13-01-2011, 01:19 PM
|
المشاركة الأصلية كتبت بواسطة Take Breath
 عيل أماكن وايده تجهلينها في البحرين باجر راح آمرج واييج واخليج تفترين لين تقولين بس رديني بيتنا : المهم نرجع لمشكلة الأخ " دنيا ومن يدري ".. = أهلك لا تدخلهم في مشاكلك بتاتاً .. الدنيا تجارب وجرب بنفسك وعيش.. ماله داعي بيتكم كلكم يعرفون بمشاكلك ويه خطيبتك .. ترى حتى خطيبتك بعدين ماتحس بالثقة فيك وماتحس ان قادر تحل مشاكلكم بنفسك لازم الاستعانه بصديق وبتقول البنت في خاطرها ... باقي هندي البقاله يروح يقول له عن مشاكلنا..= لا تطنشها ولا شي ... حلوا مشاكلكم بهدوء قول لها حبيبتي فديتج يا بعد جبدي يا بعد طوايف هلي هالشي ماحبه اتمنى انج ماتسوينه وبالمساحل والمسايس كل شي اوكي خلاص اتصل فيها وتكلموا براحتكم = وعن سالفة الفلوس .. إحنا عندنا من الريال يملج على البنت من ساعتها خلاص هو يصرف عليها!! = خفف من عصبيتك و Be Cool |
13-01-2011, 01:24 PM
|
المشاركة الأصلية كتبت بواسطة شيخة البنـــات
أخي الفاضل لازم يكون عندك تصالح مع نفسك .. لازم لما تسوي شي تكون مقتنع فيه مليون بالمئة لازم قبل لا تسوي الشي تحسبه ,, لازم قبل لا تتحجى توزن الحجي لأن كل الأمور اللي إنته فيها سببها التسرع والإندفاعية صدقني الحياة أبدا ما تسوى إن احنا نذبح عمرنا ونقطع في روحنا , الحياة صج صعبة وربما احنا لما نحب , نعشق الطرف الثاني وايد ونحسه إن دنيتنا ومافيها , ربما الطرف الآخر يحبنا وايد بعد لكنه متواخذ علينا بسبب تصرفاتنا أحيانا آنا مادري وما اقدر أقيم على كيفي بس ربما زوجتك من الناس اللي تسامح بس ما تنسى ويمكن هذا السبب في عدم إحساسها بك مثل ما تقول آنا ما راح أنصحك وأقولك سو جذي ولا تسوي جذي بس كل اللي بقولك إياه حاسب قبل لا تسوي أي شي فكر ألف مرة حتى لو كنت مهستر ومعصب لازم توقف نفسك صح بتفشل مرة ومرتين وثلاث لكن صدقني مع مرور الوقت راح تتغير عصبيتك ربما تسبب لك أمور إنت غي غنى عنها ما أبي أطول في الحجي وأهذر يمكن لانك مو أي حجي تتقبله لكن صدقني الحياة مهما كانت قاسية إلا إنها تعلمك أمور وايد و إنت لازم تتغلب عليها ومثل قلت التجارب اللي نمر فيها , صح تكون وايد قاسية علينا لكن تعلمنا أشيا وايد احنا كنا غافلين عنها فكر .. تصالح مع نفسك .. ولا تتذكر الماضي وقسوته عليك لأان هذا راح يؤثر على نفسيتك ويضايقك أكثر أتمنى أكون قلت لك شي مفيد والمعذرة لو خطيت ف شي من كلامي تأكد إن بدون قصد .... ودي |
13-01-2011, 01:28 PM
|
المشاركة الأصلية كتبت بواسطة Take Breath
ساعدها وعطها .. لكن لا إفراط ولا تفريط.. معناته خلك معتدل معاها لا تعطيها بحيث إن خلاص كل شوي تقول ييب لي وعطني وابي واحتاج .. ولا تبخل عليها بحيث تحس بالتقصير منك .. خلك معتدل خلاص انت تحبها وهي تحبك ... بس عندي لك جل وآخر الدواء الكي.. خلاص اتصل فيها ... آنه يابنت الناس احبج وابيج .. تبين تواصلين معاي ... اوكي خلينا نتفاهم ونحل مشكلتنا بهدوء... ماتبيني ... خلاص براحتج .. بس تأكدي آنه ليلحيني شاريج وابيج.. واوعدج احاول باللي يقدرني الله عليه ماسوي اللي يزعلج .. وابيج انتي تفهميني آنه طبيعتي عصبي وبسرعه اتنرفز بس قلبي طيب والأهم من هذا يحبج ويبيج آنه غلطت إي نعم .. واعترفت بغلطتي إي نعم .. وهم ابيج صح ... بس خلاص نزعل فترة وبعدها نرجع مو على أي كلمة لازم نوقف ولا على أي موقف خلاص نقول مابنحاجي بعض.. ومشاكلنا من يوم ورايح بتم بيني وبينج ... تبين نرجع مثل قبل وأحسن خبريني؟ ماتبين خلاص الله يوفقج ... وخذي وقتج بالتفكير ورديلي خبر .. بعد يومين بنتظر ردج ع اساس انج تاخذين راحتج بالتفكير... شرايك ؟ مو جذي اوكي وحل زين؟ |
13-01-2011, 01:48 PM
13-01-2011, 01:53 PM
|
المشاركة الأصلية كتبت بواسطة شيخة البنـــات
مثل ما قلت انطر فترة شووي تهدأ النفوووس وكل شي يصير على ما يرام بس لازم تحاووول تقول لها عن اللي يجول بخاطرك حرام تقعد تآكل بنفسك هالكثر قول لها صارحها خلها تحس إنك تعشقها , تحاتيها , تحبها موت , يمكن لما تشوفك جذي وتسمع كلامك كله تحس وتتأثر وصدقني لما تعرف إنك تحبها هالكثر بتتغير فهمها إنك غلطت صح لكن إنت تتعلم من أخطائك و الواحد مو عيب يغلط العيب إنه يغلط وما يتعلم آنا أحبج وبتعلم من أخطائي ومشاكلنا بينا وووووبس و خلنا نعيش مع بعض وما نضيع من عمرنا أيام على مشاكل وهواش خلنا نستمتع بكل لحظة ونعيش اليووم بيووومه عصبيتي هذي مع مرور الأيام بتخف صدقيني الواحد كل ما يكبر في العمر كلما يهدأ وانتي عارفتني عصبي فعلا لكن قلبي يهواج ماعليج من لساني ومن كلامي هذا كله حجي وبحاول قدر الإمكان أهدأ وكلام الأخت تنفس كفى ووفى أتمنى أكون أفدتك شوووي |
13-01-2011, 02:00 PM
| انا افكر اني انتضر شهر ليمن تهدا النفوس |
13-01-2011, 07:33 PM
|
المشاركة الأصلية كتبت بواسطة دنيا ومن يدري
ابي اصدمج بمعلومه ... البنت مغيره رقمها
بتقولين شلون عرفت ان مغيره رقمها طيب بقولج لما حصلت بينه اخر مشكله امي قالت لها لاتكلمينه تلفون ولايكلمك ولاتردين عليه .. حلوين.. الي حصل في رقم مزعجني كل ما اقوم من النوم القى مكالمات لم يرد عليها .. ((لانه لما حصلت المشكله الاخيره ماقدرت اداوم نفسيتي كانت مو شي حيل )) فـ اتصلت على الرقم بعدها بيومين احد يرد وساكت واسده وارد اتصل نفس الشي وحواليه صوت جهال حسيت انها هي وتاكدت انها غيرت رقمها ونسحبت.. انا اعرف رقم بيتهم ورقم امها وابوها واخوانها .. بس صعبه شوي لانها سحبت نفسها ممكن حبت تسمع صوتي بس وعلى العموم انتي ماقصرتي يا اختي شيخه والله يجزيج خير والله يسعدك |
14-01-2011, 07:59 AM
|
المشاركة الأصلية كتبت بواسطة Take Breath
شهر فترة طويلة حيل ... وممكن تسبب برود بينكم! امممم انطر اسبوع لا تدز مسجات ولا تتصل او بالكثير اسبوعين.. وبعدها اتصل شوف شتقول لك!.. الله يهديها ويردكم حق بعض |
14-01-2011, 08:09 AM
|
المشاركة الأصلية كتبت بواسطة شيخة البنـــات
غيرت رقمها !!!! غريب والله يعني إلى هالدرجة ! بس بقولك في بادرة أمل كانت تتصل عليك ! شنو هذا يعني ؟؟ يعني البنت تبي تسمع صووتك ويمكن إنها بس قاعدة تطبق كلام أمك فقط ! مدري شقوولك بس أقول يمكن هي تسمع كلام والدتك لكنها حبت تسمع صووتك بس هم تغيير الرقم بدون ما تقولك شي مب عدل على الأقل تدز لك مسج تخبرك إن شاء الله يتعدل الوضع على خييييير وترجع الأمور طيبة وتيي تبشرنا الله يهديها لك ويهديك لها |
14-01-2011, 12:36 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
