اسفه بس عندي تعليق اتوقع اتوقع لو زوجته من النوع الغيووور جدا اتوقع انه ممكن انه مو بس تاكلها الا تموتها هي وزوجها , سمعتي عن حادثه حرق زوجه لخيمه كان زوجها قد اقام مراسم زواجه فيها لزوجه ثانيه!!!

وبالنسبه للمتزوج مااظن ان فيه رجال لازق بوجه حرمته اربع وعشرين ساعه يعني اكيد بيكون عنده اصدقاء او اقارب او اشغال تستهلك من وقته , هذا ماريد ان اقوله وبالتوفيق

وربي شتتو البنت بدال ماتقدمون لها النصيحه
حبيبتي انتي ناضجه وواعيه مو محتاجه لكل هالحيره استخيري ربك واللي يريحك سويه
واذا على مسألة انك الزوجه الثانيه
في بنات يتقبلون هالوضع وبدون تعب وفي بنات ابد مايتقبلونه ويفضلون عدم الارتباط
وهاذي اقتناعات شخصيه لكل شخص رأي
شوفي انتي من اي نوع وبعدها قرري

ربي يكتب لك ولي ولكل بنات المسلمين النصيب الطيب

لا اعرف ماالذي يدفعكي للزواج برجل متزوج وانتي لازلتي في سن صغيرة!!!

البنت لها فرصة وحدة بس تاخذ عازب مثلها .. بينما الرجل للاسف ياخذ البنت حتى لو
معرعر وعنده دستة عيال .. لا تفرطين بفرصتك الوحيدة ..

الان بس تقدرين تتزوجين عازب طالما انتي عازبة .. فليش العجلة خصوصا
وان عمرك مو كبيرة مررة .. اذا انتظرتي وقت طويل وماحصلتي عازب وقتها ممكن
تفكرين بارمل او مطلق .. وخلي المعدد اخر الخيارات .. لمصحلتك

موفقة ان شالله

__________________
شتان .. بين من تسيره مبادئه ، ومن تسيره مصالحه

السلام عليكم ورحمة الله وبركاته
الى الأخت صاحبة الموضو ع أختي الكريمة إذا كان الرجل المتقدم لك إنسان يصلي ويخاف ربه وأخلاقه زينه وسمعته طيبه فلا ترفضينه إستخيري وإذا أحسستي إنك إرتحتي لهاذا الأمر فوافقي وتوكلي على الله ولاتلتفتين للكلام المحبط أهم شئ إنك تضمني حقوقك إللي لك من هاذا الزواج وأولها إشهار الزواج وسكن لك لحالك وينفق عليك ويعدل بينك أنتي وزوجته بشرع الله وحطي في بالك بأن هاذا الرجل هو من طرق بابك وتقدم لخطبتك وأرادك زوجة له على سنة الله ورسوله وهاذا نصيبك ورزقك من عند رب العالمين وأنتي مارحتي له ولابحثتي عنه وتعلقتي فيه وقلتي له تعال يا إبن الناس أنا أبغى أتزوجك على زوجتك هو إللي جاك وبحث عنك والرجل مايعدد إلا وله أسباب ومو ضروري كل رجل يبغى يتزو ج بأخرى إنه يشر ح لكل الناس أسبابه اللي دفعته لزواج من أخرى وتأكدي إنك إذا رفضتيه إنه راح يتزو ج ببنت غيرك لأن إللي يبغى يعدد مايتوقف عند بنت وحدة إذا رفضته راح يبحث عن غيرهاوالبنات العازبات ماخلصوا وراح يتزو ج ومو كل بنت يخطبها معدد تدخل هالمنتدى تتشاور الأعضاء تاخذه والا ماتاخذه راح تتزوجه وتعيش حياتها معاه بالطول والعرض ومن الممكن إذا كانت هاذي البنت متخوفة من نهاية هاذا الزواج بإمكانها طلب ضمانات لمستقبلها مع هاذا الزوج بحيث إنها تضمن إنه إذا تخلى عنها في يوم من الأيام وتركها تقدر تستفيد من الضمانات إللي قدمها لها بالذات إذا كان عندها منه أطفال .
بالنسبة للأخوات الأعضاء شوفوا أولا أنا زوجة أولى ولاكني أنظر لجميع الفتيات إللي يتزوجوا من معددين على إنهم نساء مثلي مثلهم عندهم عاطفة لديهم غريزة الأمومة يريدون الإستقرار والإحساس بالأمان
عندهم كتلة من الأحاسيس والمشاعر ويتمنون من يسترهم ويعفهم وهاذا من حقهم إللي ربنا سنة لهم في شريعتنا الإسلامية أخواتي الفاضلات حب لأخيك ماتحبه لنفسك المرأة إللي تاخذ معدد هاذي إنسانة مسلمة أختك في الله بكرة يمكن أختك أو بنتك أو حتى بنت بنتك أو ولدك تاخذ معدد برغبتها وإقتناعها هيه الحين البنت هاذي طلبت منكم المشورة والرأي فيجب نصحها بكل أمانة بعيدا عن العواطف والأحاسيس والمشاعر تخيلوها أختكم أو صديقتكم إبعدوا عن إنكم تتصورونها ضرة لكم هاذي إنسانة بشر من لحم ودم لها غرائز وأحاسيس ومشاعر الزوجة الثانية إلى الرابعة مو مصنوعة من قطعة بلاستيك هي إمرأة مثلك مثلها وإذا الله كتب لها بزواج من معدد هاذا نصيبها ورزقها من عند ربها إذا كان أنتي عندك نفور وعدم قبول لرجل المعدد فهاذا مايعني إنك تنصحي كل البنات يصيروا مثلك وإنها لازم تنتظر فارس الأحلام إللي بتكون معاه لحالها طيب فرضا لو تزوجت شخص مو متزو ج وبعد فترة من زواجهم قرر زوجها يعدد وفعلا عدد ماتشوفون إن هاذي الزوجة صار لها شريكة في زوجها رغم إنها ضحت بالرجل المعدد علشان الأعزب في مامضى وفي النهاية صارت زوجة معدد ويمكن يكون معدد مايخاف الله ولا يراعي حقوق زوجاته وطبعا هاذا مايعني إن كل الرجال المعددين مايخافون الله بالعكس هناك رجال معددين ونعم الأزواج هم لزوجاتهم وعايشين حياتهم بشكل طبيعي جدا وبالنسبة للمشاكل الزوجية فهي تصيرحتى مع الموحد ومشاكل بعد كبيره ولاكن في النهاية نجاح زواج الرجل المعدد بيده هو الرجل هو الأساس إذا كان رجل ذو شخصية وله وزنه وثقله بين زوجاته وكلمته هيه المسموعة وماله بشغلة فلانة قالت وفلانة سوت وعنده خط أحمر لكل واحده من زوجاته ماتقدر تتعداه ولاتطاول كلن منهم على الأخرى ويعيش يومه مع كل وحدة من زوجاته على أنه ماله غيرها بحياته ويبتعد عن المقارنات بين زوجاته لا بالصفات ولا بالأعمال والأساليب الزوجية لأن كل إمرأة من زوجاته ولها طريقة تفكير تختلف عن الأخرى فالمقارنة هنا ماتصلح أبد
وطبعا نحن النساء فينا صفة هاذي الصفة إذا زادت عن حدها إنقلبت ضدها الا وهي الغيرة هاذي الصفة إذا زادت عن الحد عند المرأة فصدقوني إنها ماعاد راح تشوف الصح من الخطأ في مواضيع التعدد بالذات ولاراح تقدر حاجة أختها
المسلمة بالزواج من معدد وكل فتاة عندها ظروف وأسباب تخليها تتزو ج من معدد
وإذا أخذت معدد ليس بعيب ولاحرام وإذا أخذت معدد ماراح تنقصها لا يد ولا رجل و زوجته ماراح تاكلها وزوجته إذا كانت لها إعتراض ترو ح تعترض على زوجها وبنات الناس مالها دخل فيهم لها شئ تاخذه من عند زوجها أما ضرتها مالها دخل فيها
والزوجة الثانية ماجت رمت حالها على الرجل المتزو ج وقالت له أنا أبغاك تعال تزوجني هو راح يراكض وراها هي مالها ذنب في مشاكل زوجته الأولى وأخيرا وين أفضل شئ عندنا كزوجات أوليات إن أزواجنا يعددن ويتمتعن بما أحله لهم رب العالمين ونعرف وين يروحوا ومن فين جايين وفين يسهروا ويباتوا ومع من كان جالس ومن كان يكلم ويراسل وإلا إنه يخون ومن حضن عاهره لأخرى وجواله شغال 24 ساعة ومغلق برمز قفل ومسنتر قدام النت ومقفل باب الغرفه عليه وإلا يطلع ويقابل عشيقاته فين مايحب ومايبغى و فلوسه ورواتبه ما أدري وين يوديها ومن ياكلها عليه وأنا وعيالي ننحرم من أبسط الأشياء وأجلس أموت باليوم 1000 ألف موته وقت ما أسأله وين طالع ومن كلمت يقول وش دخلك ليش ما أعينه وأوقف معاه علشان يعف نفسه
عن الحرام وأنا أريح نفسي وبالي من الهم والتفكير والخوف من الأمراض والعلل الجسدية لأن الله عز وجل ما خلقني علشان أعبد الرجل وأعيش حياتي لرجل وأحط كل
إهتماماتي بهاذا الرجل وأشغل نفسي بهاذا الرجل أنا خلقت لأعبد الله وأقوم بما أمرني الله به وإذا كنت فعلا أحب زوجي وأخاف عليه من أن يقع في الحرام فما المانع من زواجه بأخرى مقابل أن أضمن حقوقي معاه كزوجة إذا تزوج هو بياخذ حرمة مثلي مثلها ولاراح تنقص مني لا يد ولا رجل وإذا لي حقوق فهي عند زوجي وليست عند ضرتي آخذ حقي من زوجي وبنات الناس مالي شغل فيها هيه كمان تبحث عن الإستقرار والأمان في حياتها فليش أحاربها وأنغص عيشتها وأنكد عليها حياتها وأظلمها والظلم ظلمات يوم القيامة والله لازو ج ولاغيره راح يدخلك الجنة ويناولك رضى رب العالمين عليك إلا عملك الصالح ونيتك الطيبه والسليمة وحبك للخير أين ماكان لنفسك ولناس أجمعين .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

لله عندما حلل التعدد احله لحكمه هو اعلم فيها فسبحان الله هناك الكثير من الرجال الخيانه تجري في اجسامهم مجرى الدم
بمعنى انه حتى لو تزوج اربع زوجات فلن يمنعنه من الخيانه وحتى ان هناك بعض الزوجات يخن ازواجهن فلم لم يباح لهن التعدد.. انا اقصد من كلامي لو كان الزوج عفيف وطاهر وخلوق ويحب زوجته وكذلك الزوجه فلو كانت ودود ولود مطيعه لزوجها تقوم بجميع واجباتها فلما التعدد ولما الخيانه فهذا الشئ اصعب مايكون على المرأه<< هذا اختصار لما اريد قوله وشكرا لصاحبه الموضوع التي مهدت لي لكتابه ما يدور في مخيلتي فقد لاحظت انه كثر الحديث بهذا الموضوع في الاونه الاخيره ..

عليكـ بالإستخآرهـ كما قالوا لكـ الأخوهـ والأخوآت

وترآ أحيان الرجل المتزوج يملكـ من الدين والصفات والأخلاق الشئ الكبير ،، وما عليكـ من كلآم الناس والأقارب ،، لأن أغلب البنات تقول الناس بتآكلني والناس والناس ،، والنآس ما دروا عنها ولا جآبوا خبرها ،،

إستخيري إختي

وأسال الله لكـ التوفيق ..