وشلون عرفت انها نقلت كل شىء لوالدتها بهالشكل؟؟؟؟

عشان فيه اشياء حصلت فعلا ولكن امها حرفت فيها

بعطيك مثال
مره جات اختي عندي البيت وكانوا يتجهزون بيروحون ملكة وحده من صديقاتهم (اختي وزوجتي)
المهم جلسوا بغرفه النوم يتجهزون كل وحده تسوي للثانيه استشوار ومن هالكلام خلاص انتهت القصه هنا

امها الحين بعد مشكلة الشغاله تقول فايز ما يتسحي يخلي اخته تدخل غرفه نومه وتقول ان زوجتي قالت لي قول لاختك لا تدخل غرفه النوم وانا رفضت قلت خليها عادي

وقيسي عليها قصص كثيره بهالشكل
بقلك قصه ثانيه
مره زوجتي جتها التهابات يعني شيء عادي اغلب النساء تجيهم
الام شكلها ما كان تجيها مدري ايش قصتها المهم جلست تسأل بنتها ليش الالتهابات هذي
انتم كيف تتجامعون كيف يسوي لك وكيف وكيف (زوجتي اللي قالت لي الكلام هذا)

صراحه مالومك اتركها وعطهم درررررس بذات الام

خلها تعرف ومو من حقها تاخذ بنتها عشان شغاله لاكن الام عقلها صغير

وذا البنت ماتقدر تتكلم اتركها افضل لو تحبك ماتتركك

انا وجههة نظري الناس الي كذا ينعافون لان مو مقتنعين بحياتك


لو انهم شارينك ماتكون هذي عاميلهم لاكن شارين المظاهر عشان تقول للناس والله زوجها جاب لها شغاله

اتركها خلها تعرف الام ان البنت راح تجلس بحلقها وبظهرها ودام طلعت كلام اسمح لي مايستاهلون

ودام مانجبت للحين افضل طلاق يكون انا ماحرض ع طلاق لاكن بدون طفل افضل من ان يكوم موجود

قراراك صح

وماظلمت البنت امكن الام تبغ تسوي مشاكل عشان تتطلقها بس خذ فلووووووووسك

الله يكتب اللي فيه الخير
اشكرك على مرورك دفىء

الله يرضى عليك اسمع نصيحت المتفائل بالله سبقني بالرد بالاضافه لاترحم هالاشكال
وغير كذا اذا كنت تقول انك راح تجتمع اجتماع اهل لتصلح بينهم رجاااااااااااااااااء خاص خلك هادي ع الاخر ولا تطاول باي شي ولا تهدد حتى لا يمسكونها ضدك ويقلبون طاوله
اللي مريت فيه مر فيه اخوي رغم انا حذرته مثل مانا جالسه احذرك لكن الله يهدي امي ضغطت عليه واجبرته يرجعها
ف البدايه تدخلات ثم اخوانها جاو بيتنا يهددون نحن سكتنا حشمه لااخوي وبتهددي اخوي انه راح يركبهم قضيه تخيل رجعت ومسكت عليه انه يكلم بنت وهو بحكم مجال شغله استشاري لابد من حدوث هالشي وكلنا عارفين وتخيل طلعت من بيته مبيته النيه وانا احذر اخوي ولانها تاخذه بالحكي اخوي مصدق الى ان جلست 3 شهور عند اهلها فقلت له ترى راح يطالبونك بالنفقه وخلافه ورده يقول اصلا مايحق لها لانها هي اللي خارجه
وتخيل وصلت الدنائه انها اتصلت ع اخوي تقول ابيك ورجعني وصلح ومادري ايش لان قبلها راح يرجعها ومنعوا يفتحون له البيت ومره الثانيه هذي تخيل قال اخوي ترى اذا رديتيني طلاقك قالت ابد والله اركب مااعيدها
وتخيل راح دون علم احد ويوم جا ثاني يوم والا الشرطه مستدعيه اخوي بقضيه جته ع شغله انه متهجم عليهم وفيه اشهار سلاح
تخيل اخوي يوقف عند بيتهم بياخذها يطلع اخوها ويرفع سلاح ع اخوي ويسحب مفاتيح السياره واخوي يدافع عن نفسه بيسحب المفتاح وصل لحد الباب هم يقالك بيضبطونها عليه قالوا متهجم عليهم
اخوي الثاني قام وكفله ومن هول الصدمه وربي يبكي رغم عمره 33 سنه لانه ماضرها حتى تسوي كل هذا وغير كذا مدير مركز مرموق عندنا بالمنطقه وشخص الكل يشهد له يعني ليه التشويه !!!!
ولم انتهت قام اخوي ورفع قضيه نشوز وتخيل اللي وقف بوجهه اخوي انهم راح يستدعون البنت اللي ذكر اسمها رغم والله انا شاهده عليها وكذالك زوجته قدام القاضي اعترفت انها كلمت البنت وقالت الولد مابيني وبينه غير اوراق عمل ودايم يساعدني وان كان يبيني اشهد راح احضر ولاخفت حتى هي شخصيا اتصلت ع اخوي تقول لا تتنازل عن حقك حتى لو ادخل المحكمه ماعندي اشكاليه
فااخوي اضطر حتى لايورد اسم البنت كاستدعاء قدام زوجها وتدخل ف مداخلات تخيل طلقها وتنازل عن مهره
وياليت سلمنا سعوا وراء البنت الين طلقوها وزوجها مو من النوع المتفاهم واستدعاء اخوي يطالبون بملابسها واغراضها
هنا اخوي قال لها مهله اسبوع تجي تاخذها من البيت او ماله شي عندي قالت امها انا بجي وارقى وحمل ملابسها بنفسي هنا اخوي قال لا تبونها عند الباب بتاخذونها مااحد يدخل بيتي !!
مشت الامور تتصل المحكمه بسالفه ضغط على اخوي قال اخوي للمحكمه ترى الملابس اللي عندي مو حق لها شرتهم بعد الزواج ويعطيني الحق الانكار لاني تنازلت عن حقي المهر بضغط من القاضي رغم انها هي اللي خالعه الموضوع !!!
وماجوا لانهم خايفين يكون كمين لهم
ونسينا الموضوع قبل يومين رافعين قضيه ثانيه يطالبون بالنفقه تخيل اخوي مطنش الامر ماحضر الجلسه,,,وله مطلق تقريبا فوق 3 شهور وربي البيت الناس تعرض عليه لما طلق يعني اخوي الحمد لله مايعيبه شي الله يحميه يارب ....لكن اهل البنت ليه كل هذا !!ياخوي رحمتها بكل السالفه يعني اخوي او غيره يمكنهم يتزوجون لكن البنات الله يستر عليهم والى الان اخوي يحكون اهلها فيه بمجالسهم من جانبنا تصدق مااحد من جماعتنا يدري بالسالفه الا الاصدقاء لانهم شهود ف المحكمه
تخيل لان اخوي حجته اقوى اخوانها ازعجوه بالرسايل التهديد الى يومك وكلها اخوي حاطها محفوظه لساعه الحاجه يعني خلك حذر لا يصدر منك اي رساله تهديد لها او لااهلها او تسجيل صوت ...!!!!!

لما اقول لك القصه حتى تعرف ترى هناك من يمر بنفس ازمك ويكون الضغط يسبب لك امر اخر انت ف غنى
والان من كثر الضغط اخوي يبي يتزوج وبس حتى تحل عن سماها لكن لتعلم يااخوي نفس هالنصيحه نصحتها اخوي لاتتخذ قرار وانت مضغوط ..لاني قلتها له لن تترك سوى تزوجت او ماتزوجت لان بهالنوعيه ماتامنها
...........................
الحمد لله وفضل من ربي ان مهره صح كبير وخساير ماراح يغير بالموضوع شي لكن ماتسوى عليك التبلي وانت ماسويت شي
ياخوي لو تكون ملكه جمال ولو تكون غنيه او اهلها فيهم صفاااات زينه او تخاف ماتنقبل انك مطلق او يشوهو صورتك قدام الناس لا تتنازل او تبكي امك او ابوك حتى يصلحوا نصيحه اخت لاننا عانين نفس ماتعاني وانا من الناس اللي نصحت اخوي لكن لان الناس تقول له اسئل امك وخذ برايها وياخذ براي امي امي الله يهديها ""اميه ولا تبي مشاكل وهذي تاليها ""وانا لم يؤخذ برايي لان الجميع يقول اللي ماجرب مايحس ومادري ايش لكن احيانا هناك امور تبان من اولها!!!!


لو قلنا ان زوجتك ماشاء الله ومادري ايش تقدر لما رفضت الشغاله ووضحت لها حجتك سمعت رايك وقفلت الموضوع مو تسمع امها بالحكي!!!
يعني مثلا بعد سنتين بتصير ام وبعدين كيف بتدير حياتها اذا كانت القرارات امها هي اللي تقرر مو هي اجل جب امها تعيش معكم ع هالحال!!!!
خلاص تزوجت اذن تحسب ع البيت هي العمود الثاني فيه وان بغت امها ف الشديد القوي لو بتاخذ رايها فيه اما كل شي اجل وش استفدت وماتسوى صدقني اذا كانت كل اسرارك تطلع بلا علمك !!!
لانك مطلع على كل شي وهذا يخليك لما تقدم لااحد اختر البنت مو على عمرها على عقلها لان هناك بنات بعمر كبير لكن العقول صغيره ..خذ وحده ناضجه فوق الخمس والعشرين
وسالفت التشرط الزايده مايستخدمها الا لكي مايبقى معك ريال حتى لا تاخذ ثانيه

نصيحه واحفظها تمام التمااام اياااااك ثم اياك ثم اياك اذا رجعتها تامنها ع سر او شي يستخدم ضدك حتى لو كنت نظيف هناك زلات بعض الحريم الله يهديهم يكبرونه سواء هي او زوجه ثانيه
احترم زوجك وقدرها ولا تظلمها لكن امورك الخاصه سواء الماليه او العمليه اياك تامن البنت لان هناك بعض بنات هم اساس البلاء وتضيع الازواج,,
الله يوفقك ويحفظك ويفك ازمك ويسهل دربك ويسهل درب اخوي ويرزقه الزوجه اللي تسره وتنفعه وتعينه ع دينه ودنياه
ان شاء الله تبشرنا ان حقك خذته لا تتنازل عن حقك ولاترحم وماذكرت قصه اخوي الا للعضه والا كان اكتفيت بالمشاهده وخلاص راي المتفائل كافي
قو قلبك واللي اوجدها اوجد عوائل تستند عليها وعلى رجالها وماراح يخيب ربي رجاء ناس فاهمه وغير كذا لما تتناقش خل حديث مدعوم باحاديث وايات وكذالك زوجك يحرم عليها ابداء اسرار الفراش مهما كان
حركت البنت ماله ذنب وغيره ...ليش يزوجوها اذا هي ماهي قد المسؤليه لو انك شكيت ان زوجك مهمله بالتنظيف او الطبخ كان قلنا تتعدل وغيره اما سالفت التعدي اللي جالسه تصير لا تنسى ذيل الكلب اكرمك الله مايعتدل
ولا تاخذك الرافه ان كنت فعلا رجل بمعنى الكلمه لم تقصر بحقوقك وواجباتك الزوجيه فانت لم تظلم وان كان ماذكر تبلي لا تدخل ف سواليف الحريم ولا تراد معها ولا مع اهلها بتلفونات وغيره ولا قدام الوجاهه الناس حتى لا تحسب ضدك شهود او تسجيل صوتي احذر
اللي راح يواجهك يكون هناك شهود عادلين موجودين ام سواليف الحريم والله لو تحطها قدام القاضي راح تنكر مثل مااخوي مرمطهم وصدقني القاضي ماقدر يجاوب اخوي ع كل الادعاءات لكن سمعت البنت اللي دخلت بالسالفه هي الي اجبرت اخوي يتنازل عن المهر كنوع من الستر وتخيل الله عوضه من بعدها برائسه مركز ف منطقه الوسطى مرشح اهو
وكل المواقف اللي ذكرتها اخوي تعرض لها وكان ساكت مثل مانت سكت وربي يشهد رغم انه كان ساكن فوقنا لكن منعزل باب عنا وربي كان هناك زعل بينه هي وهو وربي مااطلعنا عليه ولاسمعناه ولاحتى شكى لنا وهي يوميا ترفع التلفون لااهلها حسب هو ماذكر هالشي بعدين بعد الطلاق وغير كذا صدقني مادرينا عن هالحوسه الا لما جونا الساعه عشر باليل يصارخون عند الباب بيتضاربون ومن بعدها اخوي قال لنا رؤؤس اقلام حتى يحافظ ع هيبته وصدقني ياخوي عليه هيبه ماتحصلها ياكل ويشرب معك ويسولف ويدير مركز تحت ادارته الجنسين ويرجع للبيت فوقنا رغم انها مقصره حتى بحقوقه ولكن كان ساتر ساتر ع الاخر حتى صار الموضوع علنا
هو تقريبا صدر منه تصرفاته احتمال مثلك واكبر نعمه اقول له اسجد شكر انك مالك عيال منها !!!
لما احكي لك صدقني مااستعرض قدامك الا حتى تتضح لك الرؤي والقلب داعي داعي لك
جمد قلبك كما نلاحظ ف تجاوبك مع الردود ونضج ادارتك لحياتك
ولا تنسى سالفه ان البنت عايشه بمستوى معين ومادري ايش يااخوي اي بنت بتقدم لها خلك واضح من البدايه ولا تعشمها سوى غنيه او فقيره
تقبل فيك كما انت باللي يرضىي الله والا بلاها من زيجه ....
لان الاحوال الماديه الحاليه الله يكفينا الشر
وكرر الاستغفار والتسبيح وديمومه الوضوء والدعاء واللهم اجرني بمصيبتي ةاخلف لي خيرا منها وحسبي الله ونعم الوكيل
واللهم اني مغلوب فانتصر
موفق

سرب الخيال
فيه شبه كبير بين قصتي وقصه اخوك
الله يكون بعونه ويرزقه ببنت الحلال اللي تنسيه مشروع زواجه الاول

بالنسبه لكلامك فأنا استفدت منه الكثير الله يجزاك الف خير

القرار راجع لك انت وحدك

اجلس مع نفسك وفكر جيدا هل الام خذا ابنتها فقط لموضوع الخادمه

وهل هم يريدون الطلاق وانت رافض

وهل انت مستعد ان تبدا من جديد مع هذه البنت التي دخلت عليها والطلاق قد يوثر عليها فيما بعد وقد تكون ظلمتها بسبب تحكم امها فيها

تستطيع ان توقف الام عند الحد وترجع زوجتك اذا انت تظن بان فيها ايجابيات اخرئ وبانك لا تريد ان تظلم


واخيرا كان الله في عونك

وكثير اسمع عن مشاكل تدخل الاهل وتنحل بسبب وقفة الزوج الجديه وبالتالي هو من يسمح للاخرين بالتدخل اما زوجتك واضح ان عقلها صغير والاختيار لك

اي والله كل المشكله عشان الشغاله انا اشوف انه سبب تافه لكن خلاص كل واحد ركب راسه انا اشوف لو ان حياتي بيد الشغاله هذي ما جبتها
لان بصراحه مافي سبب مقنع لوجود الشغاله
هم يبغون يمشون كلمتهم علي
كل مافي المشكله ان الام هذي محد قد قالها لا!!
جيت الحين انا وقلت لها شغاله مافي فزعلت ويقولون هي عصبيه ومدري ايش لكن مع نفسها !!
انا بسوي الشيء اللي مقتنع فيه واستشرت كثير ممن اكبر مني سنا قالوا اني معايه حق في اللي سويته
انا بس ابغى ابري ذمتي امام الله
والله يكتب اللي فيه الخير

الله يكون بعونك

هناك الكثير من الامهات والاباء يدمرون حياة ابنائهم


العلاقه الزوجيه لابد ان لا يتدخل فيها احد الا في حال مشكله كبيره ويتدخل حكيم وليس شخص عادي



اسال الله ان ينفرج همك وتنحل جميع مشاكلك وارجع زوجتك لصوابها وتتخلص من تحكم الام من دون مشاكل

عارفه المشكله لما تكون الام جاهله ( ما تقرا ولا تكتب ) ما تفقه الكثير من امور الدين
بس ايش اسوي لها اروح اعلمها انا !!
ما اقول غير حسبي الله عليهم
الله يجزاك خير اختي