. قلت له كلام الله مو لعبه عندك.. انت فاقد الاهليه للحلف.. وانت ياما حلفت واخلفت لانك مو رجال.. لو رجال ماتمد يدك علي.. ياناس انا قسم بالله مكتئبببببببببببببببببببببببببه.. اقول لكم مابدلت ولا سبحت ومرميه عالسرير.. والبنت اسوي لها حليب بالرضعه مافيني حيل اسوي لها اكل ووجبات.. كنت اول اكتم عن اهلي مشاكلي لكن الحين لا.. امس بلغت امي باللي صار.. وهي دعت عليه بنهار رمضان.. بس قالت لي إلزمي بيتك وماعليك منه وطنشيه.. وانا اللي برأسي اكبر من كذا.. انا كل مامر قدامي تفلت عالارض بدون ماينتبه.. من كثر القرف اللي اشوفه فيه.. وهو يقول علميني ايش ممكن يرضيك.. قلت له انك تموت او تعطيني حريتي.. قام راح وتركني.. الضرب مهين مهين مهين.. خصوصا اذا تكرر.. الله يشل يده ويد كل واحد يمارس العنف ببنات الناس.. حسبي الله ونعم الوكيل حسبي الله ونعم الوكيل حسبي الله ونعم الوكيل |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|