حمدلله على السلامة ياعسل
الله يسلمك حبيبتي اسفرت و انورت منوره بوجودك يا الغالية والله لك وحشششة كبيييييرة توحشك العافية إن شاء الله انتي كمان وحشتيني بس تعالي اسالك .... كيف سويتي و انتي بعيدة عن الاطفال؟؟؟ ايش كان شعورك .. اتاقلمتي بسرعة ؟؟؟ تبغي الصراحه كنت مطمنه لهم لإنه أبوهم معاهم و ما شاء الله عليه مره كويس في الإهتمام فيهم فما إشقت لهم إلا بعد إسبوع بعد ما شبعت نوم و طلعات و حفلات و وناسه هههه بس كنت على إتصال معهم شبه يومي، و زوجي كان من النوع إللي يعصب إذا كثرة اسئله عن العيال فكنت اتصل عليه أسأل عنه وكده، و اتصل على أم زوجي ولا عمة العيال و أسألهم بأدق التفاصيل ايش أكلوا، كيف نومهم، سألوا عني، و إلخ يعني و سويت فكرة أبونا الفاض (رجل الرجال) بأني أكلمهم مسن صوت و صوره بين فتره و فتره فالحمدلله عدت على خير حابة اسافر مع ابو الشباب وحدنا بس مو قادرة اسيبهم لا لسه سما صغيره حرام عليكي.. استني لما تكمل سنه أو سنه و نص إلين سنتين يكون حلو تكون وقتها بدت تاكل الأكل العادي و تمشي و تتكلم شوي فما راح تكوني مره قلقانه عليها إذا سبتيها مع أحد فستني شوي و ارتاحي من الحمل و الولاده و إستمتعي بوقتك معاهم و لاحقه إن شاء الله على السفر لحالك أو مع أبو الشباب و اطفالك كيف كان شعورهم و انتي بعيد؟؟ اتاثروا ؟؟ بنتي مره متعلقه فيني، فكانت كل صباح تسألهم فين ماما، و أحيانا بس كده فجأه تسأل عني فكانو إذا سألت عني على طول يتصلوا فيني عشان تكلمني وتهدا، مع انها قلبتها لعب يعني و كل شوي ابغى أكلم ماما أما ابني الصغير ما إهتم أبداً ولا فرقت معاه، أو إنه ما عرف يعبر كويس لأنه لسه ما يتكلم، فكان عادي يلعب و مستمتع معاهم وكيف استقبلوك ؟؟ طبعاً بنتي كبيره و تفهم و كلمتها قبل ما أجي بيوم و كانت مستنيه بفارغ الصبر و أول ما شافتني على طول جرت علي و حضنتني و قالت وين فستاني ههههه لأني وعدها أجيبلها فستان حلو إذا كانت شاطره و ما تعبت أحد أما ابني، وقف متنح و يطالع فني، قرب شوي مني بس بعدين رجع لورا و جرى مني على أبوه، و رفض إن أحظنه كأني وحده غريبه عنه طبعاً قلبي وجعني لما سوى كدا، بس كنت متوقعه ردة الفعل هذه لأني قريت شوي عن كدا،، بس في خلال اليوم و بين الكلام و السلام على الأهل و الأكل و كده قرب مني و لمس يدي و قال ماما، طالعت عليه و حملته و بسته و حظنته و قلت الحين إتذكرتني؟؟ و رجع عادي زي أول |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|