الظاهر ان زوجتك من النوع الخجول جدا لدرجة انك لما تحاول تتودد لها تسوي انها مو فاهمة او يمكن تغير الموضوع
لانها مستحية >>>>>>ثانيا احمد ربك هذا ان دل على شئ دل على انها بريئة وعلى نياتها ومالها سوابق
صدقني اعرف بنات كثير كانو مثل زوجتك ومع الوقت تعلمو و صارو ما شاء الله عليهم
ولا تنسى انها لسى عروس جديدة وما عندها خبرة خاصة اذا ماكان عندها اخوات متزوجات

أخ بس


حتى لو قلت لها روحي الصالون غيري .. ما يصير بدون ما انا اللي اروح واقولها شتسوي

مو سالفه غبااء



سالفة البيئة اللي اهي طالعه منها ..


انصدمت منها .. حتى السوق ما كانت تروحه بالمرره وما تعرف شي ..



والمصيبه سالفه العياال .. كانت من النوع اللي تتأخر عندهم العادة الشهريه حتى لو ل 6 شهور


ما تعالجت .. فاجأتني الحين تقول كنت استحي أقول لأمي



الحين لازم أصبر عليها لين تتعااالج بعد ..


بس كيف وأنا ما أحب اجامعها .. كيف كيف .!!!!!

مو فاهمة كيف تبي تجيب منها عيال وهمك الاول والاخير وانت ما تطيقها ...كيف راح تربوا عيالكم ؟؟؟

يا اخي لا تسعى بموضوع العيال قبل ما تحل مشكلتك وتتقبلها ....ضروري تجيب عيال وبعدها تتركهم مثل الايتام ؟؟؟؟؟؟؟؟؟؟؟؟؟؟

اذا البنت لماحة ومو غبية تقدر انها تتعلم ... لما أرجع الحين الى بيئتي أكون مثل الغريبة ...مالي علاقة ببيئتي القديمة نهائيا لانه الوحدة تتطبع باطباع زوجها مع الوقت من كل النواحي ... حتى الاكل صرت أحب اللي يحبه وأكره اللي يكرهه .

خليها تدخل منتديات وتكتب وتقرأ ...روح الحين وخلها تقعد معاك على النت ودور بالمنتدى وبالنت وخلها تشوف المواضيع .... غيرك يحاول يعلم زوجته وهي تعاند وما تبي ...كبرياءها يمنعها ...اللي أفهمه انه زوجتك تتجاوب معاك ...احم ربك وابذل معاها شوية جهد وهي تتغير وتتحسن ...بس طول بالك ..وأعيد وأأكد عليك موضوع صالون الشعر ...هناك تشوف النساء الثانيات وتسمع تتعلم منهم كيف تعتني بنفسها ...
هذا غير انه لما تغير من شكلها انت راح تتقبلها أكثر ...خلها اليوم تاخذ موعد وتروح

أنا تزوجت أصلا لأني قلت خلآص لازم أستقر ويصير لي زوجة لي وحدي ملكي

أعيش معاها باقي عمري


وكنت متزوج عشان اييب يهااال


لكن تصرفاات زوجتي خلتني اكره فكرة اليهاااااااال


أخاف ايوني يهااال مثل امهم


استغفر الله العظيم


كاني احاول احااااول قد ما اقدر اني اغيرهاا

تراني أشوفها زوجة مستقبلية ممتازة لانها غير عنيدة ... أحس انها تعرف بالنقص اللي عندها وعشان كذا ما تسوي أي شيء الا بمشورتك وترتيب منك ..لانها تخاف انها تغلط ... تذكر صفاتها الجيدة حتى تحبها ... تذكر انها لك وحدك وما عرفت غيرك ... تذكر انها خامة بيدك تشكلها مثل ما تبي ...

شاركها بكل شي تسويه ولا تخليها بزاوية منفصلة عن حياتك ...هذي الطريقة الوحيدة اللي تصير فيها متجانسة معاك ..راح تاخذ أطباعك وعاداتك وميولك ...بس تحتاج صبر ....

حاول تسافر معاها ...السفر يوسع المدارك بشكل كبير ...

خلها تدخل النت لكن خلك حريص ... خل حسابها تحت تصرفك ...وحسابك تحت تصرفها... المفروض ما يكون في شيء سر بين الزوجين . وعيها من المواقع المغرضة ...ألعاب النت والمنتديات المشبوهة ..

ليه عندي شعور انه زوجتك تحبك جدا

يمكن لانها صارحتك باللي ما صارحت فيه أمها .... حسيت انها تعتبرك كل ناسها وكل اهلها

يمكن لانها حريصة ما تغلط أمامك ومن زود حرصها تخاف تبادر بأي تصرف ...

ما ادري ... انت شنو شايف ؟؟؟؟

الله يعينك ويعينها


بصراحه من جد مشاكل اول سنه زواج لما اقرا مواضيع عنها اتعجب يا كثر هي سهله حلولها


مشاكل الزواج عقب 5 سنوات وطالع هي اللي صعبه تلاقي حلول لها وتهدد الحياه الزوجيه

أتطلع للمزيد من الأراء

وبآرك الله في جميع من زآر الموضوع ورد عليه

لأي مرحلة دراسية وصلت؟

وكيف عقليتها؟

يعني أي بنت تتزوج خاصة في البداية يكون هناك تصنع بطريقة الكلام

واللبس والاهتمام الزائد

إذا كان الأمر كذلك , إذن الموضوع ليس بيدها وحل المشكله جذرياً ليس بيدك ولا بيدها , بل هي حاله من أصل الخلقه , وهي مخلوقة هكذا .
ولكن بإمكانكم التخفيف من آثار ذلك , بالحرص من طرفها على " التأنث " ومحاولة التطبع أكثر وأكثر بطبائع الأنثى , والصبر من طرفك .