بالصور رحلتي لشرق أسيا.. - الصفحة 4 - منتدى عالم الأسرة والمجتمع

06-11-2010, 02:39 PM

#31

الصائمة لله

رئيسة الهيئة الاستشارية

تاريخ التسجيل: Feb 2007

المشاركات: 14,843

ماشاء الله تبارك ..

الحمد لله على سلامتكم ..

تقرير ولاأروع ياغاليتي ..والصور تمام والطبيعة مررة حلوة سبحان من خلق ؛

وبنتك تجنن الله يحفظها ويستر عليها يارب وعلى جميع بنات المسلمين ...

ودمت بحفظ الله وتوفيقه ...

__________________
إِيَّاكَ نَعْبُدُ وَإِيَّاكَ نَسْتَعِينُ

=====================

06-11-2010, 04:00 PM

#32

وردة بين الثلوج

كبار شخصيات المنتدى

تاريخ التسجيل: Apr 2009

المشاركات: 4,491

ماشاء الله تبارك الله تقرير جداً رائع وأسلوب أروع ..
الله يعطيك العافية
والله يحفظ لك بنتك امووورة ماشاء الله تبارك الله..

__________________

(اللهم لك الحمد كما ينبغي لجلال وجهك وعظيم سلطانك )

06-11-2010, 06:29 PM

#33

جداوية و أفتخر

عضو مميز

تاريخ التسجيل: Feb 2008

المشاركات: 2,089

أتعب و أقول روعة

صراحة تقرير في قمة الوناسة

لكن ليش ما تكلمين الادارة يدمجونة بصير مرة حلو

تراي متابعة من زمان بس عجزانة أكتب

متحمسة و بقوووووووة معاك

__________________
ليتني طفلة أكبر همي لعبتي

08-11-2010, 12:16 AM

#34

بنت مكة2008

كبار شخصيات المنتدى

تاريخ التسجيل: Apr 2009

المشاركات: 7,516

<<دخول للمره 3 ماشاء الله تقرير مشووق جداا وواضح انها رحله حلوة الله يزيدكم

بس اتخطب واتزوج طلب يكون شهر لعسل هنالك

من اولها اتشرط

راح انتظر الباقي

__________________
ياررب ارح قلبي وعوضني خير

08-11-2010, 03:28 PM

#35

احلاهم واتحداكم

عضو متألق

تاريخ التسجيل: Feb 2008

المشاركات: 1,152

مساكم خير وبركة.. الله يتقبل منكم العمل الصالح بهذي العشر..

مثل ما وعدتكم.. رحلة اليوم مشوووووووقة.. وممتعة.. وفظيعة.. ووناااسة..
وحلووووة..ومتكاملة ..
وكل صفة تقدرون تساعدوني فيها عشان أوصف لكم رحلة اليوم أكون ممنونة لكم..

أول رحلة لنا في بونشاك.. اللي هو يوم الأربعاء .. يوم مباراة الهلال وإيران..

اللي هي حديقة الحيوااااااااااان.. قلت لكم قبل أنا ما احب حديقة الحيوان.. لكن هنا غيييير.. مثل جدة غير..

ما يحتاج أقول لكم قمنا الصبح .. وأفطرنا.. والسواق ينتظرنا!!

لأنكم خلاص حفظتوا الدرس..

المهم..

نطينا من فراشنا الصبح.. وتريقنا.. وكان السايق ينطرنا..

هنا وحنا قاعدين نطلع من الفندق..

وهذا المدخل .. طبعا مدخل الفندق مو حديقة الحيوان..

ركبنا السيارة ورحنا لحديقة الحيوان..

طبعا حديقة الحيوان هذي عبارة عن سفاري..
يعني ندخل بسيارتنا..

الجو كان حلو .. وامطار غزييييييييييييييرة.. وطبعا عندهم تصريف للمياه الأمطار ولقط هذي الصورة..
صاير كأنه نهر جااااري..

المهم قبل لا ندخل في محل يبيع جزر .. أشترينا منه عشان نوكل الحيوانات ..

وهذي أول صورة..

بصراحة ودي أرفق لكم مقاطع فديو قصيرة .. بس ماني عارفة شلون!!!

المهم..

وصلنا للحيوانات المفترسة..

طبعا الحيوانات مو ماخذه راحتها لأنه المطر غزييييير..

ندخل على أماكن اليفة .. وبعدين مفترسة.. أليفة وبعدين مفترسة..

ركزوا على اللي فووووق.. مو بس تتفرجون على الموية

هنا دخلنا بالسيارة في الموية

انتظروني شوي.. بصلي وأرجع..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

08-11-2010, 05:37 PM

#36

جداوية و أفتخر

عضو مميز

تاريخ التسجيل: Feb 2008

المشاركات: 2,089

أحلاهم باقي ما خلصت الصلاة

لا يكون التراويح بس أمزززززح

متحمسين معك

__________________
ليتني طفلة أكبر همي لعبتي

08-11-2010, 05:59 PM

#37

احلاهم واتحداكم

عضو متألق

تاريخ التسجيل: Feb 2008

المشاركات: 1,152

عدنا..

وين وصلنا.. وين وصلنا..

ايه وصلننا مررررة ثانية لمنطقة المفترسين..

بكذا خلصت السفاري.. لكن طبعا بالواقع طووووولنا في السفاري .. لأننا قعدنا نوكل الحيوانات..

بعد ما خلصنا .. دخلنا داخل الحديقة..

أنا قلت لكم في البداية أنه حديقة الحيوان شاااااملة.. يعني سفاري.. وحيوانات بالأقفاص..

ومحلات لبيع الألعاب.. وملاهي للأطفال.. وقطار الموت للكبار.. ومدينة مائية.. وساحات متنقلة للعروض.. ومواقع ثابته للعروض..

عروض الدلافين.. وعرض الأسد.. وعرض الفيلة.. وعرض الكوبوي وهو من أمتع العروض وأغربها..
وكل عرض له جدول ووقت محدد لعرضه.. وتقريبا مدة العرض ساعة إلا ربع لكل عرض..

ومطاعم .. وكفيات.. يعني يوم كاااااامل يادوب تلحق عليه..

هنا بعد ما خلصنا من السفاري..

بس بصراحة .. وش رايكم بالتناسق.. يعني حتى لما أطمس الوجه.. لازم أحترم ذوق المشاهد وأختار اللون اللي يناسب اللبس..

وهنا عند الألعاب..

هنا قرب عرض الفيلة..

فقلنا لازم نكون قريبين من العرض.. فطلعنا من الألعاب واتجهنا للكفي..

حضرنا عرض الفيلة.. لكن ما صورت لكم .. لأنه اللي يسوون العرض .. حريييييم.. وأنا صورت فديو..

المهم ما علينا.. فاصل ونواصل..

08-11-2010, 06:57 PM

#38

احلاهم واتحداكم

عضو متألق

تاريخ التسجيل: Feb 2008

المشاركات: 1,152

نواااااصل..

بعد ما خلص العرض رحنا نتمشى بالحديقة.. والجو برااااااااااد يجنن..

وهذي الصور اثناء التمشي..

وهذا محل شريت منه مدالية..

وطبعا شبكت مداليتي بعد ما رجعنا للرياض..

وهنا مشاءالله زوجي وبنته صوروا عند الفهد..

وبصراحة مرررررررررة كنت خايفة وقاعدة أصورهم اي كلام .. بس أبيهم يطلعون بسرعة من عنده..

لا وذيل الفهد بالبداية صار فوق ركبة بنتي!!
وهي قرفت منه ودفته وقالت : يععععععع الله يخسه:14:

وبعد كذا رحنا لعرض الدلفين.. وبصراحة مررررررررررة كان ودي أحضره.. بس وش اللي صار!!

انه زخ علينا المطر!! وما كان في مضلات.. وبدوا أهل الديرة يفتحون مضلاتهم

أهل مكة أدرى بشعابها.

وحنا السواح الخليج والامريكان طلعنا نركض..

وما حظرنا العرض..

المهم بعدها شرينا مظلات .. وصرنا ندور فيها وين مارحنا ووين ماجينا.. تعلمنا درس..

أتجهنا لعرض الكوبوي يللي أعجز وأقول ما كنت أتخيله كذا.. مع اني قريت عنه وقالوا لنا عنه..

لكن ليس الحقيقة كالخيال.. وطبعا ممنوع التصوير هناك..

وحتى لو الواحد صور ماراح يطلع مثل اللي شفنااااااااااه..

وهذي الصورة وحنا قريبين من العرض..

وطبيعي الواحد بعد مايطلع من العرض.. لازم يطلع وهو فااااطس ضحك!!!

بعدها اتجهنا للشلال.. وهذا الشلال برضو داخل الحديقة..

مو قلت لكم الحديقة شاملة.. يعني بتاع كلو..

وهذي تكمله الشلال..

وانتهت رحلة حديقة الحيوان.. وأنتظروني في باقي الرحلات الثانية..

08-11-2010, 11:35 PM

#39

bas_sas

عضو دائم

تاريخ التسجيل: Nov 2006

المشاركات: 99

ماشاء الله تقرير رائع بل من اروع وامتع اتقارير الي قريتهم واسلوبك مميز ومقنع فانا كنت من المعارضين لسفر لاندنوسيا اخاف منهم ومن ديرتهم وكنت سامعه انه ماعندهم شي زين ويستغلون الخليجيين ماديا واخلاقيا لكن بعد تقريرك افكر اروحلها وبقوه
بس حابه اسالك عن السلبيات الي واجهتكم في رحلتكم وهل فعلا مثل مااسمع انه فيه مضايقه من النساء عندهم يستعرضون فيهم لاغواء الخليجيين بذات ارجوا التوضيح لانه كثير الي خوفونا من هالديره وجزاك الله خير

__________________
[]

09-11-2010, 01:40 AM

#40

احلاهم واتحداكم

عضو متألق

تاريخ التسجيل: Feb 2008

المشاركات: 1,152

اقتباس:

المشاركة الأصلية كتبت بواسطة الصائمة لله

الله يسلمك.. مشكورة ياقلبي..

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه