اختي والله ماراح ينفعك الاستعجال قفلي الموضوع اسبوع والجأي لربك وراح تزين امورك انشالله
شوفي اللي يبي يتزوج عليها زوجها بعد ثمان سنين غربه لا وحامل مسكينه ويقهرها يقول شوفي اللي بتزوجها احسن منك قهرني الله يلعنه لو اعرفه رحت خنقته يعني زبده الكلام لو تأكدتي من هنا لبكره يمكن تطن في راسه يوم ويتزوج عليك
ريحي بالك وارضي بنصيبك ولاتخلين الشيطان يلعب عليك والرجل مهما كانت اخلاقه لازم في يوم راح يخطي ويجب عليك تتحملين خطأه

يااختي دامك ماشفتي شي ليش تعورين راسك وتفكرين بالانفصال خويه الله يهديه رماا كلمه مادرا وش ممكن تسوي في الناس



اذا ارسلتي رساله من رقم غريب اكيد مابيقولك ..
لان ممكن يفتح على نفسه باب
وحتى لو اخذ وعطا مع الرقم الغريب يمكن يبي يجررها ويعرف من هي بس ..

مافيه حل الا انك تشوفينه بعيونك وقتها يحقلك تطلبين الانفصال او تتاخذين اي اجراء يناسبك

مادام لا يوجد اي دليل مادي ملموس فكل ما تمرين به وسواس من الشيطان و ربما كبرتي المسالة جدا الى درجة انك صدقتي كلام صديقه بدون دليل ملموس اصلا مجرد كلام

طيب ليش مو صديقه ماعنده سالفه اصلا وحب يتفلسف وقالها وبعدين قال انها زله لسان يوم فكر شوي بالعواقب الي بتصير وقال لخويتك لاتعلمينها

مادرا ان السرر مايجلس عند حرمه لو فيها خراب بيوت
ترا مقهور وخايف تجيبين العيد بنفسك
لو لاسمح الله خطيبتي في المستقبل سووت مثلك واتهمتني بالباطل راح تطيح من عيني ومستحيل ترجع علاقتنا مثل اول ..

الله يهديك

الموضوع هذا لا يمكن نسيانه و راح يجلس ببالك لانك ما تاكدتي و لسى عندك شكوك و راح تستمر شكوك بعد الزواج و ماراح تتهنين..
اعتقد صعب مواجهته في الموضوع لانه راح يسئلك من وين جبتي هالكلام..
كلمي صديقتك و قولي لها تسئل زوجها عن الموضوع بالضبط و كيف هو رجع لحركاته !! هل هي مكالمات,هل هي مقابله (لازم تجيب لك دليل , المفروض تكمل معروفها و تجيب لك دليل) . او استئذني منها و كلمي زوجها و اسئليه و شوفي ايش يقول ..

انا اشوف من المفروض ما تتساهلين او تناسين الموضوع نهائيا ..

خذي العصا من الوسط

اطلبي من اخوانك تتبع خطواته 3 ايام او اسبوع بالكثير من غير ما يحس ستتوضح الامور
لو اقولك طنشي كلام صديقتك وبعدين يظهر كلامها صدق ويستمر في علاقاته بعد الزواج ستكون خيبتك اكبر ولو صدقتي كلامها 100في100 وواجهتيه ستخسرين صديقتك ويخسر هو صديقه وقد تتسببي في مشاكل بين الزوجين (صديقتك وصديقه) اطلبي من اخوانك السؤال عنه من جديد من غير ما تحكيلهم القصة كاملة فقط قوليلهم مجرد حرص وربي يجيب العواقب سليمة

ايش صار عليك بشرينا عنك؟؟؟؟؟؟؟؟؟؟؟

اسمعي حبيبتي هدي اعصابك وروقي وادعي ربك والجئي له
انا بقولك قصة وحدة انا متاكدة منها 200%
احنا عندنا مافي شوفة شرعية مافي عقد ولا اي شي خطوبة بس الوحدة ماتشوف زوجها الا ليلة الزفاف طيب
هذي وحدة تزوجت وكان زوجها طيب وحنون معها طبعا الحياة ماتخلا من المشاكل خاصة انهم عايشين عند اهله يعني المشاكل حدث ولاحرج المهم مو موضوعنا
البنت بعد ما انخطبت سمعت كلام انه خطيبها راعي بنات ايش قالت في نفسها قالت مستحيل في احد يسوي كذا هالشي حرااااااااااااام ويعتبر قذف والقذف برضو حرام فشالت الكلام من راسها نهائيا وتزوجت
بعد الزواج بفترة زوجها صارحها بكل شي يعني كانه فجر قنابل في وجهها
شوفي الحين كيف صارت حالة البنت دمار نفسي وبكاء ليل ونهار وتحاول تخبي في نفسها عشان ماحد يدري لانهم جالسين عند اهله انواع التعذيب
صارت تحس بكره لزوجها صارت تقرف منه ماتخليه يبوسها ولايلمسها لان ابسط لمسة منه على طول تبكي وماتقدر تتحمل وفي نفس الوقت كان الزوج يتعذب ويحس بتانيب الضميرجلست فترة على كذا وماصارحت احد بشي ولا فكرت في الطلاق نهائيا لانها قبل كل شي فكرت في سمعة زوجها وايش حتقول سبب الطلاق غير كذا هي تعشقه وماتتصور حياتها بدونه
بعدين صارت تقول في نفسها حرام امنعه هو زوجي وصار يجيها بس كل ماجاها البنت تبكي وتتذكر كيف انه كان مع بنات غيرها حتى كانت لما تسمع او تقرا ايات عن الزنا على طول تبكي لانها خايفة على زوجها من عقاب رب العالمين المهم مرت فترة والبنت صارت احسن من اول قوت نفسها وحاولت تمارس حياتها وربي من فوق سبع سموات اعانها حتى كانت وحدة من البنات اللي على علاقة مع زوجها تتصل على زوجها وهو كان يقولها صارت تاخذ التلفون من زوجها وتكلمها هو بنفسه يعطيها الجوال عشان تكلمها الين ياست البنت وتركت الرجال في حال سبيله المهم انها وقفت مع زوجها وماتركته وساعدته عشان يتوب وكبرت كثيييييييييييييييييييييييييييير في عين زوجها والحين عايشين بسعادة وراحة بال صار زوجها يموت فيها ولايشوف غيرها ودايم يسمعها عبارة اذا رزق الله الرجل بامراة صالحة فقد اعانه على نصف دينه
قولو ماشاء الله تبارك الله وادعولهم ان الله يوفقهم ولايفرق بينهم الا بالموت ويسعدهم دنيا وآخرة
ومعلومة ان البنت هذي ملتزمة حتى مراهقة ماراهقت ولاسوت اللي يسونه البنات في فترة المراهقة كان سنها صغير لكن عقلها وتفكيرها كبير اكبر من سنها والى اليوم والليلة تدعي ربها انه يغفر لزوجها ويسامحه وصارت تثق فيه ثقه عمياء وهو الحمد لله ربي هداه وصار يشمئز حتى من البنات الا يحاولو يلفتو الانظار لهم ربي يهدي الجميع
شوفي نفسك انتي قادرة على ايش استخيري ربك واتمنى من كل قلبي انه ربي يوفقك ويسعدك ويقدر لك اللي فيه الخير لك

هلا فيك

ان بعض الظن اثم لازم تتاكدي هل هو صحيح ام تخريب بينكم

الله يبعد المشاكل عنكم